YOSWÖ 10:13 - PIPÏLIA

¹³ Kughyö asis nko arawa ntökïtenö kutökisyö ompö pungkökwa le ato kikekirchï kitapu Yasyar. Kughyongö asis kwenu yïm amöröytönye lawel nyo ngata asis akonga kwimön.

YOSWÖ 10:13 ပူးပေါင်းရင်းမြစ်များ

2 SAMWEL 1:18

Kikikirchï tumï pö kïwang kitapu Yasyar atökenet pipö Yuda.

2 PÖYTOGHÏ 20:10

Kuyokyï Esekia lö, “Kwïskwïs kïwö rurwö tagh kelyön taman, wölo nya kïmïla löt kelyön taman.”

ESTA 8:13

Kikïmwochï punton löwïr ngaleko kirurutchoni cho kikïmwochï kor anka tïkwïl atökïtïpï pipö Yaudi kïpsach kutak pungkökwa ato itï asisoni.

AYUPU 9:7

Mwochini nyinte asis melïwï akïkarta kokel tömelïwï.

TUMWÖY 148:3

Asala nyinte, akwa asis nko arawa, asala nyinte, akwa kokel cho olïwu

TUMWÖY 19:4

akwanyï kïlïmo kutingwa ngwïny kïmïkul akelïmo ngale söremwok pö ngwïny. Kighchï Tororöt asis möngenyi mïröt.

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

ISAYA 38:8

Isïwïyenyi lö oyodonan kïwö löt kelyön taman nyo rötyini kiwitat nyo kitek Aas atökïsïwegha asis. Kïmïla asis kelyön taman kïrïp kegh nko ngölyonto ECHOTYON.”

YOEL 2:10

Körtoy asis nko arawa melïwï akïlö kokel tïrmïs.

YOEL 2:31

Wengo asis kïtuwitu pïrïritu arawa le kisön kïtomö kwitï asisoni pö ECHOTYON wow akï pö otyogh.

YOEL 3:15

Wengöy asis nko arawa kïtuwöchitu, akumis löpoyïn pö kokel.

APAKUK 3:11

Kughyö asis nko arawa ompö möngengwa, otini kirot kotiku cho kiryölsot nko ngotïngu nyo kwerkweröy.

KIYITUT 21:14

Nka nyay ngölono Kitapu Poryotïno ECHOTYON, “Kanasyanta Waep nyo mi Supa nko mpöghoghöyi Arnon,

KIYITUT 31:2

“Taka pipö Israel ompö pipö Midyan ompö kïgh nyo kighchï chane pipö Israel, atolapay irapasanyi.”

MATAYO 24:29

“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.

MATAYO 5:45

atalïkuna monïngo Paponkwa nyo mi yïm.’ Ompöwölo ighöy nyinte asistanyi kuluchï pich cho le mwokïyis nko cho karamach akïkonu rop kïropönchï pich cho pö man nko cho melö pö man.

LUKA 18:7

Aki yeo, olontekwa möporyechininye Tororöt kïlankachi cho rirchini nyinte pöghet nko nangat kïnyorï man? Alentekwa meghönye lawel?

IGHISYEWUT 2:20

Wöghökoy asis kïtuwitu akïpïrïritu arawa le kisön, atoni kïtomö kwitï asispa Echotyon nyo wow akworor.

YOSWÖ 10:11

Otini kiryagha tawu Israel, kirurtoy Pet Oron, kïropönï ECHOTYON koghi takarïs cho echön ompö yïm cho kiparata chane ntökwit Aseka. Kïmeghö chane cho chang ompö takarïs kïtïl cho kipar pipö Israel chok.

YOSWÖ 10:14

Melö kimito asis nyo karkegh nko nyoni ompö osis cho kikuwer amökïrumïnye asis anka nyo kiterchï ECHOTYON ptangengmöt. ECHOTYON nyo iporyechï pipö Israel.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.

NGONGUT 6:10

Kuteghyö chane ompö kut nyo wow lö, “Echotyon Kimuktoghin nyo tïlil nyo pö man! Itöponenyi nko oyï irwokyinyi pipö ngwïny chï kaparecha?”

NGONGUT 6:12

Asïwan Wawa Kech kungötiy macheyto mut nko akonga, kurïngring ngwïnya nyoman, kïwaghaka asis kïtuwit le sarankwachtin, kïwaghaka arawa kipïririt le kisön,

NGONGUT 8:12

Atolapay kïkut malaykayan nyo pö angwan kontinyi. Kïma kareranpa sömök nyo pö asis nko kareranpa sömök nyo pö arawa nko kareranpa sömök nyo pö kokel, kipot nyu kareranpa sömök nyo pö löpoyïntöngwa. Kimöminye löpoyïn asisto sömök nko ogheto sömök tïkwïl.

KIRWOKÏ 16:28

Atolapay kïsagh Samson Echotyon lö, “Osoghinyi, we Echotyon TORORÖT lö, nanante aikonante owesyö panete onkït, atatakan konyichu cho kiködöt pipö Pilisti.”

KIRWOKÏ 5:2

Kesala ECHOTYON! Kinyorï pipö Israel owesyo poryot akïkonï kegh chane kïpa poryot ompö machatengwa.