YOEL 3:16 - PIPÏLIA

¹⁶ Akïtïlö ECHOTYON Sayon* akïngalan nyoman kelïma Yerusalem kutimtimö yïmö nko ngwïny.

YOEL 3:16 ပူးပေါင်းရင်းမြစ်များ

TUMWÖY 18:2

ECHOTYON kï ghatyenyan akï wölo oghïponan kegh akï sörunintenyan Tororötïnyan kï ghatyenyan nyo orïpchinan. Longenyan nyinte akï owesyo sörunötenyan, pchörinyan nyinte.

TUMWÖY 29:11

Nya kutö ECHOTYON owesyö pikachi! Nya kusoyön chane kïnyorï pöghisyö. Tum nyo pö ngotata Kö pö Tororöt.* Tum pö Daudi.

TUMWÖY 61:3

ompöwölo ichinyi ghïpöwontenyan, teköwontenyan nyo awes ompö pungköchan.

NGÖTÏNYÖ 18:10

Tiwöwon nyo aghïgh kaynata ECHOTYON, rïpchini chi pö man akïnyoru ato ghïpo.

ISAYA 33:16

Atemuka onyorunö ato tïghume, akarkegh nko pich cho ghïpchegho ghat nyo awes. Onyorunekwa omisyö nko pögh cho ogheghöy.

ISAYA 33:21

Wölo porwecha ECHOTYON ororyenyi ompö atoni. Kïmöngecha kor nyo mi lalwatïna cho yintoy nko champilwoy cho yintegho pögh, wölo mömicha melinö cho köromöch cho pestegho parakungwa.

ISAYA 42:13

Setöy ECHOTYON lïk le nyakan omöy sirmoy le chi, le atay chïlöy kegh pich. Kutöy nyinte kontï nyo kurchini pich poryot. Ighchini pungkachi ngal cho echön.

ISAYA 51:16

Kotönön ngalechan kutingu, awïngchinyi rurwo ewunyan. Kyoghïtan wölnö le mïröt atek pchörin cho tighöy ngwïny. Olenchinan pipö Sayon, ‘Ochikwa piköchan!’ ”

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 17:17

Melïkwï wey nyo otyeghonan, nyi nyo osoran ato itwanïn nyarïl.

ESEKEL 38:19

Omwoghan nyu lö rïngringöy koro Israel asisoni nyoman ompö kililatenyan nko nörekyenyan nöghöy le ma.

OSEA 11:10

Pkonöy piköchan kïrïpanïn otini kotïlön le ngötïny pkono werkachï ta kïpotonchöt otini kötïl ECHOTYON le ngötïny.

AMOS 1:2

Kïlö nyinte, “Tïloy ECHOTYON kutïng pö Sayon,* kïlïmo kutinyi nyo wow Yerusalem. Köyomö suswo kyak, mökïminye suswon kutïng pö Karmel.” Sirya

AMOS 3:8

Ngo nyo mewöghisïyi ato tïl ngötïny? Ato ngalan Echotyon TORORÖT, kïngo nyo mömwotïtoy ngölyontenyi?

NAUM 1:7

Karam ECHOTYON, ghetin nyinte ompö osiswo nyarïl, Komönöy pich cho soröy nyinte.

AKAY 2:6

“Otimtiman ngat tömölow yïm nko ngwïny. Otimtiman nanam nko kor nyo tïyame?

AKAY 2:7

Oryewan koros löwïr, akepï sïkönötengwa kïnyïghï konyan.

SAKARIA 10:12

Oghan piköchan kïsïch owesyö, konyïtanïn nyu chane akïsal kaynenyan.” Mwoghöy ECHOTYON.

SAKARIA 10:6

“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

SAKARIA 9:12

Akwa we pïnot cho otïng kikönöt, omïlisyenö osorunö wölo oghïpcheghoy. Omwowokwa ye nyu lö, Kyonyorukwa nyörilwok cho chang, wölo osoyönokwa kïnyïl odeny ompö choni.

EPRANIA 12:26

Kitimtim kutinyi osiswechoni ngwïny, wölo keyomisï nyinte ye lö, “Totimtiman ngwïny ngat amelö ngwïny onkït wölo otimtiman yïm kïmïkul.”

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

NGONGUT 16:18

Kuchumu kiryaltina nko chöghöt nko tïlöto ilot nko kirïngringöto ngwïny nyo pö otyogh. Kitomönye kelïm kirïngringöto ngwïny nyo lata nyoni kïngeta otini kigh Tororöt ptangengmöt. Nyoni nyo kigha kïsir!

1 SAMWEL 15:29

Melö putin Tororöt, nyinte nyo le ororyo Israel, amelö wöghököy kinonutkachi ompöwölo melö ptangengmöt nyo muköy kïwaghakan chechi.”