YOEL 3:17 - PIPÏLIA

¹⁷ “Onkïtunekwa nyu lö ochan ECHOTYON Tororötïnkwa nyo omöngöy Sayon kutïngtönyan nyo tïlil. Akïtïlilitu Yerusalem amökïtïkönye pïnotyontö orinyi ngat.

YOEL 3:17 ပူးပေါင်းရင်းမြစ်များ

AYUPU 15:19

cho chane opïn cho kikitö kor amelö kiwö ton ntökïmang kwenungwa.

TUMWÖY 76:2

Mito möngenyi Yerusalem, möngöy kutïng pö Sayon.*

TUMWÖY 9:11

Otumchinö ECHOTYON nyo möngöy Sayon,* omwochinö pich tïkwïn cho kegh nyinte!

WUWÖT 16:12

“Kalïman ngwïrngwïrönöto pipö Israel, mwochinö chane lö, ‘Omekwa peny nangat, amakwa tökwoghö makatin, atonkïtunökwa lö ochan ECHOTYON Tororötïnkwa.’ ”

ISAYA 11:9

Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

ISAYA 35:8

Akïrumuno atoni or nyo wow, or nyo kïkuro, “Ara Tïlilyö.” Mewerönye chi nyo le sïmnyon aranoni, amepotyeghocha sölwöy aranoni.

ISAYA 4:3

Kiyitöy nyu chi anka tïkwïl nyo kingötï ompö Sayon* akudong Yerusalem lö tïlil.

ISAYA 46:13

Opunan asispa sörunötenkwa kïlekïtit, melö tökïlow. Melö pöghönöy nyo kogh sörunötenyan. Osörunan Sayon* akwompö Israel nyo le ororyenyan.”

ISAYA 52:1

Ngeta! Ngeta! Awesituna we Sayon!* Laka sïroköku cho pïchighöch, we Yerusalem kanasyan nyo tïlil! Ompöwölo melö tökïlïtu ortïneku ngat chi nyo le somchon nko nyo le sïmnyon.

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

YEREMIA 31:23

Lentöy ECHOTYON Kimuktoghin, Tororöt pö Israel, “Otini koyokwan pipö Israel kïpka korengwa, mwoghöy chane ngat ompö koro Yuda nko kanastinechi lö, ‘Nya kusoyönin ECHOTYON we kutïng pö Yerusalem nyo tïlil, Ichinyi kimpïr pö tïlilyö!’

YEREMIA 31:40

Okonyïtökwa lö tïlil ompö tawunyan wölnö le mpöghoghyo mötöwöyi pich nko wölnö kïwirchini samï nko lalwa Kidron ntökwit Kuka Angoletin nyo mi okumpö kong asis otinö katankula teksyö. Mökïminye nyu kïgh nyo ngwïnöy ngat kunyoröy anta ngany kanasyantanï kokay.”

ESEKEL 20:40

“Kïkany akwa we pipö Israel löwïr, opöghisyewanïkwa ompö kutïngtönyan nyo tïlil. Mwoghöy Echotyon TORORÖT. “Ochömokwa nyu ompö atoni apukwa amörostinekwa nko ropöwekwa cho le kïlan nko ropöwe walaka cho tïlilöch.

ESEKEL 37:6

Otönekwa tikit, aghwekwa pany kulumekwa, akonekwa kimïny tosöpchenö. Tonkïtukwa nyu lö ochan ECHOTYON.”

ESEKEL 43:12

Anyï kirurut nyo pö Kö pö Tororöt: mïchini kïtïlilit tya kiroryenyi kuwit ompö kutïng parak. Lenye nyu nyoni kirurut nyo pö Kö pö Tororöt.”

ESEKEL 44:9

Kïlenyona lentöy Echotyon TORORÖT, “Kïkïröy kïlït Konyan ton anka tïkwïl nyo le somchon ompö mïkulögh nko ompö por ompö to löwïr cho möngöy nko pipö Israel.

ESEKEL 48:35

Ki miten 9,000 koghïn pö nayat, kekur kayna kanasyan kïngeta atoni, “Mi ECHOTYON atoni.”

DANIEL 11:45

Akïparta emenichi cho pö paytagh kwenu nanam nko kutïng nyo mi Kö pö Tororöt, wölo meghöy akï möminye nyo ngöroköy nyinte.

DANIEL 9:16

We Echotyon, yodena nörekyengu nko sïngiryengu ompö kanasyantengu Yerusalem, kutïngtöngu nyo tïlil, ompöwölo ighenyi man kïnomnyö. Kisasecha pich akïsas kanasyantengu cho kimang Yerusalem kuwitwitecha akwompö ngokicha nko cho pö papotïnecha.

YOEL 2:27

Onkïtunekwa lö omitan kwenu pipö Israel ankïtunkwa lö ani nyo ochï Tororötïnkwa nyo möminye anka, amöketöninye ngat piköchan arasï.

YOEL 3:21

Otökan kisön pö pipö Yuda amopïstenanye pich cho tïng lelut kïchïwïtyö ompöwölo omöngan ECHOTYON Sayon.”

MIKA 4:7

Oghan chona ngwolsot kïpöyit man aghan cho kikïrang kïlowöchitu kïlïkwï pich cho owesöch kïpayta ECHOTYON chane ompö kutïng pö Sayon kïngeta atoni nko kokay.

NAUM 1:15

Akwa pipö Yuda, arose! Ketï chi nyo köwolï kutïngkot, chi nyo ipu lökoy cho karamach. Ngwïnöy kïmwowu lö kikerïnta koro Asirya. Kïlenyona ye akwa pipö Yuda, ongörekyenö ompö ichontinekwo. Otönö Tororöt tïkwïn cho kyawalwalakwa lö kitöni. Ompöwölo melö tökupokyini ngat korenkwa pich cho ghach. Kikenyar pïchoni kuwonyö lömïs.

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.