YOANA 4:14 - PIPÏLIA

¹⁴ wölo anka tïkwïl nyo gheghöy pögh cho otönan kïlïku ompö orinyi kongpa pögh cho pö söpon, akutöni pöghechoni nyinte söpon pö kokay.”

YOANA 4:14 ပူးပေါင်းရင်းမြစ်များ

ISAYA 49:10

Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.

ISAYA 55:1

Mwoghöy ECHOTYON lö, “Nyonö chi anka tïkwïl nyo omin maral, achï pöghe ghegha! Nyonö nyo chopöy ropïyen, nyonö ala aiyomisyö! Nyonö ala dipay* nko chö! Melö mito kïgh nyo itötonyi akï puryö olyot!

ISAYA 58:11

Ontöghoghwokwa nyu kïtenö osis, aghakwa opïghyenö tïkwïl cho karamach. Oripokwa, akonokwa owesyö. Okörekwa kegh nko par nyo mi pögh cho chang akarkegh nko kompa pögh nyo melö tengöy.

YEREMIA 2:13

Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.

YEREMIA 31:25

Oyonan aghakat kïngeta chona kikwoghochö tökïlïmchï kegh nyo karam. Opïghyongan ntökïsïch owesyö chona könyörkölöchitunö kömöy.

ESEKEL 47:9

Wölini kewerata pögh kïsöp kïgh anka tïkwïl nyo möngöy ori akïchangit kaghagh nyoman. Petöy pöghechï kugheghöy wölini tökïkaramachitu pögho nanampa Paryan. Kïlenyona möngöy kïgh anka tïkwïl wölini kewer lalwa.

LAWIN 11:36

Tïlil kompa pögh anta kö pö pögh, wölo sïmnyon chi anka tïkwïl nyo swongöy tyony nyo kama.

MATAYO 25:46

Kïrongöy nyu pïchoni kïpa nyarïlpa kokay, wölo petöy chinö pö man söpon pö kokay.”

MATAYO 5:6

Soyönote pich cho omöy kömöy nko maral nyo pö manpa Tororöt, ompöwölo kipïghyongöy.

YOANA 10:10

Ngwïnöy chorin pat atökïchor akïtïgh, akunyar. Kyangwïnan atömanyïl osïkökwa söpon, asïch nyoni kïmïchï.

YOANA 11:26

Akwanka tïkwïl nyo satate akughönanïn kïmömeghönye kokay. Ighönenyi ngalechoni nya?”

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

YOANA 4:11

Kïlenchï kokonay, “Echotyon, nyini metïngetenyinye kïgh nyo irömo pöghe akwanyï low koto pögh, isïkonyi nyu onö pögh cho tïng söpon?

YOANA 4:13

Kuyokyï Yeso lö, “Anka tïkwïl nyo gheghöy pöghechete, kwomöy maral ngat,

YOANA 4:36

Nyoru ilinto pagh ropöwontenyi, akïghömïtöy pagh ompö söpon pö kokay atökïngörekyö chane kwodeny, ngorin nko ilin.

YOANA 6:27

Mosïngo omisyö nyo wonyot, wölo asïngena omisyö nyo ghyongtoy ntökwitïta söpon pö kokay. Konokwa omisyononi Wero Chi nyo kakukïniniö Paponyi Tororöt akutö nyinte macheyunyi nyo pö chamat.”

YOANA 6:35

Kïlenchï Yeso chane, “Ochan makatyanta söpon. Momönye kömöy chi nyo ngwïnöy wölo omitan akï momönye maral chi nyo ghönanïn.

YOANA 6:58

Nyete nyu makatyantanoni kirökunö yïm. Melö karkegh nko makatyantananya kyam papotïnekwa akïmeghö. Söpöy kokay nyo omöy makatyantanete.”

YOANA 7:37

Ki asis nyo wow asis nyo pö söröm nyo kipö asisoni wow pö omisyö. Kïlenyona kughyö Yeso akutegh ompö kut nyo wow lö, “Chi anka tïkwïl nyo amatïn maral ingwïn wölo omitan ateghegha pögh.

RUMI 5:21

Kïlenyona nyu, kïle wölini kipayta ngokï ompö ara meghat, kïpöytoy tïkwïl pöropcho Tororöt ompö ara man atökuntöghoghwecha pöropchononi kelïtö wölo mi söpon pö kokay ompö Yeso Kristo Echotyontenyo.

RUMI 6:23

Ompöwölo mïsyara ngokï kï meghat, wölo ropöwonto Tororöt kï söpon pö kokay, ompö Kristo Yeso Echotyontenyo.

2 KORINTO 1:22

Akutönecha machey nyo poru lö, kïchicha pikachi akutö Mïkulögh nyo Tïlil mïkulöwecha kelïkuna pikachi nyoman.

EPESO 4:30

Orip kegh magh Mïkulögh nyo Tïlil nyo pö Tororöt kïnarek, ompöwölo nyinte kï macheypa Tororöt nyo poru lö ochikwa pikachi akukïniniot lö itu Asis ato tyokokwa Tororöt.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 YOANA 5:20

Kinkïtöcha lö kikungwïn Wero Tororöt akïkonecha pköchin kenkïtunö Tororöt pö man. Kïmicha orito Tororöt pö man, akemi tïkwïl orito Werïnyi Yeso Kristo. Nyete nyu kï Tororöt pö man, akï nyete nyo le söpon pö kokay.

NGONGUT 7:16

Amökwomöcha kömöy chane ngat anta maral, amökïpelöcha chane asis ngat anta kilayat anka tïkwïl.

NGONGUT 7:17

Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”