YUDA 1:13 - PIPÏLIA

¹³ Karkegh chane nko mïrtino pögho nanam, cho mïlu pïchan nyo pö pöghisyewutkökwa cho pö arasï. Karkegh chane nko kokel cho pestotoy akï cho wetöy Tororöt kïkörchini wölo tuw lömïs kokay.

YUDA 1:13 ပူးပေါင်းရင်းမြစ်များ

TUMWÖY 65:7

Ighöy Tororöt nanam nyo tïlöy kïsï nko mirtino pögh akwighöy pich cho tïlyot kïsisyö.

ISAYA 57:20

Wölo kikongityot mwokïyis nko nanam nyo melö sisöy, nyo melö mungöy mirtinechi akwipu norayon nko sïmnyon.

PILIPI 3:19

Sörömungwa kiwurata, ompöwölo tororötïngwa muyengwa nisonchegho chane arasingwa yonöy kinonutkökwa tïpö ngwïnyinï.

2 TIMOTEO 3:13

Tösöy tagh kïghochitu tya pich cho ghach cho le lïsï cho lïsöy pikö walaka akelïs kegh chane tïkwïl.

2 PETRO 2:17

Karkegh pïchoni nko kori pöghon cho kitenyö akïkarkegh nko poltoy cho kutöy chepkïrïri. Kikïngotyï Tororöt möngengwa wölo tuw lö yïk.

YUDA 1:6

Anan ya malayken cho kiyörchï kegh wowïn kïsir nyini le nyingwa, akïpïstö möngengwa nyo kö pö su. Kikïrata Tororöt chane sïrïmtin akureytö wölo tuw, akïkörchï chane wölini ntökïtenö kwitï Asisay wow kirwokini chane.

NGONGUT 20:10

Atolapay kewirchï Onyöt nyo kilïs pich nanampa ma nyo ngwan lakat, mapa koghïn cho nöghsot. Kikïwirchï wöloni tïkwïl tyonyay nko werkoyontonay pö putintön. Nyörïlyegho chane wöloni pöghet nko nangat, kokay nko kokay.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”