YOANA 7:37 - PIPÏLIA

³⁷ Ki asis nyo wow asis nyo pö söröm nyo kipö asisoni wow pö omisyö. Kïlenyona kughyö Yeso akutegh ompö kut nyo wow lö, “Chi anka tïkwïl nyo amatïn maral ingwïn wölo omitan ateghegha pögh.

YOANA 7:37 ပူးပေါင်းရင်းမြစ်များ

NEEMIA 8:18

Kikisomön kitapu Kirurut pö Tororöt asis anka tïkwïl kïngata asisini kitor ichon ntökwit asispa söröm. Kwam Ichontino Tunkun ompö osis mut nko odeny. Atolapay kïtuyö löwïr ompö asispa mut nko sömök kïrïp kegh nko kirurut.

TUMWÖY 143:6

Osyolan ewunechu parak ompö saghat amate maral söpontönyan ompö nyi le kor nyo tïyame.

TUMWÖY 42:2

Omchinanïn maral Tororöt, maral nyo pö Tororöt nyo satate. Owetan oyï atotuyö nko nyinte?

TUMWÖY 63:1

Ichinyi, Tororötïnyan, we Tororöt, oyörinyi köninyi portönyan nyoman, omchinanïn maral nyi, le kor nyo tïyame nyo puryö pögh.

NGÖTÏNYÖ 1:20

Kursïyi tya ngöghomnyö ompö apuke, kïlïmo wölo oltoghisyegho mïnchïrïs,

NGÖTÏNYÖ 8:1

Mökursïyinye so ngöghomnyö, ameteghunye so pköchin?

NGÖTÏNYÖ 8:17

Ochöman pich cho chömanïn, akïnyorwanïn chane cho yöranïn ompö kikilöto kegh.

NGÖTÏNYÖ 8:3

wölo lekïto kukoti kanasyan, akutegh wölo kïlïto kanasyan kïlentöy,

NGÖTÏNYÖ 9:3

Kayonta tipichi cho pöghisyechini, kïkursyeghö tïkumwoköy ompö kanasyan.

TUM PÖ TUMWÖY 5:1

Kangwïnan parenyu cheptönyo, chamanenyu, oghömïtan mankoykachu cho ngutoy cho onyïn, oman tiyokachu nko kumate, agheghan dipaykachu* alï chekachu. Omisyenö chamankachu agheghsyö, ogheghsyenö chamankachu kïmïchï!

ISAYA 12:3

Orömonekwa pögho ngörekyö, kori pöghoni sörunöto ECHOTYON.

ISAYA 40:2

Okilö pipö Yerusalem omwochinö lö, “Kikuwongwï chane nyo kikumuchö akakelöstoghchï ye chane ngokikwa. Kachopan kong chane kïmïchï ompö ngokikwa.”

ISAYA 40:6

Kakïlïm kut nyo teghöy lö, “Amtena lökoy!” Atepan lö, “Ne lökoye cho omtonan?” Kïlenchanïn, mwatïtena lö, “Karkegh ptangengmötin nko sus möngötucha nyo kogh kïsir tapïkoy pö wudïn.

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 55:1

Mwoghöy ECHOTYON lö, “Nyonö chi anka tïkwïl nyo omin maral, achï pöghe ghegha! Nyonö nyo chopöy ropïyen, nyonö ala aiyomisyö! Nyonö ala dipay* nko chö! Melö mito kïgh nyo itötonyi akï puryö olyot!

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

ISAYA 58:1

Mwoghöy ECHOTYON lö, “Oteghyenö tya! Omwochinö piköchan, pipö Israel ngaleko ngokikwa!

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 2:2

“Wïyö mwatïtena ompö Yerusalem lö lentöy ECHOTYON, Tononan lö kichinyi ghanate ato kitechinyi chumwak, kichömaninyi le chamanengu nyo pö kensyö airïpaninyi ompö surkwen, wölo möpitonye kïgh.

ESEKEL 47:9

Wölini kewerata pögh kïsöp kïgh anka tïkwïl nyo möngöy ori akïchangit kaghagh nyoman. Petöy pöghechï kugheghöy wölini tökïkaramachitu pögho nanampa Paryan. Kïlenyona möngöy kïgh anka tïkwïl wölini kewer lalwa.

LAWIN 23:36

Otönekwa ECHOTYON ropöwo omisyö ompö osis mut nko odeny, atolapay otuyekwa ompö tuyot nyo kïkonyïto ECHOTYON asispa mut nko sömök atö nyinte ropöwo omisyö. Lïku nyoni asispa saghat magh ighisyö anka tïkwïl.

LAWIN 23:39

“Nyini kolökwa parenikwo agh ichon ompö ECHOTYON osis mut nko odeny kutorö asispa taman nko mut nyo pö arawa mut nko odeny. Kutor asispa taman nko mut nyo pö arawa mut nko odeny. Lïku asispa kimïny asis nyo pö tagh nko asispa mut nko sömök.

