YOEL 3:7 - PIPÏLIA

⁷ Oyokunan chane kïpkana koroswechoni kyolchikwa, ayokwokwa apele ompö kïgh löwïr nyo kyoghchikwa chane.

YOEL 3:7 ပူးပေါင်းရင်းမြစ်များ

ESTA 7:10

Kïlenyona kewusö Aman ketay kikwighchï nyinte Mordekay. Kwasta nyu nörekyo pöytoghin.

ISAYA 11:12

Atolapay kïsyol ECHOTYON pentera nyo porchini pipö punton lö kaghamït nyinte pipö Israel nko cho pö Yuda cho kitoytoyö kïngetunö luchtin angwan cho pö ngwïny.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 66:6

Atera kiteghat nyo kïlïmo kanasyan! Ngwïno kiteghatanoni Kö pö Tororöt.* Kechop kong ECHOTYON pungkachi nko nyoni pö kiteghatanoni!

YEREMIA 23:8

wölo, ‘Kïle ato satate ECHOTYON nyo kityak akwipunö pipö Israel kor nyo mi okumpö löt nko koros löwïr cho kyotoytoyechï chane.’ Atolapay kïmang korengwa.”

YEREMIA 30:10

“Mewöghisyö we Yakopo, amemïgh we Israel. Ompöwölo osörunyi mitenö kor nyo low. Oyokunan moneku kïpkana koro pïnotnön imïlonenyi, aimöngisyö ompö kalya. Amöminye chi nyo muköy kwotyegheninyi.

YEREMIA 30:16

Wölo ye nyu, kinyörilöy kong anka tïkwïl nyo nyörilinyi kong kïrongöy punköku löwïr kïpa pönotnön Chona chopinyi kong, ochopan kong chane Chona mi kipsach kulepinyi olepan chane tïkwïl.

YEREMIA 31:8

Arosa, omïtunenan chane kor nyo mi okumpö löt. Oghömïtunenan söremwok pö ngwïny. Rotu löwïr puryö nyo dongöy, ngwïnöy chepkarot nko mwolöy. Pkonöy korï cho mirsyot nko cho kïghöy, mïlo söpïch nyo wow nyoman.

YEREMIA 32:37

Oghömïtunan piköchan kïpkana woptin tïkwïl cho kyotoytoychan chane ompö nörekyenyan nko sïngiryenyan nyo wow. Oyokunan chane kïpka kïmang akïtïpï koronete ompö kalya.

ESEKEL 36:24

Opunonekwa wölo mi puntonï aghamïtwekwa ompö koros löwïr apkana korengwo.

ESEKEL 38:8

Weröy osiswö cho te, kekurinyi napa kegh, akï ompö könyis cho pkonöy iwetenyi poryegho kor nyo kösöpö poryot, kor nyo kighamïtyï kegh pich akïpa kutïngkoti Israel cho kikilïkwï kïratis, kikipï pich kïpkana punton kïpka kïmöngisyö löwïr ompö kalya.

YOEL 3:4

“Ochikwa ngo ompö ani nya Tiro nko Sidon nko koroswo Pilistia? Ayo mi kïgh nyo omökekwa oghokwanïn? Nyo ato mi kïgh nyo oyokwanïkwa, ayokwokwa nyu lawel kïrïp kegh nko wölo lata ighisyewutkökwa.

SAKARIA 9:13

Lïku Yuda kwantinyan, kïlïkwï Israel koti Ilïkunenyi we Sayon* chok nyo opörenan pipö Krik. Onömeninyi yïm le choko nyakan.”

MATAYO 7:2

ompöwölo kïle wolini orwokyintokwa pikö walaka, kïlenyoni wölo kirwokyintonokwa akepöghisyegho kipimöwontonini opöghisyeghokwa ompö pikö walaka.

2 TESALONIKE 1:6

Ighöy Tororöt kïgh nyo tenate: ipchini nyarïl pich cho chopokwa kong,

YAKOPO 2:13

Ompöwölo ato rwokyini Tororöt pich mesyonchininye chi nyo mötïngnye kisyonöt. Wölo rïntoy kisyonötö kirwok.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

NGONGUT 16:6

Ompöwölo kiyita chane kisönko kïlanköku nko cho pö werkoy, nka nyoni ketönönyi chane kïgha kisön akömïchï lenyoni!”

NGONGUT 19:2

Ompöwölo pö man akutenate kirwokutkachi! Kakurwokyï nyinte cheporesnay wow kiwura ngwïny cheporesnanenyi. Kechop kong Tororöt ompöwölo kipar nyinte mötworichi.”

KIRWOKÏ 1:7

Kïlö Adonipesek, “Köghokwanïn ye nyu Tororöt kïgh nyo kyoghchan pöytoghï 70 cho kikïdïng morikwa cho echön cho pö ewun nko cho pö kelyön cho kikwöghöy rarakan cho kichïntegho mesenyan.” Atolapay kemït nyinte kutang Yerusalem, kïmeghchï wöloni.

1 SAMWEL 15:33

Wölo kïlö Samwel, “Ompöwölo kigh chokengu kor kïchop monïng kïlïku nyoni tïkwïl ompö yongu.” Atolapay kïtörotör Samwel Akak ompö tawu ECHOTYON ompö Kilkal.