YOANA 4:36 - PIPÏLIA

³⁶ Nyoru ilinto pagh ropöwontenyi, akïghömïtöy pagh ompö söpon pö kokay atökïngörekyö chane kwodeny, ngorin nko ilin.

YOANA 4:36 ပူးပေါင်းရင်းမြစ်များ

NGÖTÏNYÖ 11:18

Nyoru mwokïyon ropïyeni lïs, wölo nyoru chi nyo kötkötöy man ropöwon nyo mötïnye.

NGÖTÏNYÖ 11:30

Otöpö chi pö man, kï ket pö söpon, ngöghom chi nyo söru mïkulis pö pich.

DANIEL 12:3

Lïwu cho ngöghomöch le asis. Akulïwu cho ntöghoghchini pich kwigh man le kokel kokay nko kokay.

MATAYO 19:29

Akwanka tïkwïl nyo köpïstö korichi anta werkökwa anta tipikwa anta kwanta anta kame anta monechi anta parenichi ompö ani, kïnyoru walaka kïnyïl 100 akïnyorï söpon pö kokay.

YOANA 3:36

Tïngeto söpon pö kokay, chi nyo ghönöy Wero Tororöt wölo mösïwïyinye söpon nyo möterchininye Wero Tororöt ngalechi, poto nörekyo Tororöt nyo töpo parakunyi kokay.”

YOANA 4:14

wölo anka tïkwïl nyo gheghöy pögh cho otönan kïlïku ompö orinyi kongpa pögh cho pö söpon, akutöni pöghechoni nyinte söpon pö kokay.”

YOANA 5:24

“Amwowokwa nyoman lö anka tïkwïl nyo lïmöy ngalechan akughan nyinte nyo kiyokwanïn, kïtïng söpon pö kokay. Melö kirwokyini nyinte, wölo kakïngetunö meghat akïlït söpon.

RUMI 1:13

Omökan onkïtunekwa tupchenichu lö kikyatatan kïnyïl cho chang orutowokwa, wölo kïratanïn kïgh nko nyete le ye. Omökan otu wöloni atomchï pich kughan Kristo le wölo kighanta puntoni walaka.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

RUMI 6:22

Wölo kikutyakenakwa ye Tororöt sekeynöno ngokï alïkukwa sekeyi chi kegh. Tösunöt nyo onyorunekwa kï söpon nyo pöghisyechini nyinte kïmïchï, nyo ipu ato le söröm söpon pö kokay.

RUMI 6:23

Ompöwölo mïsyara ngokï kï meghat, wölo ropöwonto Tororöt kï söpon pö kokay, ompö Kristo Yeso Echotyontenyo.

1 KORINTO 9:17

Ntökile nyo kyokïlchan kegh ighisyononi ompö machatenyan kegh, kötokönan nyu kïgh nyo kïghokwon, wölo oghan le achey nyo kighönwanïn Tororöt alïkwï ripinte.

1 KORINTO 9:18

Kïghokwanïn ne nyu nya? Nyoni kï kechömwanïn amta Lökoy cho Karamach kwïle amelö oghokan tïkwïn cho köle mantanyan ompö amtaghnoni.

1 TESALONIKE 2:19

Ompöwölo, kötölïku ngo kikönötencha nko ngörekyencha nko kwolötencha, makwanye cho olïku kwolötencha nyo pö rïntagh ompö tawu Echotyon Yeso otini kamïla nyinte?

1 TIMOTEO 4:16

Irip kegh airip kinetatengu ailet tagh igh tïkuchoni. Ompöwölo ato ighanyi lenyoni, isörunenyi kegh nko pich cho lïmöy ngaleku.