YOSWÖ 7:7 - PIPÏLIA

⁷ Kïlö Yoswö, “Heywey! Echotyon TORORÖT, ompö ne temïtunanyi pïchï kwowï Yordan, tetönecha mori pipö Amori, tökuwanyecha? Kitö kaykay kemangacha Yordan antakwagh!

YOSWÖ 7:7 ပူးပေါင်းရင်းမြစ်များ

2 PÖYTOGHÏ 3:10

Kïrir pöytoghinto Israel lö, “Ne nyarïlta nyï, kighöy ne ye nyu? Kemïtwecha ECHOTYON so wölete atökuwanyecha pöytoghinto Moap?”

TUMWÖY 116:11

Otyan amwaghan lö, “Möminye ptangengmöt nyo kighönöy.”

WUWÖT 16:3

akïlenchï, “Kitö ngwangwa kïpörchecha ECHOTYON koro Misri. Otini kikïtöpisocha atolekïtö töreni pany akyam makatin ntökepïghyö, ompöwölo kemïtwechanyi kepkana surkwen atetïghenö pïchï löwïr kömöy.”

WUWÖT 17:3

Kyam pich maral ompö atoni. Kïngwïrngwïronchï Musa akïlö, “Ompö ne temïtunenechanyi Misri ateparecha nko monecha nko kyakicha ompö maral?”

KIYITUT 14:16

keparanyi piköku ompö surkwen ompöwölo melö kemukanyi ntemït chane kwit kor nyo kiyomisyinyi chane.

KIYITUT 14:3

Ompö ne tökumïtwecha ECHOTYON koronï, lö so tökewonyenöcha ompö chok? Kïnömöy korucha nko monïnge. Möngwangwanye ye kemïlisyö Misri?”

MATAYO 17:17

Kuyokyï Yeso chane lö, “Ne pïnta nyï mötïng kighanat akïchumpönote nya! Otöponan nko akwa nko oyï? Omïkukönan nko akwa nko oyï? Amïtuna montö yi omitan!”

MATAYO 17:20

Kuyokyï Yeso chane lö, “Ompöwölo mïnïng kighanatenkwa. Omwowokwa nyoman lö ntökotïngetekwa kighanat nyo tenö kösïghyonto ket pö aradali kötomukekwa olenchinö kutïngï, ‘Ngetena yi aiwö atara,’ kötöngetöy akömökïminye kïgh nyo memukonye ompö akwa. [

EPRANIA 12:5

Kowutyeghekwa so ngalechay konokwa kikilöt chay mwowokwa Tororöt lö ochikwa monechi? “Werïnyu mesas sito Echotyon, amekany kïmeghïn mu otinö mi nyinte kïchilinyi.

YOSWÖ 7:6

Kïkarer Yoswö nko poyi Israel sïrokökwa akutö mötöwekwa terïtyon kuporï nyarïltangwa akïwirchï kegh ngwïny ompö tawu Santuku Muma* ECHOTYON ntökwimön.

YOSWÖ 7:8

We Echotyon, omwoghan ne akwanyï kiryagha Israel pungkökwa.

1 SAMWEL 4:3

Nyini kimïlisyö möngot pipö lïk, kïtep kegh poyi Israel lö, “Ompö ne tökïpïsyï ECHOTYON pipö Pilisti kïrïntecha? Kepe kesïtunö Santuku Muma ECHOTYON nyay mi Syilo, atömanyïl kungwïn kwenuncha atökïsörwecha ompö owesyo pungköcho.”