YONA 2:8 - PIPÏLIA

⁸ Chane cho soghöy körkeyïntin, kïmelö tïngeninyi kïgh, akikïpïstö kïrïpinyi.

YONA 2:8 ပူးပေါင်းရင်းမြစ်များ

2 PÖYTOGHÏ 17:15

Kisas chane kirurutkachi löwïr, akïpeny muma* nyo kyam nyinte nko papotïnekwa amelö kiyang ngal cho kirirchï ECHOTYON chane. Kisagh chane körkeyïntin cho puryö kinyiwut, cho kigh chane kïlïkwï pich cho puryö kinyiwut akïrïp otöptino punton cho le pöröriskökwa akïtagh kirurut pö ECHOTYON nyo kitagha chane lö marïp otöptino pïchoni.

TUMWÖY 142:4

Ato olan aros kamasunyan, asïwan lö puryö chi nyo ngörokanïn, möminye wölo orïpchinan melö mi chi nyo yongöy söpontönyan.

TUMWÖY 31:6

Oreyan pich cho soghöy tororötino putintön, wölo otwoytonan kegh nyi, we Tororötïnyu.

TUMWÖY 69:14

Sörwante tömochïchïnanïn norayonta, sörwante achïwïta pungköchan aikany achïwïtan puseryon nyo wow.

YEREMIA 10:8

Sölwöy akïtïsyote löwïr, mi so kïgh nyo muköy kunet chi körkeyïntinechay kikipata ket?

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 2:13

Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.

MIKA 1:2

Atera ngalechï akwa pipö punton löwïr, alïma pich löwïr cho omöngöy ngwïny, Echotyon TORORÖT nyo yotu lelutkökwa, otini kangalan ompö Konyi nyo tïlil.

1 SAMWEL 12:21

Amowöghökisyö atang wölo mi tororötino putintön cho mengörokokwanye anta sörwokwa, ompöwölo kwïle choni.