YOANA 4:23 - PIPÏLIA

²³ Wölo pkonöy osiswö akikwitï osiswechoni, cho ato mi pich cho soghöy Tororöt nyoman, kïsoghöy Paponyan ompö mïkulögh nko man.

YOANA 4:23 ပူးပေါင်းရင်းမြစ်များ

1 OTÖPTINO OSIS 29:17

Onkïtön lö ityömenyi mïkulis, aichömenyi pich cho tïng konyït. Kokonwan chete ompö konyït nko ompö chamatenyan kegh, akasïwan piköku chï kötuyechï yi lö kepunyi ropöw ompö ngörekyö.

TUMWÖY 147:11

wölo ngörokyini pich cho konyïtöy nyinte, chane cho könöy chomnyenyi pö kokay.

TUMWÖY 17:1

Terwante, we ECHOTYON, saghatenyu nyo pö man, aiterwante lokechu Ikany kïlïm yitiku saghatenyan nyo melö ngwïno kuti lïsin.

TUMWÖY 32:2

Soyönote chi nyo melö tökuyitini ECHOTYON lelut, chi nyo melö tökïtïng lïsat ompö ngalyapunyi.

TUMWÖY 51:6

Imökenyi man ompö söpontönyan, nyïghita ngöghomnyengu sïkunötenyan.

NGÖTÏNYÖ 15:8

Ghöchini ECHOTYON amöros pö mwokïyon wölo ngörökyini saghata pich cho tïlilöch.

TUM PÖ TUMWÖY 2:14

Aso cheptukwenyu nyo kewïnga kegh karerpa ghat, nya asïwan tokochungu, aikany alïman kutingu, ompöwölo anyïn kutingu akïpïchigh tokochungu.

ISAYA 10:20

Itu osiswö ato melö tökukönöy pipö Israel cho ngötu pipö puntoni walaka cho kimököy kuwuröy chane kuwonyö. Könöy chane lasiny ECHOTYON Tororöt pö Israel nyo Tïlil.

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

ISAYA 43:21

Piköchan chane cho kyaghan akïlchan kegh, tökïtumwanïn chane sölut!”

ISAYA 58:2

Soghanïn chane kïtenö osis, akïmi kïlentöy kïtïng machat nyo wow kunkïtï ortïnechan akïrïp kirurutköchan. Mököy otönön chane kirurut cho tenote, akïmwoghöy lö kïngörokyini kïsoghanïn.”

YEREMIA 3:10

Amelö ompö kitökïmïleghchanïn Yuda, cheptompö Israel nyo le lïsin ompö mïkulöwunyi kïmïkul wölo ompö lïs.” Mwoghöy ECHOTYON.

YEREMIA 4:2

akwato awalwalakwa ompö man olentöy, ‘Le ato söpöy ECHOTYON,’ kïnyoru nyu pipö koros, kisoyönöt nko ororyö ompö ani.”

ESEKEL 22:30

Kïlenyona ayaran chi kwenungwa nyo muköy kïtek nayat akughyongö nïyetwe wölo kikewur ompö tawunyan, atö mawuran kore, wölo monyorwanye ompö akonga.

YOANA 1:17

Kikonï Tororöt kirurut kuwerï Musa, wölo kikonï pöropchö nko man kuwerï Yeso Kristo.*

YOANA 12:23

Kuyokyï Yeso chane lö, “Kakwitïta ye nyu asis nyo kitöni Wero Chi ororyö.

YOANA 16:2

Yonenokwa chane kori saghat. Atökïpkonöy osiswö cho nonöy chi nyo pörokwa lö pöghisyechini nyinte Tororöt.

YOANA 16:32

Itu asis akikwitï ye yeteyi, ato otoyokwa löwïr atökïwö chi tïkwïl katanyi, atökepïstanïn onkït. Wölo momitanye onkït, ompöwölo mi Paponyan nko ani.

YOANA 4:21

Kïlenchï Yeso, “Korkonï, ghananïya, pkonöy osiswö cho mosoghokwanye Paponyan kutïng parak anta Yerusalem.

YOANA 5:25

Amwowokwa nyoman lö, ngwïnöy asis akikungwïn asisoni ato lïmöy pich cho kimeghö kuti Wero Tororöt, akïsöpchöt chane cho lïmöy kutinoni.

YOANA 5:28

Motöngönchï ngölyontononi, ompöwölo pkonöy osiswö ato lïmöy pich tïkwïl cho mi pïrïmpot kutinyi

RUMI 1:9

Söwintenyan Tororöt lö nyo opöghisyechinan ompö mïkulöwunyan kïmïkul, otini omtonan Lökoy cho Karamach cho pö Werïnyi, lö ononokwa kïnomnyö ompö sowutköchan.

RUMI 8:15

Ompöwölo meghokwanye sekey Mïkulögh nyo kikonokwa Tororöt, amelö ighokwa onyökoröchitunö, wölo ighokwa alïkuna monïngo Tororöt akwighecha Mïkulöwunoni kekurö Tororöt lö, “Papo! Paponyu!”

RUMI 8:26

Kïlenyenyoni tïkwïl, ngwïnöy Mïkulögh kungörokecha ompö nyörkölelyenyo, ompöwölo mökinkïtöchanye kesoghöy le wölini kömïchinecha kesoghe. Soghwecha Mïkulögh nyinte ompö sönönöto ngwonïn nyo melö kimuköy kemwoghe.

KALATIA 4:6

Kiyonï nyu Tororöt Mïkulöwuto Werïnyi kïlït mïkulöwecha, riröy Mïkulöwunoni lö, “Papo, Paponyu.”

EPESO 6:18

Asagha kïnomnyö ompö owesyo Mïkulögh nyo Tïlil. Osomö Tororöt kingarakat. Osyepisyenö moghochö, osoghchinö pipö Tororöt löwïr kïtenö osis

PILIPI 3:3

Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.

YOSWÖ 24:14

Kïlenyona kïtas tagh Yoswö kïlö, “Okonyïtö ECHOTYON, apöghisyechï nyinte ompö mïkulögh nyo melö pö lïs nko ompö man, opïstenö tororötinechay kipöghisyechini papotïnekwa ompö koro Mesopotamiya nko ompö Misri, apöghisyechï ECHOTYON.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 SAMWEL 12:24

Okonyïtö ECHOTYON apöghisyechï nyinte kïtenö osis ompö mïkuliskökwo löwïr anan tïkwïn cho echön cho kikwighwakwa nyinte.