YOSWÖ 1:8 - PIPÏLIA

⁸ Mewutyeghö isomön kitapu Kirurut,* wölo inan pöghet nko nangat, aterïpa lasiny aigh le otini kikekir, atökesoyönïn ompö ighisyewutköku löwïr.

YOSWÖ 1:8 ပူးပေါင်းရင်းမြစ်များ

TOWUNÖT 24:63

Kimi Isak atoni wölo le wuw kïsoghöy otini kituwit, atolapay kïlö otopön yona, kïsïwa tamasay cho kipkonöy.

2 OTÖPTINO OSIS 26:5

Kikil kegh nyoman Usya kïrïp Tororöt otinö kitökïsöpöy Sakaria nyo kinetöy nyinte kughan akïrip ngala Tororöt. Ompö osiswechoni kighönöy Tororöt, kiperur Tororöt nyinte nyoman.

TUMWÖY 119:11

Kororchan ngölyontengu mïkulöwunyan, tömawunyi ngokï.

TUMWÖY 119:15

Ononchinan kinetutköku, amilan ortïneku.

TUMWÖY 119:97

Ochöman kirurutköku nyoman! Ononan chane kwimön.

TUMWÖY 119:99

Ochan chïrer kïtïl konetichan löwïr, ompöwölo ononan kirwokutköku.

TUMWÖY 19:14

Icham ngaleko kutinyan nko kinonutko mïkulöwunyan, we ECHOTYON nyo ichï köpönenyan aichï sörunintenyan. Ompö kintöghoghinto tumï. Tum pö Daudi.

TUMWÖY 40:10

Melö kyowïnchan mïkulöwunyu lökoyechoni, kyamwatïtan sörunötengu nko wölo ichinyi ghanate. Kimawïnganye tuyot nyo wow amwatïta, chomnyengu nyo pö kokay nko wölo ichinyi ghanate.

NGÖTÏNYÖ 3:1

Werïnyu, mewutyeghö kirurutyenyan wölo ikomönchï mïkulöwungu kinetutkochan.

ISAYA 59:21

Atolapay aman mumanï* nko akwa: Töpo nko akwa kokay, Mïkulöwunyan nyo mi nko akwa, nko ngalechan cho kotönön kutïwekwa. Töpisot tïkwïl nko monekwa nka monekwa, kïngeta ye kutang tagh, kokay nko kokay.”

MATAYO 12:35

Ipuno chi nyo karam köromnyö ompö kaplawachtanyi nyo karam, kwipuno chi nyo gha tïkwïn cho ghach kaplawachtanyi nyo gha.

MATAYO 28:20

anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”

MATAYO 7:21

“Molenchï kegh lïtöy Pöyunöto Yïm chi anka tïkwïl nyo mwoghöy lö, ‘Echotyon, Echotyon,’ kïpoto chi cho ighöy machata Paponyan nyo mi yïm.

MATAYO 7:24

“Kïlenyona nyu, karkegh chi nyo lïmöy ngalechan akïrïp nko chi nyo ngöghom nyo kitek konyi paraku ghat.

LUKA 11:28

Kuyokyï Yeso lö, “Wölo soyönote tya pich cho lïmöy ngölyonto Tororöt akïrïp.”

YOANA 13:17

Kwato konkïtukwa ngalechoni, ochikwa soyönote ato arïpakwa!

YOANA 14:21

“Chi anka tïkwïl nyo toköy kirurutköchan akïrïp, kï chichoni nyo chömanïn. Akï nyinte nyo chömanïn, kïchömöy Paponyan tïkwïl, achöman angongchï kegh nyinte.”

EPESO 4:29

Makany kelïma kwenunkwa ngölyon anka tïkwïl nya gha. Opöghisyeghenö kïnomyö ngal cho tïng tösunöt akïteköy pich atökutö pöropchö pich cho teröy ngalekwa.

KINONO KIRURUT 29:8

akecheng korengwa ketö pipö Rupen nko kareran pö pipö Manase nko cho pö Kad kïlïkwï nyingwa.

KINONO KIRURUT 29:9

Orip nyu mumanoni amopïstö ato omököy tökeperurok.

KINONO KIRURUT 30:14

Wölo mi ngölyontononi ato lekïtenokwa nyoman, onkïtökwa akïmi mïkulöwekwa. Kïlenyona, orip.

KINONO KIRURUT 31:11

otini ketï pipö Israel löwïr atoni kakïl ECHOTYON kesagha nyinte, osomönchï chane löwïr kirurut kïlïm.

KINONO KIRURUT 31:24

Otini kiwany Musa kukirchï kitapï ngalechay pö kirurut löwïr,

KINONO KIRURUT 5:1

Kïkur Musa pipö Israel löwïr akïlenchï, “Akwa pipö Israel, atera lasiny kirurutchï löwïr omwowokwa asete. Aneta kegh lasiny arïp.

KINONO KIRURUT 5:29

Wechï kö karam tya ntökölata choni mïkuliskökwa osis löwïr, nyo kötökonyïtanïn akïrïp kirurutköchan löwïr, atökuten osiswekwa chane nko monekwa kokay!

KINONO KIRURUT 5:32

“Kïlenyona orip nyu lenyoni kimwowokwa ECHOTYON Tororötïnkwa. Mamasta kamas nko kamas

KOLOSAY 3:16

Akanya kïtöpö orinkwa ngölyonto Kristo kïmïchï. Aneta kegh, arur kegh ompö ngöghomnyö anka tïkwïl. Otumö sölut nko tumwöyi mïkulögh cho kïtumchini Tororöt, ayokyï nyinte sörö.

YOSWÖ 1:7

Wölo ichïchïm ainyakanitï tya, ateripö airïp kirurut löwïr cho kimwowunyi mötworintenyan Musa, mepeny ompö or anka tïkwïl löt, atökesoyönïn ompö wöloni iwestegho.

YOSWÖ 8:34

Atolapay kusomön Yoswö ngal löwïr cho pö kirurut, kisoyönut nko chïput le otini kikikir ompö kitapu Kirurut.*

NGONGUT 22:14

Soyönote pich lapay cho mwötöy sïrokökwa, ompöwölo tïng chane chömchin nyo omöy okinto ket pö söpon akïlïtöy kanasyan kuweröy kukotichi.