6 Nyo kiyï chi kï chi kïkany nyo kiyï Mïkulögh kï mïkulögh.
Otini kitïng Adam könyis 130, kïsïch monïng nyo le weri nyo kikarkegh nko nyinte, kïkurö Set.
Kïtopön Tororöt ngwïny akïsïwa lö kinyara tya, ompöwölo kirïp chi anka tïkwïl arenyi nyo gha.
Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.
Ngo nyo muköy kwigh kïgh nyo tïlil kungwïna nyo le sïmnyon? Möminye chi nyo muköy.
Lïku nyu chi lö ne, chi pö man ompö tawu Tororöt? Akïtïlilitu lö ne, ptangengmöt nyo kïyï korka?
Konante mïkulögh nyo karam, we Tororöt, aitö orinyan mïkulögh nyo sis.
Malïkwïnye chane monïngo Tororöt ompö owesyo ptangengmöt, anta ompö machata por anta ompö chomnyo chi, wölo ompö owesyo Tororöt.
Metangany, ompöwölo komwowunyi lö, mötïnye keyï chi kïnyïl odeny!
Ompöwölo onkïtön lö, kïrïp kegh nko otöptönyan nyo pö ptangengmöt möminye kïgh nyo karam nyo mi orinyan. Ompöwölo kïrkegh kömi machate orinyan nyo karam, kïmomukanye oghey.
Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.
Ompöwölo atanya kikïmöngisyecha kïrïp kegh nko asïltönyo nyo pö ptangengmöt, kingetngetöy kirurut pïrchin pö ngokï nyo kimi porwöyicha ntökïyi akwa meghat.
Ompöwölo ato omöngisyekwa kïrïp kegh nko mökutko porwöyikwa, omeghyonekwa, wölo ato arïpakwa cho Mïkulögh otïghekwa ighisyewutkökwo cho ghach asöpchö.
Wölo chi nyo kelinyö kegh nko Echotyon kïlïku mïkulögh akonga nko nyinte.
Kïlenyona nyu ato tuyö kegh chi anka tïkwïl nko Kristo kïkalïkwï nyinte ighan nyo rel, kikuwer ngala köny, ketï otöp nyo rel.
Kikïwudochï chane cho kikïpöyit Kristo Yeso kimurtöwon otöptöngwa nyo pö por nko pïrchintinechi cho ghach.
Kikïlatecha tïkwïl choni, kikïrïpecha möchutko porwöyicho akegh kïgh anka tïkwïl nyo kimököy porwöyicho nko kinonutköcho. Kikïchicha monïngo nörekyo Tororöt le pikö walaka.
Atanya kyolinyekwa nko Kristo alïkukwa pich cho kikemut amelö mutata por nyo kïpöghisyegho rotwö, wölo nyo mutöy nyinte otini kamutïta otöptonkwa nyo pö ngokï, anyorï kityakat.
Meletönye tagh kwigh ngokï chi anka tïkwïl nyo kalïkwï mompö Tororöt, ompöwölo mi orinyi asïl pö Tororöt. Akwompöwölo Kwanta Tororöt, kïmelö letöy tagh kwighöy ngokï.
