YOANA 5:19 - PIPÏLIA

¹⁹ Kuyokyï Yeso chane lö, “Omwowokwa nyoman lö meghönye Weri kïgh onkït, poto nyo sïwïyi kwighöy Kwanta. Kïgh nyo ighöy Kwanta, kwighöy Weri tïkwïl.

YOANA 5:19 ပူးပေါင်းရင်းမြစ်များ

TOWUNÖT 1:1

Otini le towunöt, kigh Tororöt yïmwöy nko ngwïny,

TOWUNÖT 1:26

Atolapay kïlö Tororöt, “Kegha chi ompö kïtontönyo, nyo karkegh nko achone tökïpayta kaghagh nko törit nko kyak nko tïpö wudïn löwïr cho mi wuw, cho echön nko cho mïnkech.”

TUMWÖY 138:3

Kimölyöngwaninyi atakinye kyarirunyi, kichïchïmanyi ompö owesyengu.

TUMWÖY 27:14

Könö ECHOTYON aisïch kighanat, mekany kïmeghïn mu, owöy, könö ECHOTYON. Tum pö Daudi.

TUMWÖY 50:6

Mwotïtoy yïmwöy manpa Tororöt akuparta lö nyinte nyo le mutinto ngal.

WUWÖT 4:11

Kïlenchï ECHOTYON nyinte, “Ngo nyo kigh kuti chi? Ngo nyo ighöy nyinte kïmang anta kïminy anta kurosta anta kïkar? Mö aninye ECHOTYON?

NGÖTÏNYÖ 2:6

Ompöwölo tötoy ECHOTYON ngöghomnyö, ngwïno chïreryö nko pköchin wölo mi ECHOTYON,

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 45:24

“Mwoghöy chane ompö parakunyan lö, ‘Kïnyorchini man nko owesyö wölo mi ECHOTYON onkït,’ wölo wongu ompö arasï pich cho töghöy nyinte.

YEREMIA 17:10

Osyokan ante ECHOTYON kinonut pö chi, okïtan mïkulöwunyi ori. Nka nyay oghchinan chi anka tïkwïl, kïrïp kegh nko ortïnechi nko ighisyewutkachi.”

MATAYO 26:39

Kunayta yona kite, kupït akïsagh lö, “Ato muko, Paponyu, ichengenanïn kikomponï pö nyarïl kïlowit ompö ani! Wölo melö ompö machatenyan, wölo machatengu.”

LUKA 21:15

Ompöwölo okonokwa ante kuti nko ngöghomnye nyo memukönye pungkökwa kuyokwï kïgh amemukönye kumöl.

YOANA 10:18

Möminye chi nyo sörenanïn söpontanyu. Otötonan ante ompö machatenyu. Otïngetan owesyö nyo otötoy, atïngetan owesyö nyo ochengo ngat, kimwowanïn Paponyu lenyoni.”

YOANA 12:49

Ompöwölo mongölonanye ante onkït, wölo kimwowanïn Paponyu nyo kiyokwanïn angalana ngal cho mïchini amwaghan.

YOANA 12:50

Ankïtön lö ipu kichikötenyi söpon pö kokay. Kïlenyona nyu, ngalechoni omwoghan kï ngal cho kimwowanïn Paponyu amwagh lenyoni.”

YOANA 14:10

Meghönenyinye so lö omitan orito Paponyu, orinyan? Melö omwoghan ngalechï omwowokwa löwïr ompö owesyenyan kegh, wölo Paponyan nyo mi orinyan nyo ighöy ighisyenyi.

YOANA 2:19

Kuyokyï Yeso lö, “Orule Köyï pö Tororöt pö saghat atasïwena lö otekan ngat ompö osis sömök.”

YOANA 3:3

Kuyokyï Yeso lö, “Omwowunyi nyoman lö möminye chi nyo muköy kïsïwa Pöyunöto Tororöt kïpoto ato kïyï nyinte ngat.”

