YOANA 8:36 - PIPÏLIA

³⁶ Kwato ighakwa Wero Tororöt otyokisyenö, olïkunekwa nyu pich cho tyokote nyoman.

YOANA 8:36 ပူးပေါင်းရင်းမြစ်များ

TUMWÖY 119:133

Namante tömapït, kïrïp kegh nko kiyomisötengu amepïsyï ghöyityö kïpaytanïn.

TUMWÖY 119:32

Orïpan kirurutköku ompö machat, ompöwölo itöswaninyi pköchin.

TUMWÖY 19:13

Ilowitante ompö ngoki kwötyin, amepïsyï kïpaytanïn ngokichoni. Atamukan nyu alïkwï chi nyo tenate aketyakan ompö ngokï cho ghach.

ISAYA 61:1

Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

LUKA 4:18

“Mi Mïkulöwu Echotyon nko ani, ompöwölo kikïlanïn omchï mey Lökoy cho Karamach. Köyonwanïn atomchï pich cho rötote lö, kityoköy chane, atökurosïta ngat chepkarotin, atöketyak pich cho kïpïröy,

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

1 KORINTO 7:22

Ompöwölo tyoko chi ompö Echotyon nyo kökur Echotyon kï sekeyon. Kïlenyoni tïkwïl, nyinte nyo kakïkur kutyakate kïlïku sekeyonto Kristo.

2 KORINTO 3:17

“Echotyon,” ye nyu ompö yete kï Mïkulögh, akï wop anka tïkwïl wölo mi Mïkulöwu Echotyon, kïmi kityakata.

KALATIA 5:1

Kïchicha tyokote akï Kristo* nyo ketyakecha! Oghyongö nyu lasiny amakanya ngat kerötyok mïchoki sekeynön.