YOSWÖ 7:1 - PIPÏLIA

¹ Wölo kigh pipö Israel ngokï, ompö tïkuchay kikengot kïpöyit ECHOTYON atökenyar, ompöwölo kicheng Akan, wero Karmi, wero Sapdi, wero Sera nyo pö ara Yuda, tïkwïn cho ngörï ompö chay kikengot. Kïlenyona kïngwanit nörekyo ECHOTYON tya ompö pipö Israel.

YOSWÖ 7:1 ပူးပေါင်းရင်းမြစ်များ

TOWUNÖT 34:27

Nyini kiwonyö pörchonay, kïpa werpö Yakopo walaka kïlïtöy kanasyantanay akïcheng tïkwïn, tökutak arasito cheptöngwa.

2 SAMWEL 24:1

Kïngwanit nörekyo ECHOTYON lö kat ompö pipö Israel ngat akwigh Daudi kutö chane kömpölelyö, kïlenchï ECHOTYON nyinte, “Wïyö yitö pipö Israel nko Yuda.”

2 PÖYTOGHÏ 5:24

Akwotini kitïta chane kutïngay kimi Elisya, kïchenga Keasi mötworichay mïlotwechay akwip kutang konyi. Atolapay kïmwochï mötworichay pö Naaman kïmïlonchö.

1 OTÖPTINO OSIS 21:7

Kimangaraknye Tororöt ompö ngalechoni, kïlenyona kutö sitöt pipö Israel.

2 OTÖPTINO OSIS 24:18

Kïpïstö pich kïsagha Kö pö ECHOTYON Tororöto papotïnekwa, akutor kïsagh körkeyïntin nko Asyera* tororöt nyo le korka. Kïnarek ECHOTYON ompö Yuda nko Yerusalem ompö ngoki choni kigh.

ESRA 9:6

alenchï, “We Tororötïnyu, ochan lalïyanate osyol tokochunyu kurosinyi, ompöwölo kitösisyö kïchangit ngokicha nyoman, teno ghöyityencha ngwïny nko yïm.

AYUPU 35:8

Nömöy kegh ghöyityengu pich cho lata nyi, akutöni pat mantangu kinyiwut ptangengmöt le nyi.

OMTOGHIN 9:18

Kaykay ngöghomnyö kïtïl kori lïk, wölo muköy lelutyö akong kunyoröy tïkwïn cho chang cho karamach.

DANIEL 9:7

Ipoyenyi man, we Echotyon, wölo acha cho kikelel akekonï arasï kïnomnyö ompö pipö Yuda nko cho pö Yerusalem nko pipö Israel löwïr cho lekïtöch nko cho lowöch cho mi koroswechini kiyonchinyi chane, ompöwölo kitagh kughaninyi.

LAWIN 10:6

Atolapay kïlenchï Musa Aron nko werkachi Eleasar nko Itamar, “Mopïstö putekwo kïtirirön amakarer sïrokökwo, kuporï lö omikwa lok atömomeghö atömönörekyï ECHOTYON pich löwïr. Wölo muköy kïriryö pipö Israel walaka löwïr ompö chane cho kewanya ECHOTYON ma.

YONA 1:7

Atolapay kïlenchï kegh ipichay, “Apkana kepara kwegh, tökenkïtunö lö ngo nyo kepï ngokichï kanamecha.” Kïlenyona kïpar kweghchay, kïnam ngala Yona.

YOSWÖ 22:16

“Kölö söpïch pö ECHOTYON kïtangogh, ‘Ne kitö nyï gha kaghakwa olelchï Tororöt pö Israel? Otï kowöghökisyekwa asisï marïpa ECHOTYON, kangetakwa otekyï kegh ye ato kïpelo amöros, kapenyakwa kirurut pö ECHOTYON.

YOSWÖ 22:18

Akwanyï ye kowöghökisyö marïpa ECHOTYON? Ato apenyakwa ye ECHOTYON, kïnörekyini nyinte asïyech pipö Israel löwïr.

YOSWÖ 22:20

Ayo! Melö Akan wero Sera so nyay kigh ngokï kïcheng tïkuchay kikïngot, kïchïnchï nyarïl pipö Israel löwïr. Amelö kima nyinte onkït ompö ngokichi.’ ”