YOEL 1:13 - PIPÏLIA

¹³ Ay akwa tïsï, alaka sïro cho poru lö omitekwa lok, oriryenö cho opöghisïyi ompö ato kïtïsisyegho. Olïtö Kö pö Tororöt alaka sarankwachtin kïyech, akwa chona opöghisyechini tororötïnyan. Ompöwölo mömicha ropöwo pagh nko cho kïgheghöy cho töketötoy kïpa Kö pö Tororöt.

YOEL 1:13 ပူးပေါင်းရင်းမြစ်များ

2 SAMWEL 12:16

Kïsagh Daudi Tororöt ompö monïngay akïkïrur, kiwö nangat anka tïkwïl konyi akumelmel kïyech.

1 PÖYTOGHÏ 21:27

Otini kiwany Eliya kïngalan, kïkarer Aap sïrokachi akïngwïs akulach sarankwachtin. Melö kitökwomisyö atoni wölo kisïch nyarïl nyo wow.

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

ISAYA 61:6

Kïkurenokwa nyu, “Tïsi ECHOTYON,” akekurokwa lö, “Mötwori Tororötïncha.” Omekwa sïkönöto pipö koros akwolökwa kegh sïkönötengwa.

YEREMIA 4:8

Kïlenyona, alaka sarankwachtin asönön ariryö, ompöwölo tomönye kïpïstecha nörekyo ECHOTYON nyo ngwan lakat.”

YEREMIA 9:10

Olan, “Orirchinan asönönchï kutïngkot, olokan ompö suswo kyak cho mi wuw cho köyomö, amökïminye chi nyo weröy wölini. Mökelïmonye wölini tany nyo ghïtöy, akïwï töritwö nko tïpö wudïn kïpechï kegh.”

ESEKEL 21:12

Rira aitegh, we wero chi, ompöwölo pö chokonï piköchan nko kintöghoghi Israel löwïr. Kiketötö chane kepar nko piköchan walaka löwïr. Kïlenyona chala nyu,

ESEKEL 27:31

Akirwach mötöwöy akulach sarankwachtin akwompö nyi. Atolapay kïriryö ompö ngwonïn akïsönöniö ompö akwa.

ESEKEL 7:18

Kulokyï kegh sarankwachtin akïnam chane nyarïl akulum arasï konyikwa akïrwach mötöwekwa löwïr.

OSEA 9:5

Oghekwa ne ye ompö osiswo ichontin cho kikïtötwokwa? Oghekwa ne ompö asispa ichon pö ECHOTYON nya?

YOEL 2:12

Akwompö nyete le ye kïmwoghöy ECHOTYON lö, “Omïlisyenö wölo omitan ompö mïkuliskökwo löwïr, ompö kïrurat nko lok nko sönönöt.

YOEL 2:14

Ngo nyo nkït lö möwöghökönye wölo kenontoy akïpïswekwa perur totötenö ropöwo pagh nko dipay* ompö ECHOTYON Tororötïngwo?

YOEL 2:17

Akanya kïlokyö tïsï cho pöghisyechini ECHOTYON ompö kwenu ato kïpelo amöros nko kuka Kö pö Tororöt* akïsagh lö, ‘Syonchinö piköku, we ECHOTYON. Mepïstö piköku kesas amekany kïroröchï puntonï. Pö ne kïmwa pich lö, “Mi onö tororötïngwa?’ ”

KIYITUT 28:14

Liten odeny cho pö ropöwo dipay ompö egh akonga nko lita akonga nko nisï ompö makal nko lita akonga ompö wawa kech. Lata nyoni wölo kidoy röpöw cho kïpelöy ompö asispa tagh nyo pö arawa anka tïkwïl ompö köny akonga kïmïkul.

KIYITUT 28:4

Kïroptoy akonga tökwoghö keropta anka mönon,

KIYITUT 28:7

Ropöwe cho pö dipay* kï lita akonga, cho imïlchinenyi ato kïpelo amöros ompö wawanay pö kech tagh.

KIYITUT 29:6

Oroptokwa kisis ompö chï ropöw cho kïpelöy chik ompö relïn pö arawa kïmi nko ropöwo pagh nko ropöw cho kïgheghöy le ngutogh nyo mïlöy ECHOTYON.

1 KORINTO 4:1

Nya kuyitecha chi lö kichicha mötwori Kristo akechï komöni wïngut pö Tororöt.

1 KORINTO 9:13

Monkïtökwanye so lö nyoruno pich omisyengwa Kö pö Tororöt cho pöghisïyi ompö Kö pö Tororöt,* akïtïng ngat pich cho ipu ropöw cho kïpelo watwa amöros karerantangwa ompö ropöwechoni?

2 KORINTO 11:23

Mötwori Kristo so chane? Ochan tïkwïl, angölonan lenyoni le chepoyï, lö ochan mötworinto Kristo kïtïl chane! Kaghan ighisyö nyo aghïgh tya, kikïtorchanïn chela kïnyïl cho chang tya akemungenanïn syaritin kïnyïl cho chang tya. Kyachïwïtan meghat kïnyïl cho chang.

2 KORINTO 3:6

ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.

2 KORINTO 6:4

Nyinö kötö kighecha lenyoni, keporucha kegh lasiny lö kïchicha mötwori Tororöt ompö kïgh anka tïkwïl nyo kighecha ompö mïkukönöt nyo wow ompö osiswo kichopat nko kömpölelyö nko nyarïl.

NGONGUT 11:3

Oyontonan söwichu cho le odeny cho loköy sarankwachtin atökwamta ngölyonto ompö Tororöt osiswechoni le 1,260.”