YUDA 1:5 - PIPÏLIA

⁵ Omökan ye ononwokwa, kïrkegh kökyonkïtukwa lasïny lö kisörï Echotyon pipö Israel osiswechanya kïngetunö koro Misri, wölo atomi löt kuwany pich ompö kwenungwa cho kipuryö kighanat.

YUDA 1:5 ပူးပေါင်းရင်းမြစ်များ

TUMWÖY 106:26

Kïlenyona, kïsyol Tororöt parak ewunyi, akuwalwal lö owongöy chane ompö wölini le surkwen,

WUWÖT 12:51

Kimïtuna ECHOTYON asisoni pipö Israel koro Misri.

RUMI 15:15

Wölo kakirwakwa ngal cho te ompö palalyantanï amelö ompö nyökoryö atamuk ononwokwa ngale walaka. Kaghan lenyoni ompö pöropchö nyo kökonanïn Tororöt,

KINONO KIRURUT 1:32

Wölo kimaghanakwanye ECHOTYON Tororötïngwo ompö ngölyontononi

EPRANIA 3:16

Ekwompö ngo choni kilïm kuti Tororöt akïpeny? Möpïchonicha lapay kimïtuna Musa Misri?

2 PETRO 3:1

Kongotichu, palalyantenyan nyete nyo pö odeny nyo kakirwakwa. Akwompö palaltinechete kwodeny, komukyan angetnget kinonut cho tïlilöch ompö orinkwa otini ononwokwa ngalechï.

1 YOANA 2:20

Wölo kikuyilekwa Nyinte nyo Tïlil, kïlenyona kyonkïtukwa löwïr man.

1 YOANA 2:21

Kakirwakwa amelö ompöwölo monkïtökwanye man, wölo ompöwölo onkïtökwa, ankïtökwa ngat lö möminye putintön nyo ngwïno wölo mi man.