21 Wölo kingölono Yeso Kö pö Tororöt, nyoni kï portanyi.
Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.
Otini kitutunö nyinte ngwen kunan nyu kinetankachi lö kökikïngalana nyinte ngalechoni, kughan nyu chane Kikirut akughan ngalechanye kökikïmwochï Yeso chane.
Monkïtökwanye so lö ochikwa Kö pö Tororöt* akïmöngöy Mïkulöwu Tororöt orinkwa?
Monkïtökwanye so lö porwöyikwa kï kö pö Mïkulögh nyo Tïlil nyo mitonekwa, akï Tororöt nyo kikonokwa? Melö opoyekwa nyu kegh.
Tïngeto tïlyantan ne Kö pö Tororöt* nko körkeyïntino putintön? Ompöwölo kïchicha Kö pö Tororöt nyo satate. Kïle wölo mwoytoy nyinte Tororöt lö, “Oghan möngenyu orito pikachu, atöponan nko chane. Olïkunan Tororötïngwa, kïlïkwï chane piköchan.”
Ompöwölo kicham Tororöt kïrumunö otöptanyi kïmïkul orito Werïnyi,
Ompöwölo mi asïl pö Tororöt kïmïkul orito por pö Kristo ompö otöptanyi nyo pö ptangengmöt
Pöghisïyi nyinte le Tïsin nyo Wow ompö Wölo Tïlil Tya,* nyoni kï orito emanoni pö man, kitek Echotyon amelö ptangengmöt.
