YOSWÖ 10:32 - PIPÏLIA

³² Kitö ECHOTYON pipö Israel rïntagh ompö Lakis asisto odeny akïpar chi anka tïkwïl nyo kimi ori le wölo kida Lipna.

YOSWÖ 10:32 ပူးပေါင်းရင်းမြစ်များ

WUWÖT 17:13

Kïrïnta Yoswö pipö lïk cho pö pipö Amalek.

ISAYA 37:8

Kïkany kunkïtï Rapsyake lö kingeta pöytoghinto Asirya Lakis akïwö kïporyeghö kanasyanta Lipna, kïwö kutang wölini.

KINONO KIRURUT 7:2

Otini ketö ECHOTYON Tororötïnkwa chane morikwa apar chane kuwonyö lömïs. Mam mis nko chane amotöp ntosyonchï.

YOSWÖ 10:28

Kïnam Yoswö Makeda asisoni akïpar pöytoghintenyi, kïpar chi anka tïkwïl nyo kimi ori, melö mi chi nyo kingötï. Kighchï nyinte pöytoghinto Makeda le wölo kida pöytoghinto Yeriko.

YOSWÖ 10:31

Kïweghö Yoswö Lipna nko pipö Israel löwïr akïpa kurik Lakis akïporyeghö tïkwïl.

YOSWÖ 10:33

Kïpusï nyu Oram pöytoghinto Keser kungarak Lakis, wölo kïpar Yoswö nyinte nko pikachi löwïr, möminye ompö akong nyo kingötï.

YOSWÖ 11:12

Kïnam Yoswö kanastina pöytoghichoni nko pöytoghikwa akïpar. Kuwonyö chane lömïs le ato kimwa Musa mötworinto ECHOTYON.