YOSWÖ 13:3 - PIPÏLIA

³ kingata lalwa Syior okumpö kongasispa koro Misri nko okumpö löt ntökwit rotyo Ekron, tökuyitote lö koro Kanan. Mi pöytoghï cho le mut cho pö pipö Pilisti, cho pö kanasyanta Kasa nko Asdod nko Askelon nko Kat nko Ekron nko cho pö Apim,

YOSWÖ 13:3 ပူးပေါင်းရင်းမြစ်များ

TOWUNÖT 10:6

Werpö Am kï ki Kus nko Misri nko Lipya nko Kanan.

TOWUNÖT 15:18

Kam ECHOTYON muma* nko Apram asisoni lö, “Otöninan moneku koronete kïmïkul, kïngata lalwa Misri ntökwit lalwanay wow kïkuro Yuparet.

1 PÖYTOGHÏ 8:65

Kyama Solomon nko pipö Israel löwïr Ichon pö Tunkun Kö pö Tororöt ompö osis mut nko odeny. Kighamïtuna kegh pich kïngetunö Amat ntökwit rotyo Misri.

1 OTÖPTINO OSIS 13:5

Kïkur Daudi pipö Israel ompö kore kïmïkul, kïngata rotyo Misri ompö okumpö ewu tagh nyo pö Amat, wölo kïlïto okumpö ewu löt atökesïtunö Santuku Muma Kiryat Yearim kungwïn Yerusalem.

ISAYA 23:3

kwoghyö nanam tökwal akwalta pagh cho kirïrö koro Misri ataghana mïnchïrïsnön nko piko koroswe walaka.

YEREMIA 2:18

Akï ye köny, nyiwu ne ato iwenyi koro Misri? Kepïrchinyi wïyö ghegha pögho lalwa Nile? Anta nyiwu ne wïyö koro Asirya? Kepïrchinyi wïyö ghegha pögho lalwa Yuparet?

KINONO KIRURUT 2:23

Kimöngöy pipö Apim sörömu nanampa Kwen ntökwit Kasa, kïpka pipö Kaptorim kïpar chane akïmöngisyö.

YOSWÖ 13:13

Amelö kiyon pipö Israel Kesyur anta Maaka wölo kimang chane kwenu pipö Israel nko ye.

KIRWOKÏ 16:5

Kïpa pöytoghi kanasyanta pipö Pilisti wöloni kimi kokononi akïlenchï, “Ngoyngoya nyinte kïmwowï wölo mi owesyenyi nko wölo kïnömtoy nyinte tökerat keretö. Koninyi chi anka tïkwïl ompö acha ropïyeni silpa cho le 1,100.”

KIRWOKÏ 3:3

Achï puntonichoni: pöytoghï mut cho pö pipö Pilisti nko pipö Kanan löwïr nko pipö Sidon kïmi nko pipö Ipiti cho kimöngöy kutïngkoti Lepanon, kïngeta kutïng pö Paal Ermon ntökwit Adoketpa Amat.

1 SAMWEL 5:1

Nyini kicheng Pilisti Santuku Muma, kïsït kïngeta Epeneser ntökwit kanasyanta Asdod

1 SAMWEL 5:10

Kïlenyona kïsït Santuku Muma kanasyanta Ekron. Nyini kit Santuku Muma Tororöt Ekron, kïriryö pipö Ekron lö, “Kepï Santuku Tororöt pö Israel wölï kïmicha atökïparecha lömïs.”

1 SAMWEL 5:8

Kïlenyona kïkur pipö Asdod pöytoghi pipö Pilisti löwïr akïlenchï, “Kido ne Santuku Muma Tororöt pö Israel?” Kïlö chane, “Nya kesït kutang kanasyanta Kat.” Kesït nyu santukunay pö Muma kutang Kat.

1 SAMWEL 6:4

Kïlö pipö Pilisti, “Ne ropöwonte nyo pö ngokï nyo kitönicha nyinte?” Kïwöghökyï chane lö, “Körkeyïn pö tösus mut cho pö koltin nko mïr mut cho pö koltin, kïrïp kegh nko pöytoghi Pilisti kï mut, ompöwölo kinamakwa tösuschoni löwïr nko pöytoghikwa.