YOEL 3:2 - PIPÏLIA

² Oghömïtan pipö punton löwïr aronkyan mpöghoghyo Yeosyapat arwokyan chane ompö wöloni, akwompö parakuto piköchan Israel cho kitoytoyö chane kïghömï koros akïngötörchï kegh korenyan.

YOEL 3:2 ပူးပေါင်းရင်းမြစ်များ

2 OTÖPTINO OSIS 20:26

Kïpa kutuyechï kegh mpöghoghyo Peraka asisto angwan, akuyokyï ECHOTYON sörö ompö wölini ompö tïkwïn löwïr cho kighchï chane. Nka nyoni kïkuro mpöghoghyononi Peraka nko nyete le ye.

ISAYA 66:16

Pöro chane ma nko chok. Wongöy pipö ngwïny kïmïkul cho tökïle mwokïyis akï chang cho kïpöröy atoni.

ISAYA 66:18

Onkïtön kinonutkökwa nko ighisyewutkökwa. Ongwïnan ataghamït pich pipö punton löwïr. Sïwïyi nyu otini kötuyö chane, kïgh nyo muköy owesyenyan kwighöy

YEREMIA 12:14

Lentöy ECHOTYON, “Mi kïgh nyo omwoghan ompö pöröris pö Israel cho kinyar kor nyo kyotönön piköchan Israel. Okölöngenan chane korengwa atolapay osörwan Yuda ompö kwenungwa.

YEREMIA 25:31

Kïlïmo chöghötononi sörömu ngwïny ompöwölo mi kïgh nyo gha nyo kisïwechï ECHOTYON kwenungwa. Rwokyini nyinte pïchoni atolapay kïpara ngot mwokïyis!’ ” Mwoghöy ECHOTYON.

YEREMIA 49:1

Kingalana ECHOTYON pipö Amon kïlentöy “Ayo, möyïnye so Israel, ntömökïmi nyo le mïlin? Atï köpïsï pïchay soghöy Molek, kïpka kïmïl koro pipö ara Kad akïmang kanastinechi?

YEREMIA 50:17

“Karkegh pipö Israel nko kechir cho sökosöy ngötïny kïtoyö. Kinya kïporyeghö chane pöytoghinto Asirya anyï ye kapar kïrïngarïng chane ko Nepukadnesa pöytoghinto Papilon.

ESEKEL 25:8

Lentöy Echotyon TORORÖT, “Akwa pipö Moap nko Seir, kolekwa, ‘Arose köny lö karkegh pipö Yuda nko pipö punton walaka.’

ESEKEL 34:6

Kitoytoyö kechiryechan akupotyö kïghömï kutïngkot nko komos löwïr, kitoytoyechï kechiryechan ngwïny kïmïkul akï puryö chi nyo kiyarata chane.

ESEKEL 35:10

Ilentenyi, “Lïku chichan puntonichï kwodeny le Israel nko Yuda nko koroskökwa, ochengan kïrkegh kömi ECHOTYON TORORÖTïngwa.

ESEKEL 36:1

Kïlenchanïn ECHOTYON, “Wero chi, nya kïngor möt kutïngkoti Israel, lenchinö atera ngölyonto Tororöt,

ESEKEL 36:5

Lentöy Echotyon TORORÖT, “Kyangalanan ompö nörekyo kililat ompö puntonichï walaka löwïr nko Edom kïmïkul, kichöghchï kegh korenyan kïlïkwï nyingwa ompö menotön akulölos.

ESEKEL 38:22

Omungenan nyinte nko pipö lïkenyi nko koros cho ngöroköy nyinte amal nko mïltaghpa kisön. Oropönchinan takarïs nko ngeset nko ma.

ESEKEL 39:11

“Otöninan asisoni Kok wölo kïtïpchini ompö koro Israel. Kïtïpchini mpöghoghyo rutoghot ompö nanampa Paryan okumpö kongasis. Pökeköy nyu rutoghot mökuwerocha, ompöwölo kïtïpchini Kok nko söpïchiskachi löwïr. Kikuro nyu tömko Amonkok.

YOEL 3:12

“Nya kuywal kegh puntonï akïpka mpöghoghyo Yeosyapat. Ompöwölo atoni ato otöponan orwokyini punton löwïr cho kimang kuwit.

YOEL 3:14

Söpïchis nko söpïchis cho mi mpöghogh nyo kïmuto ngal. Ay, kikïlekïtit asispa ECHOTYON, ompö mpöghogh nyo kïmuto ngal.

AMOS 1:11

Lentöy ECHOTYON, “Melö oyodeghonan sitöt Edom ompö ghöyitwokachi cho pö kïnomnyö ompöwölo kiyona werïngwa chok nyo mesyonchïnye kïnörekyï nyinte osis löwïr akirorchï mïkulöwunyi kokay.

MIKA 4:12

Wölo melö nkït chane tötut pö ECHOTYON, amelö pköchini chane tötutkachi lö kaghamïtï ECHOTYON chane le pagh ompö rökor.

SEPANIA 3:8

Kïlenyona, lentöy ECHOTYON, “Akanyanïkwa nyu! Itïtoy ato orwokyinan pipö punton. Kyamutan akonga lö oghömïtunan koros nko pöyunötin atomïlchinan chane nörekyenyan nyo ngwan lakat, nörekyenyan nyo pö sastagh nyo nyoröy ngwïny kïmïkul.”

NGONGUT 11:18

Kinörekyö pipö punton kumes, Wölo kikwitïta asisto sïngiryengu, akwitïta asis nyo kirwokyini pich cho kimeghö. Kitïta tïkwïl ato iropchinenyi tïkwïn mötworiku ompö werkoy nko pich löwïr cho kikïlanyi nko lapay cho konyïtöy kaynengu, kö echön anta kö mïnkech. Ketïta ato kinyoröy pich cho nyoröy ngwïny!”

NGONGUT 16:14

Mïkulis pö oy chane cho ighöy töngönchin. Petöy mïkulischoni kïsömök wölo mi pöytoghi ngwïny kïmïkul atökutuyö chane löwïr ompö poryot ompö Asis nyo wow nyo pö Kimuktoghin Tororöt.

NGONGUT 16:16

Atolapay kumïtï mïkulischay pö pöytoghichoni kïtuyechï ato kïkuro ompö kuti Eprania Armakedon.

NGONGUT 16:6

Ompöwölo kiyita chane kisönko kïlanköku nko cho pö werkoy, nka nyoni ketönönyi chane kïgha kisön akömïchï lenyoni!”

NGONGUT 20:8

Akwotini kingwïn sany, kïlïsata pich kïghömï ngwïny kïmïkul choni kï Kok nko Makok. Ghömïtöy Onyötö chane löwïr kïpa lïk, lïko pich cho makïrar, pich cho tenö ngayam cho mi sörömu nanam.