YOSWÖ 11:20 - PIPÏLIA

²⁰ Ompöwölo ECHOTYON nyini kigh mötöwekwa kwoghïghitu tökïporyö nko pipö Israel atökepar chane kuwonyö lömïs amönyorïcha kisyonchin, lenyini kimwochï ECHOTYON Musa.

YOSWÖ 11:20 ပူးပေါင်းရင်းမြစ်များ

2 SAMWEL 17:14

Kïlö Apsolom nko pipö Israel löwïr, “Karam ngölyonto Usyay chi pö Arkit kïtïl nyo pö Aitopel.” Kökikïkïl ECHOTYON kunyar ngölyonto Aitopel nyay karam, atökwipchï ghöyityö Apsolom.

1 PÖYTOGHÏ 12:15

Ki machata ECHOTYON nyoni kigh ngal cho kökimwochï Yeropoam wero Nepat ompö kuti werkoyon Aiya nyo pö Syilo. Nka nyoni kïgh nyo kigh pöytoghintononi kïtagh ngal cho kimwochï poyï nyinte.

2 OTÖPTINO OSIS 22:7

Kigh ECHOTYON Aasia kïwö kïrutochï Yoram atökenyara wölini. Ompöwölo otini kimi wölini kïnomnyotö nko Yoram kïpa kïpar kegh nko Yeu wero Nimsyi nyo kikikïl ECHOTYON kuwany ka Aap lömïs.

2 OTÖPTINO OSIS 25:16

Wölo nyini kitomönye kuwany werkoyontonay kïngalan, kusiryan Amasya ngalechay akïlenchï, “Oyï otï kikighinyi lïkuna kirurinto pöytoghin nya? Sisa! Pö ne ketïghïn?” Kïsï werkoyontonay, akïlö, “Onkïtön lö, kimach Tororöt kunyarinyi ompöwölo keghanyi le nyï aitaghanyi ngalechan.”

WUWÖT 10:1

Kïlenchï ECHOTYON Musa, “Wïyö wölo mi Parao, ompöwölo kyaghan mötïnyi kwaghïghit nko mötworichi, toporchan chane kiporutchï,

WUWÖT 11:10

Kwigh Musa nko Aron töngönchintinechï löwïr ompö tawu Parao, wölo kwigh ECHOTYON möt pö Parao kwaghïghit, amöchömchïnye pipö Israel kïwuwö korenyi.

WUWÖT 14:17

Oghan mötöwo pipö Misri kwoghïghitu atökïpa kïrïp chane, tonyorchan ororyö Parao nko pikachi löwïr nko nkaritine nko pikachi pö angoletin.

WUWÖT 14:4

Oghan möt pö Parao kwaghïghit, tökïrïpekwa tonyorchan ororyö wölo mi Parao nko pikachi löwïr cho pö lïk, atökunkïtï pipö Misri lö ochan ECHOTYON.” Kwigh chane lenyoni.

WUWÖT 14:8

Kwigh ECHOTYON möt pö Parao kwaghïghit, kïrïp chane pipö Israel cho kipetöy ompö nyakanat.

WUWÖT 4:21

Kïlenchï ECHOTYON Musa, “Otini kewenyi koro Misri, igh ompö tawu Parao töngönchintinechay löwïr kyoporunyi, wölo oghan nyinte kwaghïghit möt atömöpïstö pich kïpa.

WUWÖT 9:12

Wölo kwigh ECHOTYON möt pö Parao kwaghïghit amöterchïnye chane, lenyini kimwochï ECHOTYON Musa. Takarïs

WUWÖT 9:16

Kopïstinyi söpö, ompöwölo omökan oporunyi owesyenyan, atökïrumtö kaynenyan ompö ngwïny kïmïkul.

ISAYA 14:24

Kam ECHOTYON Kimuktoghin muma lö, “Igha kïgh anka tïkwïl nyo ononan nyo mötïny. Akwighöy kïyoni lenyini omöktonan ante.

ISAYA 34:2

Ompöwölo tïng ECHOTYON nörekyö nyo wow ompö pipö punton kïmïkul. Könörekyï nyinte pipö punton löwïr cho pö lïk ompö nörekyö nyo ngwan kerwokyï chane kiwurat lömïs.

RUMI 9:18

Kïlenyona, syonchini Tororöt chi anka tïkwïl nyo kömököy, akwigh anka kïlïkwï tighin le wölo kömöktoy nyinte.

KINONO KIRURUT 2:30

“Wölo kïtaghenecha Sion pöytoghinto Espon keweracha korenyi, ompöwölo kigh ECHOTYON Tororötïncha mïkulöwunyi kwaghïghit. Akwigh nyinte kïlïkwï tighin, atökumï kutö nyinte morikwa le asisete.

KINONO KIRURUT 7:16

Awany nyu pich löwïr cho töni ECHOTYON Tororötïnkwa morikwa amakany kusyonok chane. Amopöghisyechï tororötinekwa, ompöwölo lïku ngöghöp choni ompö akwa.

KIRWOKÏ 14:4

Kimenkïtcha yiyichi lö ki machata ECHOTYON nyoni, ompöwölo kimököy ECHOTYON pöroyïn nyo poryot nko pipö Pilisti. Kipöytoy pipö Pilisti Israel osiswechoni.

1 SAMWEL 2:25

Ato ighchï chi ngokï chitö anka kï Tororöt nyo löstoghchini, wölo ato ighchï chi ngokï ECHOTYON, kï ngo nyo löstoghchini nyinte?” Wölo malïmcha ngaleko papongwa, ompöwölo ki machata Tororöt kïpar chane.