MIKA 6:9

Karam chi nyo woghöy ECHOTYON, kuröy ECHOTYON pipö Yerusalem kïlenchini “Atera pïchï osupo kegh kanasyan.

SAKARIA 9:15

Ripöy ECHOTYON Kimuktoghin pikachi, akumï pikachi kunyar pungkakwa. Teghyot kïpöröy pungkakwa le ptamasis mïltoy kisönkökwa kuyinta le cho pö kyaki amöros, cho kïmïluno otupö akemïlchï wölo kïpelo amöros.

KIYITUT 29:35

Otuyokwa asispa mut nko sömök ompö tuyogh nyo tïlil, magh ighisyö anka tïkwïl.

MATAYO 11:28

“Opkonchanïn pich löwïr cho osusöy kegh nko nïkisïntin atomunywok.

MATAYO 3:3

Ki Yoana nyinte nyaye kingölono werkoyon Isaya ato kimwa lö, “Mi chi nyo tegho surkwen lö, ‘Agha ara Echotyon, oghïtenö ortïnechi.’ ”

MATAYO 5:6

Soyönote pich cho omöy kömöy nko maral nyo pö manpa Tororöt, ompöwölo kipïghyongöy.

YOANA 1:23

Kuyokyï Yoana chane lö, “Ochan chichanya kimwa werkoyon Isaya ngalechi lö, ‘Kakïlïma kuti chi surkwen nyo lentöy, agha ara Echotyon, oghïtenö ortïnechi.’ ”

YOANA 14:6

Kïlenchï Yeso, “Ochan ore nko man nko söpon, möminye chi nyo wetöy wölo mi Papo kïpoto ato werwanïn.

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

YOANA 4:11

Kïlenchï kokonay, “Echotyon, nyini metïngetenyinye kïgh nyo irömo pöghe akwanyï low koto pögh, isïkonyi nyu onö pögh cho tïng söpon?

YOANA 4:14

wölo anka tïkwïl nyo gheghöy pögh cho otönan kïlïku ompö orinyi kongpa pögh cho pö söpon, akutöni pöghechoni nyinte söpon pö kokay.”

YOANA 5:40

Akwanyï mochömekwanye opkone wölo omitan atamuka osïkö söpon.

YOANA 6:35

Kïlenchï Yeso chane, “Ochan makatyanta söpon. Momönye kömöy chi nyo ngwïnöy wölo omitan akï momönye maral chi nyo ghönanïn.

YOANA 6:37

Chi anka tïkwïl nyo konanïn Paponyan, kungwïnöy wölo omitan, amoyonchinanye sany chi anka tïkwïl nyo ngwïnchinanïn.

YOANA 6:55

Ompöwölo omisyo man portönyan akï gheghsyo man kisönköchan,

YOANA 7:28

Akwotini kimi Yeso kunetisyegho Kö pö Tororöt, kutegh tya lö, “Kolekwa so kinkïtanïn, ankïtökwa wölo kyangwïnan! Wölo kimangwïnanye ompö owesyenyu. Pö man nyinte nyo kiyokwanïn. Monkïtökwanye nyinte,

1 KORINTO 10:21

Momukekwanye ogheghone kikompo Echotyon nko nyo pö oy amomukekwanye omisyeghone mesa Echotyon nko nyo pö oy.

1 KORINTO 10:4

akïgha chane löwïr pöghechoni pö mïkulögh, ompöwölo kighegha ghatyanoni pö mïkulögh kirïpöy chane aki Kristo* nyinte ghatyanoni.

1 KORINTO 11:25

Kïlenyoni, otini kiwany kwomisïyi, kïcheng mpalaw akïlö, “Anyï kikompa nyo pö muma* nyo rel nyo kakikïninieghö kisönköchan. Agha le nyete kïnomnyö otini ononanïkwa.”

1 KORINTO 12:13

Ompöwölo ato kakïchicha pipö Yaudi anta pipö punton anta sekey anta cho tyokote, kïkakepatisanecha löwïr ompö Mïkulöwunoni le akonga, kelïkwï por akonga, akakekonecha löwïr keghegha Mïkulöwunoni le akonga.

EPESO 5:18

Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.

NGONGUT 21:6

Akïlenchanïn, “Kikwighisyö! Ochan Alpa nko Omeka towunöt nko söröm. Otöninan chi anka tïkwïl nyo amate maral kïgheghöy pögh kwïle cho pkono kongpa pögho söpon.

NGONGUT 22:1

Atolapay kuporwanïn malaykayantanay lalwa pögho söpon, nyo kilïwï le kiyo, nyo kirotuno ngacharu paytaghpa Tororöt nko Wawa Kech.

NGONGUT 22:17

Kölenchï Mïkulögh nko Mïrara kensyö Yeso, “Nyonö!” Akï anka tïkwïl nyo kalïm ngölyontonete, kïmwa tïkwïl lö, “Nyonö!” Anka tïkwïl nyo amate maral akömököy, kumuköy tach kungwïn akï pögho söpon, cho pö kwïle.