YOEL 2:1 - PIPÏLIA

¹ Akuta kontï ompö Sayon,* kutïngtönyan nyo tïlil. Nya kïpotonchö piko kore kïmïkul. Ompöwölo ngwïnöy asispa ECHOTYON lawel.

YOEL 2:1 ပူးပေါင်းရင်းမြစ်များ

1 OTÖPTINO OSIS 15:28

Kwipï pipö Israel Santuku Muma Yerusalem akuteghyot ompö ngörekyö, akïkutöy kontin nko kuy nko toasin nko kurerun.

TUMWÖY 119:120

Opotönan ompöwölo owöghinyi, awöghan kirurutköku.

TUMWÖY 87:1

Katek ECHOTYON kanasyan kutïng nyo tïlil.

WUWÖT 10:14

Kïpka talam kulum koro Misri kïmïkul, kitomönye kïmito talamnya nyo teno nyoni amelö tökesïwïyi ngat.

ISAYA 13:6

Oteghyenö ompö ngwonïn, ompöwölo kalekïtit asispa ECHOTYON ato ipu Kimuktoghin kiwurat.

ISAYA 13:9

Itu asispa ECHOTYON asis nyo pö ngwonïn, nyo nörekyenyi nko sïngiryenyi. Kighöy ngwïny kïlïkwï surkwen, akewur mwokïyis cho mi wöloni lömïs.

ISAYA 2:12

Ighöy ECHOTYON Kimuktoghin asisoni chi anka tïkwïl nyo awes kïmïnïngitu, chi anka tïkwïl nyo kwolöy kegh akï menotyon,

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

ISAYA 66:5

Atere nyu chona opotonchot, ateköy ECHOTYON, kïgh nyo mwowokwa nyinte lö, “Wöchokwa pikökwa walaka ompöwölo oghönanïkwa amelö tïngenokwa kïgh chane. Ngemokwa chane kïlentöy, ‘Akanya kuporï ECHOTYON töroryenyi kïsörwokwa atökesïwenacha ato oturönchokwa.’ Wölo chane cho sïköy arasï!

YEREMIA 16:10

“Akwoto imwochinyi pïchoni ngalechoni löwïr, tepinyi chane lö, ‘Ompö ne tökïmwa ECHOTYON lö, kïnyorunecha nyarïl nyo gha nyo teno nyï? Ne lelutyencha, anta ngokï ne cho kikighchicha ECHOTYON Tororötïncha?’

YEREMIA 16:7

Möminye chi nyo omisïyi anta gheghsyö nko chi nyo kamegha chitangwa akï lentöy tonyorï saghsaghat. Möminye ompö nyo syonchini lö otöni kïgh nyo kïgheghöy kïsaghsagh chi nyo kamegha kwanta anta kame.

YEREMIA 4:5

Amwatïtena ompö Yuda, nya kïlïm Yerusalem! “Akuta kontï kïghömï kore kïmïkul. Olenchinö chane, ‘Aghamïta kegh, aryöghchï kanastinechay kikiwak lö kïng!’

YEREMIA 5:22

Ompö ne tömowöghanïkwa nya? Mwoghöy ECHOTYON. “Ompö ne tömowöghisyonekwanye ompö tawunyan nya? Ani nyo kyotö ngayam kïlïkwï rotyo nanam nko kor nyo tïyame, miröwon nyo memukönye kïtïlï nanam kokay, nyo, kïrkegh kughumonï mirtino pögh lö ne, mötïlönye miröwontononi kokay.

ESEKEL 12:23

Lenchinö chane lentöy Echotyon TORORÖT, ‘Owongan lökïr ngötïnyononi ompö Israel.’ Ailenchï, ‘Kikwitïta ato pïntoy sïwïyagh anka tïkwïl.’

ESEKEL 21:12

Rira aitegh, we wero chi, ompöwölo pö chokonï piköchan nko kintöghoghi Israel löwïr. Kiketötö chane kepar nko piköchan walaka löwïr. Kïlenyona chala nyu,

ESEKEL 30:3

Kilekïtit asisoni, kikïrikï asispa ECHOTYON. Lïku asisoni asispa kïruntï, asispa pörcho pipö koros.

ESEKEL 33:3

akïnyini kasïwa ripintonona pung kïpkonöy akïkut kontï kuteghchï pich kwigh kegh,

ESEKEL 33:6

Wölo ato sïwa ripin pung kïpkonöy amakut konti kuteghchï pich kïpïsyï pung kipka kipar pich. Meghöy chichini kakïpar ompö ngokichi wölo omöy kisönkachi ripintonay.

ESEKEL 7:10

“Arose kikutomï kiwonyoghtönkwa, kiyetï rïmö nko menotön.

ESEKEL 7:12

“Kikwitïta akikïlekïtit ato mömïchininye olin kïngarak anta oltoghin kïsönön, ompöwölo ngwïnchini chi löwïr sitenyan.

DANIEL 6:26

Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.

DANIEL 9:16

We Echotyon, yodena nörekyengu nko sïngiryengu ompö kanasyantengu Yerusalem, kutïngtöngu nyo tïlil, ompöwölo ighenyi man kïnomnyö. Kisasecha pich akïsas kanasyantengu cho kimang Yerusalem kuwitwitecha akwompö ngokicha nko cho pö papotïnecha.

