YOEL 2:26 - PIPÏLIA

²⁶ “Onyorunekwa omisyö nyo wow nyo omekwa opïghyongöy. Asalakwa kaynata ECHOTYON Tororötïngwo, nyo keghwakwa ngal cho pö töngönchin. Amökïminye chi nyo tökutöni piköchan arasï.

YOEL 2:26 ပူးပေါင်းရင်းမြစ်များ

TOWUNÖT 33:11

Nyo osoghinyi lö taka ropöwechan chï okoninyi, ompöwölo keghwanïn tïkwïl Tororöt nyo karam, nka nyï ye otïngetan kyak cho chang.” Kïsaghsagh Yakopo ntökïcham nyinte kïrang.

NEEMIA 9:25

Kïnam kanastin cho tekote nko kor nyo akwagh, akïcheng korïn cho kinyïghï tïkwïn cho karamach nko kori pöghon cho kikïpal nko pareni sapipun nko keti arol nko keti akwa cho chang. Kwomisyö nyu kïpïghyö akïnöryö akïcham köromnyengu nyo wow.

TUMWÖY 103:5

Kenyïghit söpontönyan tïkwïn cho karamach. Ato töpan le chumwak nyo tïng owesyö nyo lata nyo pö sich.

TUMWÖY 116:7

Kalyana, we söpontanyu, ompöwölo kakwighwanïn ECHOTYON nyo karam.

TUMWÖY 13:6

Otumunyi, we ECHOTYON, ompöwölo keghwaninyi ompö köromnyö. Ompö kintöghoghinto tumï. Tum pö Daudi.

TUMWÖY 22:26

Omisïyi meyï akïpïghyö lasiny, pich cho pkonchini ECHOTYON kïsölöy nyinte. Nya kïnyorï chane perur kokay.

TUMWÖY 37:19

Melö wongu chane ato itï osiswo pekat, ngötini omisyewut osiswo kömöy.

TUMWÖY 67:5

Nya kïsalinyi pich, we Tororöt, nya kïsalinyi pich löwïr!

TUMWÖY 72:18

Sala ECHOTYON, Tororöt pö Israel! Nyinte onkït nyo ighöy tïku töngönchin.

NGÖTÏNYÖ 13:25

Nyoru chi pö man cho mïchini, wölo melö pïghyongöy mwokiyon.

TUM PÖ TUMWÖY 5:1

Kangwïnan parenyu cheptönyo, chamanenyu, oghömïtan mankoykachu cho ngutoy cho onyïn, oman tiyokachu nko kumate, agheghan dipaykachu* alï chekachu. Omisyenö chamankachu agheghsyö, ogheghsyenö chamankachu kïmïchï!

ISAYA 25:1

Ichinyi Tororötïnyan, we ECHOTYON, okonyïtinyi asal kaynatengu. Ompöwölo keghanyi tïkwïn cho pö töngönchin, kepuntenyi ompö man möchutköku cho kitatanyi könyisyok.

ISAYA 29:22

Kïlenyona, lentöy ye nyu ECHOTYON Tororöt pö Israel nyo kisörunö Apraam nyarïl, “Melö tökïnyoru piköchan ngat arasï, melö tökworusöchitu ngat tokochwekwa ompö arasï.

ISAYA 45:17

Wölo söru ECHOTYON pipö Israel ompö sörunöt nyo pö kokay. Mololïyönekwanye anta omïghyö kokay.’ ”

ISAYA 49:23

Lïku ompö akwa pöytoghï papotïn, kïlïkwï korï cho pöytoy yotïn. Kïtïngchinokwa chane akïkonyïtokwa, ipöy kegh ngwïny chane akïkïtïngchokwa. Atonkïtunökwanyu lö ochan ECHOTYON, akwanka nyo könöy kingörokut ompö ani kïmelö nyoru arasï.”

ISAYA 54:4

Mewöghisyö ompöwölo menyorunenyinye arasï ngat, amelö telolïyonenyi. Iwutyeghonyi arasï nyo pö nörekyengu nko tanganytangu nyo kisïch otini kilïkunyi mïsïk.

