YOEL 2:20 - PIPÏLIA

²⁰ Oyonan lïk nyo ngwïno okumpö löt kïlowit, ayonchan kor wölo le surkwen. Petöy cho mi tagh nanampa Paryan, kïpa cho mi löt nanampa Kwen. Nïniot porwöyikwa akïngutö nyo gha, ompöwölo keghunyi cho ghach nyoman.

YOEL 2:20 ပူးပေါင်းရင်းမြစ်များ

2 PÖYTOGHÏ 8:13

Kïlö Asael, “Ochan ne nya kukïy nyo omuköy ntagh tïkwïn cho teno choni?” Kuyokyï Elisya lö, “Keporwanïn ECHOTYON lö ilïkunenyi pöytoghinto Sirya.”

TUMWÖY 126:3

Kighwecha ECHOTYON tïpö töngönchin, kikïngörekyecha nyoman!

WUWÖT 10:19

Kïkutuna ECHOTYON yomöt nyo wow okumpö ta nyo kinget talamchay akwip kutang Nanam nyo Pïrir. Möminye talamnya ompö akong nyo kingötyï koro Misri.

WUWÖT 8:14

Kusupotö pipö Misri mnyakawayichay akutïkum. Kïngutö kore.

ISAYA 34:3

Melö kïtïpöy porwoyikwa, wölo nïniegho wölini kewonyeghö akworöröchitu, pïröchitu kutïngkotï ompö kisön.

ESEKEL 47:18

“Ngeto rotyot ompö kongasis kwenu Auran nko Damaska akïrop Yordan kumuryö Kiliad nko koro Israel ompö okumpö kongasis ntökwit Tamar ompö nanampa Paryan. Lïku nyoni rotyot.

AMOS 4:10

Kyotyorwokwa sömewut le chay kimi koro Misri kyaparan monekwa ompö chok arangan angoletinekwa kïpa kor anka. Kyaghan oröryo kanasyantenkwa kïlïtokwa sörun, wölo moyokukwanye kegh wölo omitan. Mwoghöy ECHOTYON.

SAKARIA 14:8

Yintegho pögho söpon Yerusalem osiswechoni. Yintoy lö karerana kutang nanampa Paryan, kuyinta chinö kutang nanampa Kwen. Yintoy lenyoni osiwo kömöy nko pengat.

MALAKI 3:11

Opkongan ptölök mam pagh nko omisyewut walaka cho mi parenikwa. Yinöy keti sapipun akwa nyo mötïny.

KINONO KIRURUT 11:24

Lïku nyinkwa kore anka tïkwïl nyo otïkokwa kelyekwo. Kïngetunö koronay le surkwen ntökwitïta Lepanon akïngeta lalwa Yuparet ntökwit nanampa Kwen nyo mi okumpö ta.