YOSWÖ 13:7 - PIPÏLIA

⁷ Chöghchinönyi nyu koronï ortïn mut nko angwan nko kareranpa ara Manase atökïcheng.”

YOSWÖ 13:7 ပူးပေါင်းရင်းမြစ်များ

TUMWÖY 105:44

Kitö Tororöt chane koroswekwa pikö walaka akïpïsyï chane kïmïl parenikwa cho kisïnga,

TUMWÖY 78:55

Kiyona nyinte pipö punton tawungwa, akutö pipö Israel kïmïl koroswekwa, kitö nyinte ortïna pipö Israel möngengwa.

ESEKEL 45:1

Otini kachaghtekwa kor kïcheng pich kïrïpata kegh nko ortïn, angot kareran nyo kitïlilchini ECHOTYON, kor nyo nyo ngata kilomiten taman nko odeny nko nïsï ompö koghïn nko kilomiten taman ompö töpesïn.

KIYITUT 33:54

Ichöghchï kore pich ompö kura kïrïp kegh nko kiyitötengwa, itö kore nyo wow pich cho chang, itö nyo mïnïng pich cho ngörï. Pöyitu pich kareran anka tïkwïl kïrïp kegh nko kwen nko ortïneko kukötïnekwa.

KIYITUT 34:13

Kïlenchï Musa pipö Israel, “Koronete nyo omïlekwa ompö kura, kor nyo kamwa ECHOTYON lö, otöni ortïn mut nko angwan nko kwenu or akonga,

YOSWÖ 13:6

nko pipö kamas löwïr kïngata Lepanon ntökwit Misrepot Maim ata pipö Sidon löwïr. Oyonan ante ompö tawu pipö Israel, chöghchinönyi kore pipö Israel kïcheng kïlïkwï nyingwa lenyini komwowunyi.

YOSWÖ 13:8

Kikikïcheng kareranpa ara Rupen nko Manase nko ara Kad koroswechï kitö Musa mötworinto ECHOTYON chane, ompö Yordan antakwagh okumpö kongasis:

YOSWÖ 14:2

Kipegha chaghengwa nyo pö koros parata kwegh lenyini kimwochï ECHOTYON Musa kwighchï ortïn mut nko angwan nko kareranpa ara Manase nyo pö odeny.