YOANA 2:4 - PIPÏLIA

⁴ Kuyokyï Yeso lö, “Orkonï, momökanye netaninyi kïgh nyo oghan, tomönye kwitïta sayenyan.”

YOANA 2:4 ပူးပေါင်းရင်းမြစ်များ

2 SAMWEL 16:10

Wölo kïlenchï pöytoghintö Apisyay nko werïngwa Yoap, “Melö lata nyona werpö Seruya, töptoy chïpisïyi nyinte ompöwölo kömwochï ECHOTYON lö, ‘Chïpö Daudi.’ Ngo nyu nyo mwoghöy lö, ‘Ompö ne takwigh nyinte le nyï?’ ”

2 SAMWEL 19:22

Wölo kïlö Daudi, “Melö lata nyona werpö Seruya, ompö ne tomökekwa olïkune pungköchan asete? Möminye chi nyo kïpöröy asete ompö Israel, ompöwölo ochan pöytoghinto koro Israel kïmïkul asete.”

1 PÖYTOGHÏ 17:18

Kïlenchï kokonay Eliya, “Ompö ne teghwaninyi le nyï akwanyï ichinyi chi pö Tororöt? Kichö ingwïnanyi wölï so atenonchinö Tororöt ngokichan nka nyï kötïgh werïnyan?”

OMTOGHIN 3:1

Igho kïgh anka tïkwïl ompö ngwïny kïrïp kegh nko tötut pö Tororöt,

MATAYO 15:28

Kuyokyï Yeso lö, “Kamanï, itïngetenyi kighanat nyo wow! Nya kwigha lenyini imökenyi.” Kïsöp cheptanyi lenyini.

MATAYO 8:29

Kïnyini kuteghyö tya lö, “Kïtïngecha kegh ne nko nyi nya, Wero Tororöt? Kengwïnanyi so inyarilecha kong kïtomö kwitïta asistanyi?”

LUKA 2:49

Kuyokyï chane lö, “Komörchinanïkwa ne? Kömonkïtökwanye so lö kömökyinanïn omitö koto Paponyu?”

YOANA 12:23

Kuyokyï Yeso chane lö, “Kakwitïta ye nyu asis nyo kitöni Wero Chi ororyö.

YOANA 13:1

Otini kitomönye kwitïta asis nyo wow nyo pö Ichon pö Pasaka* akinkït Yeso lö kikwitïta sayenyi nyo ngeto nyinte ngwïnyinete atökïwö wölini mi Kwanta. Kökicham nyinte osis lapay pich cho le chechi cho mi ngwïnyinete, kicham chane nyoman ntökwit söröm.

YOANA 2:3

Kïkany kuwonyö dipay,* kïlenchï yoto Yeso nyinte, “Kikuwonyeghö dipay chane.”

YOANA 20:13

Kïtep malaykenichoni nyinte lö, “Ilochonyi ne nya we yo?” Kuyokyï lö, “Kösït pich Echotyontenyan, amonkïtönye wölini ketö chane!”

YOANA 20:15

Kïtep Yeso lö, “Ilokonyi ne? Ngo nyini imörenyi?” Kunonchï kegh Marya lö töptoy ki ripinto paranoni, kïlenchï, “Ato nyi nyo kesït nyinte, we echotyon, iporwante wölini ketönönyi nyinte, towan osït.”

YOANA 7:30

Kïyar nyu chane or nyo nömöy nyinte, wölo kimöminye chi nyo kyonkoytö ewunyi lö onömöy nyinte, ompöwölo kitomönye kwitïta sayenyi.

YOANA 7:6

Kuyokyï Yeso chane lö, “Tomönye kwitïta asistanyan. Tomönye kwitïta asistanyan nyo mïchini, wölo mïchinokwa osiswekwo kïtenö osis.

YOANA 7:8

Apekwa cho le akwa wölini kyomisyegho. Mowetanye wölini mi omisyononi, ompöwölo tomönye kwitïta sayenyan nyo mïchinote.”

YOANA 8:20

Kimwa Yeso ngalechoni ompö kö nyo kïrorchini ropïyen cho kikonu pich ompö Kö pö Tororöt* otini kimi kunetisïyi akimöminye chi nyo kinam nyinte, ompöwölo kitomönye kwitïta sayenyi.

2 KORINTO 5:16

Melö tökepimecha ye nyu chi anka tïkwïl ompö ara par, kïrkegh kimi ato kikipimacha Kristo ompö ara por, wölo melö tökeghecha ye nyu ngat lenyoni.

KINONO KIRURUT 33:9

Melö ki konyït yiyikwa amelö kiyang werkökwa, kisas monekwa, ompöwölo kirïp chane kirurutköku, akïlïkwï cho ghönote ompö mumengu.