32 Wölo kïlenchï Yeso, “Otïngetan omisyö nyo monkïtökwanye.”
Mamasteghanye kirurutkachi kokomönchan ngalechi mïkulöwunyan.
Ochï onyïnchinanïn ngaleku, onyïne kïtïl kumat!
Nömöy ECHOTYON kongot nko pich cho konyïtöy nyinte akuporchini chane mumenyi.
Pïghyongi söpontönyan akïmïchï, atotumunyi ompö ngörekyö nko salat.
Nkït mïkulögh ngwonïntanyi onkït, amelö ghömtoy ngörekyenyi nko chi.
Pïghyongöy chi ngaleko kutinyi, Pïghyongoy chi kutinyi.
Lentöy ECHOTYON, “Nyini kewonyö söpon pö kiwongunöt, nyoru nyu mötworintenyan ngat ngörekyö. Nkïtu lö melö kiwir wuw kiwongunötenyi. Ompö ngöghomnyenyi ighöy mötworintenyan nyo ighöy man pich keyityï man. Kösönöy nyinte nyörilwok pö pich cho chang alöstoghchinan chane ngokikwa ompö nyinte.
Kyanïkughan ngaleku otini kyalïman, kwipkanïn ngalechoni ngörekyö akïturön mïkulöwunyan. Ompöwölo nkïtanïn pich ompö kaynengu, we ECHOTYON Kimuktoghin.
Kimito nyu atoni kinetankachi kïsoghöy nyinte lö, “Kayakay konetin, omisyenö!”
Kïtep kegh kinetankachi lö, “Eketö ngo nyinte omisyö köny?”
Kïlenchï Yeso, “Omisyenyan kï aghan machata nyinte nyini kiyokwanïn awany ighisyenyi.
Kyoporwokwa ompö tïkwïn lapay lö ato opöghisyekwa le ani, kïmïchini angaraka pich cho nyörkölöle, akïkaram anana ngölyonto Echotyontenyo Yeso nyay kimwa nyinte lö, ‘Mi ngörekyö nyo wow otinö kakitötö kïsir ketach.’ ”
“ ‘Ato itïng chi yitïn, ilïm ngal cho mwochini Mïkulögh kanisen! Otöninan chi nyo rïntoy kwomöy mana cho wïngote. Otöninan nyinte tïkwïl kogh nyo rel nyo kikikirchï kaynat nyo rel nyo menkïtnye chi anka kïpoto chichini onkït kitöni.’