DANIEL 9:20

Otini kyomitan ongölonöy osoghöy akötoy ngokichu nko ngoki piköchan, pipö Israel, olokyan ECHOTYON Tororötïnyu, akwompö Yerusalem, kutïngtanyi nyo tïlil.

OSEA 5:8

Akuta kontin ompö Kipea, akut kontin ompö Rama. Okikö ompö Pet Apen. Owöntenö poryot, akwa pipö Penchamen.

OSEA 8:1

Lentöy ECHOTYON, “Akuta kontï! Achona pung kipka le mötong kupokyï Kö pö Tororöt* ompöwölo kipeny chane mumenyan akïtagh kirurutköchan.

YOEL 1:15

Kikïlekïtit asispa ECHOTYON ato ipu Kimuktoghin kinyarat, Heywey, ghöyitu asisoni kïtya!

YOEL 2:11

Ngölono ECHOTYON lïkenyi, ompö kut nyo wow. Ompöwölo wow lïkenyi nyoman, meyitisyotcha chini rïpöy ngölyontenyi. Wow asispa ECHOTYON akï pö otyogh, ngo nyo lentöy oköngöy?

YOEL 2:15

Akutena kontï Sayon, amala asispa kïrurat okurö tuyot aghamïta pich omwochinö tuyot kutïlil kegh onyoryenö poy

YOEL 2:31

Wengo asis kïtuwitu pïrïritu arawa le kisön kïtomö kwitï asisoni pö ECHOTYON wow akï pö otyogh.

YOEL 3:14

Söpïchis nko söpïchis cho mi mpöghogh nyo kïmuto ngal. Ay, kikïlekïtit asispa ECHOTYON, ompö mpöghogh nyo kïmuto ngal.

YOEL 3:17

“Onkïtunekwa nyu lö ochan ECHOTYON Tororötïnkwa nyo omöngöy Sayon kutïngtönyan nyo tïlil. Akïtïlilitu Yerusalem amökïtïkönye pïnotyontö orinyi ngat.

AMOS 3:6

Ayo, chöghöy konti poryot ompö kanasyan, amotyonye pich? Akwityini nyarïl kanasyan ato metyorchïnye ECHOTYON?

AMOS 5:18

Heywey akwa cho opïrchini kwitï asispa ECHOTYON! Ngörokekwa lö ne asisoni nya wey? Ompöwölo lïku tuwïn asisoni ompö akwa, melö löpoyïn.

AMOS 8:2

Kïlenchanïn, “Amos, kesïwenyi ne?” Olenchan, “Köröpo akwa cho kirïrö.” Atolapay kïlenchanïn ECHOTYON, “Ketïta sörömu piköchan pipö Israel, amomïkukönchinanye ngat ompö ghöyityengwa.

OPADIA 1:15

“Kakïrich ato orwokyinan ante ECHOTYON pipö koros löwïr. Kïkany nyi we Edom, kiwunyi lenyini kighchinyi pikö walaka.

SEPANIA 1:14

Kikïrikï asisoni mamïnïng pö ECHOTYON, kikïlekïtit nyoman, anyona kikwitï kukat! Ngwonöch ngala nyoman asisoni, ompöwölo riryot akïmeghö mutïnö ompö chini le nyökon!

SEPANIA 1:16

Kïlïmöy asisoni chöghoto kontin nko rira poryot. Kïporyegho kanastin cho kikiwita nïyet cho koghöch.

SEPANIA 1:7

Kirikï asispa ECHOTYON nyo pö kirwok, kïlenyona, isis chi lasay ompö tawu Echotyon TORORÖT. Kikïsat ECHOTYON amöros akïkur toechi cho kikïl.

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.

SAKARIA 14:1

Arosa, kikïrik asispa nörekyo ECHOTYON! Pkonöy pung kïchengöy tïku kanasyanta Yerusalem akïchöghchï kegh kurosu chane.

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

KIYITUT 10:2

“Tanga kontin odeny cho silpa cho ikutenyi ato ikurenyi pich nko ato imökenyi kïwï.

KIYITUT 10:3

Nyini kakïkut kontinechoni kwodeny, kïpka pich kïtuyechï ato imitenyi le kuka Ema nyo mi ECHOTYON.*

1 KORINTO 14:8

Kïkany ato chögh kontï amölïmönye chi lasiny, ngo nyu nyo nopöy kegh ompö poryot?

PILIPI 2:12

Kïlenyona nyu chamankachu, otïpinö otöpnanye pö terchin kyotïngetekwa kïnomnyö, ntökïmïr tya otete le ye ochan low ompö akwa. Opöghisyenö ompö kiwaghat nko mïghöt ompöwölo sörunötengwo,

1 TESALONIKE 5:2

Ompöwölo onkïtökwa akwane lö itu asispa Echotyon le chorin nyo ngwïnöy oghö.

YAKOPO 5:8

Mïchinokwa tïkwïl omïkukönö, akil mïkuliskökwo ompöwölo kikïlekïtit ato mïlo Echotyon.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

NGONGUT 6:17

Ompöwölo kikwitïta asistanyi nyo wow nyo pö nörekyenyi, ngo nyu nyo köngöy kughyongtö?”