ISAYA 55:2

Ompö ne topöghisyeghenö ropïyen ompö tïkwïn cho metöni chi pïghyöny? Ompö ne tasïngena tïkwïn cho mesöy pich? Atere lasiny ngalechan tama cho karamach, angörökyï cho okwoghöch.

LAWIN 25:19

Rïröy korö paghechi cho omekwa apïghyö amöngisyö ompö kalya.

LAWIN 26:26

Atolapay omïnïngitan omisyewutkökwa ntökwigha korï tamanï makatin tör akonga atolapay kechagha kipimöwon, omekwa wölo melö opïghyongekwa.

LAWIN 26:5

Rïröy nyu paghekwa nyo olisyïyekwa ntökurel atö kïpïtöy sapipun, opïtisïyekwa ntökurel ato kïkötkötisïyi, omisïyekwa apïghyö amöngisyö ompö korengwa akalyan.

MIKA 6:14

Omisyekwa wölo melö opïghyongekwa sïrwekwa mutïnö ororekwa kaplawach wölo melö rorisyot opkonytenan cho karorakwa.

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.

SAKARIA 9:15

Ripöy ECHOTYON Kimuktoghin pikachi, akumï pikachi kunyar pungkakwa. Teghyot kïpöröy pungkakwa le ptamasis mïltoy kisönkökwa kuyinta le cho pö kyaki amöros, cho kïmïluno otupö akemïlchï wölo kïpelo amöros.

SAKARIA 9:17

Pïchighöchitu akïkaramachitu chane nyoman! Nörsot chumwak ompöwölo chang pagh nko dipay.*

RUMI 10:11

Mwoghöy Kikirut lö, “Mönyorunye arasï chi anka tïkwïl nyo ghönöy nyinte.”

RUMI 5:5

Amelö ipkecha kikönötononi langanyat, ompöwölo kikunyïghit Tororöt chomnyenyi mïkulöwecha ompö ara Mïkulögh nyo Tïlil nyo kikïkonecha nyinte.

RUMI 9:33

kogh nyo ngölono Kikirut lö, “Asïwa ya lö, otöninan Sayon* kögh nyo kwötöy pich, ghat nyo ighöy pich kupïtyö. Wölo mösïkönye arasï anka tïkwïl nyo ghönöy nyinte.”

KINONO KIRURUT 11:15

Kokonokwa sus cho pö kyak ompö korenkwa, atonyorunö omisyö nyo wow.

KINONO KIRURUT 12:12

Atongörökyinökwa ECHOTYON Tororötïngwo nko monekwo nko mötworikwa nko pipö Lawi cho mi kanastinekwa, ompöwölo mötïngcha chane kor nyo le nyingwa.

KINONO KIRURUT 12:18

Wölo omekwa tïkuchoni ompö tawu ECHOTYON Tororötïnkwa ompöwölo kakïl nyinte. Omekwa nko monekwo nko mötworikwo nko pipö Lawi cho mi kestonikwa. Ongörekyö ompö kïgh anka tïkwïl nyo otïngkwa.

KINONO KIRURUT 12:7

Kïkany otini komisyekwa ompö wölo mi ECHOTYON Tororötïngwo nko piko kongwo, ongörekyö ompö kïgh anka tïkwïl nyo kotötekwa, ompöwölo kesoyönokwa ECHOTYON Tororötïnkwa.

KINONO KIRURUT 8:10

Onyorunokwa wöloni kïgh anka tïkwïl nyo omekwa, atoyokyinö sörö ECHOTYON Tororötïngwo, ompö kor nyo karam nyo kökonokwa nyinte.

1 TIMOTEO 6:17

Mwochinö pich cho le monkor ompö tïpö ngwïnyinï lö momen, amotö kikönötengwo tïkwïn cho tïkon ato kewonyö, wölo kutö wölo mi Tororöt nyini konu tïkwïn lapay ompö chongïn kengörekyeghenö.

1 YOANA 2:28

Akï ye monechu, otïpinö orinyi töto otini kechumï, kesïch nyakanat tömökïmi kïgh nyo ighecha kewïngena kegh nyinte ompö arasï ato itï Asisoni.