YOANA 5:21

Kïle wölini ighöy Paponyan cho kimeghö kututu akutö söpon, kïlenyoni tïkwïl, töni Werïnyi söpon pich cho chömöy nyinte.

YOANA 6:38

Ompöwölo korökunan yïm angwïn ngwïny atagh machata Tororöt nyo kiyokwanïn, melö machatenyan.

YOANA 8:28

Kïlenyona, kïlenchï Yeso chane, “Otini kawanyakwa apar Wero Chi, onkïtukwa nyu lö, ‘Ochan nyinte nyo Kochï,’ ankïtukwa nyu lö, moghanye kïgh nyonikïny ante wölo ongölonan ngalechini kinetanïn Paponyu.

YOANA 9:4

Mïchinecha kegha pöghisyewut pö nyinte nyini kiyokwanïn kïtökïpöghet, ompöwölo itu nangatï ato mökumukönye chi kïpöghisïyi.

IGHISYEWUT 2:24

Wölo kwigh Tororöt nyinte kututï ompö ngwen, akïsörunö nyinte ngwonïn pö meghat, ompöwölo kimemukonye kwam meghat nyinte.

RUMI 6:4

Kikïmeghyecha nyu nko nyinte otini kikipatisanecha aketïpecha nko nyinte, atökemuka nyu ketutunö lenyini kitutï Kristo ompö ororyeto kwanta atömanyïl ketïpï tïkwïl otöp nyo pö söpon nyo rel.

RUMI 8:11

Ato mi orinkwa Mïkulöwu Tororöt nyo kigh Yeso kututunö ngwen, kwighöy Tororötnoni kigh Kristo Yeso kututunö ngwen porwöyikwa kïsöpchö, ompö Mïkulöwunoni mi orinkwa.

1 KORINTO 15:12

Kïlenyono ato kyomtonecha lö kitutï Kristo ompö ngwen, kwompö ne tökïmwoghöy pikö walaka cho omitekwa tïkwïl lö metutucha pich cho?

2 KORINTO 4:14

Kinkïtöcha lö, Tororöt nyo kigh Echotyon Yeso kututï. Kwighecha tïkwïl ketutunö le nyinte, akumïtecha nko akwa kepe tawunyi.

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

EPESO 2:5

nyo kïrkegh otini kitökechicha pich cho kimeghö ompö ngokicho, kwighecha nyinte kesöpchenö nko Kristo.* Kikïsörwokwa ompö pöropcho Tororöt,

EPESO 3:16

kïkonok le wölo lata sïkönöteto ororyenyi, kïkonokwa owesyö nyo kilok ompö ara Mïkulöwunyi talïkuna pich cho chïchïmote ompö oringwo,

PILIPI 3:21

nyo wöghököy porwoyicha chï nyörkölöl akwigh kïkarkegh nko portanyi nyo pö ororyö, ompö owesyö nyo muköy kï pöyuno tïkwïn lapay.

PILIPI 4:13

Omukan oghöy tïkwïn löwïr ompö Kristo nyo konanïn owesyö.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

KOLOSAY 1:16

Ompöwölo kigh Tororöt tïkwïn löwïr ompö nyinte, ato kö tïkwïn cho mi yïm anta kö cho mi ngwïny, kö cho kïsïwïyi anta kö cho mökïsïwïyi. Kigh tïkwïl cho tïng owesyo mïkulis nko pöytoghï nko wowïntin. Kigh Tororöt tïkwïn löwïr kuwerï Kristo akwompö nyinte.

1 TESALONIKE 4:14

Ompöwölo kïtïngetecha kighanat lö kima Yeso akututï ketïngetecha kighanat ngat lö ighöy Tororöt pich löwïr cho kimeghö kututï ompö Yeso.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

NGONGUT 2:23

Opöran pich löwïr cho le rïpankachi atökunkïtï kanisen löwïr lö onkïtön kinonut pö pich löwïr nko mïkuliskökwa. Oghokyinan chi anka tïkwïl ompö chane kïrïp kegh nko ighisyewukachi.