YOANA 18:1 - PIPÏLIA

¹ Otini kiwany Yeso kïmwa ngalechoni, kïnget nko kinetankachi akïwö kwoghyö champilwa Kidron. Kimi par atoni, kïlït nyinte nko kinetankachi paranoni.

YOANA 18:1 ပူးပေါင်းရင်းမြစ်များ

TOWUNÖT 2:15

Atolapay kutö ECHOTYON Tororöt chichay paranay pö Eden tökïyap akïrip.

TOWUNÖT 3:23

Kïlenyona, kutulö ECHOTYON Tororöt chichay paranay pö Eden, tökïngor nyïngwïtyan wölini kikigha nyinte.

2 SAMWEL 15:23

Kirir chi anka tïkwïl otini kimi Daudi kïwetöy nko pikachi. Kwoghyö pöytoghintö champilwa Kidron, kïrïp pikachi nyinte löwïr kïpa kutang surkwen.

1 PÖYTOGHÏ 15:13

Akï yona paytagh kokötanyi Maaka, ompöwölo kigh körkeyïn pö arasï nyo pö Asyera* tororöt nyo le korka. Kunyar Asa körkeyïnoni akïpel lömïs ompö mpöghoghyo Kidron.

1 PÖYTOGHÏ 2:37

Ompöwölo asisoni kengetenyi atoni aioghyö champilwa Kidron imeghenyi nyo mötïny, akï nyinte kegh nyo kigheghchini.”

2 PÖYTOGHÏ 23:12

Atolapay kïngany pöytoghintö Yosia ato kïpelo amörostin cho kitek pöytoghi Yuda pörko kö pö pöytoghin Aas akïngany ato kïpelo amöros cho kitek pöytoghintö Manase ompö woptin odeny ompö Kö pö Tororöt. Kirultö nyinte ato kïpelo amöros akïtörotör akïwirchï mpöghoghyo Kidron.

2 PÖYTOGHÏ 23:4

Atolapay kïmwochï Yosia Ilkia Tïsin nyo Wow* nko tïsï walaka cho mïnkech nko pich cho kiripöy kuka Kö pö Tororöt, kuritunö karïn Kö pö Tororöt cho kikighchï Paal* nko Asyera* nko töpogh akïpel tïkuchoni löwïr ompö sanypa kanasyan atolekïtö mpöghoghyo Kidron akïghamït areni akwip kutang Petel.

2 PÖYTOGHÏ 23:6

Akïsïtunö Asyera Kö pö Tororöt ompö Yerusalem ntökwit mpöghoghyo Kidron akïpela wölini akïghamït areni akïlösyï wölo kïtïpchini pich kïtïkon.

2 OTÖPTINO OSIS 15:16

Kiyon pöytoghintö Asa kame Maaka ompö ngacharu paytagh ompöwölo kikikwigh körkeyïntino Asyera.* Kirultö Asa körkeyïnoni pö Asyera akïtïghotïgh akïpel ompö mpöghoghyo Kidron.

2 OTÖPTINO OSIS 29:16

Kïlït tïsï ori Kö pö Tororöt kïpa kïtïs, akuritï sany tïkwïn löwïr cho kile sïmnyon cho kinyorchï Kö pö Tororöt, kurityï sanypa Kö pö Tororöt wölo kikiwach. Atolapay kïpka pipö Lawi kuwikö atoni kïlït kiror akïpa kïwirchï mpöghoghyo Kidron.

2 OTÖPTINO OSIS 30:14

Kutor ighisyengwa kïngany ato kïpelo amöros ompö Yerusalem akïngany ato kïpelo amöros löwïr cho pö tïkwïn cho ngutoy cho onyïn, akurit kïpa kïwirchï mpöghoghyo Kidron.

NEEMIA 2:15

Owan atoch oghonini, awer mpöghogh aros nayatunay. Atolapay amïlan ngat alïtön Kuka Mpöghogh arotan nyu.

YEREMIA 31:40

Okonyïtökwa lö tïlil ompö tawunyan wölnö le mpöghoghyo mötöwöyi pich nko wölnö kïwirchini samï nko lalwa Kidron ntökwit Kuka Angoletin nyo mi okumpö kong asis otinö katankula teksyö. Mökïminye nyu kïgh nyo ngwïnöy ngat kunyoröy anta ngany kanasyantanï kokay.”

LAWIN 2:6

Imïnchïronenyi aimïlchï mwagh. Nyoni kï ropöwonto pagh nyoni.

MATAYO 26:30

Atolapay kïtum chane tum akïpa kutang kutïng pö Arol.

MATAYO 26:36

Atolapay kïwö Yeso nko kinetankachi kutang ato kïkuro Ketsemane akïlenchï, “Ompure yi owan otinö asagh.”

MARKO 14:26

Akwotini kïtum kumuchö, kïpa kutang kutïng pö Arol.

MARKO 14:32

Kïpa ntökwitï par nyo Ketsemane, kïlenchï Yeso kinetankachi, “Ompurö yi otï tosoghan.”

MARKO 14:42

Ongetyenö kepe, kikwitï chichay wïchtonanïn.”

YOANA 14:31

wölo mïchini kunkïtï ngwïnya lö ochöman Paponyu, nka nyete oghan kïgh anka tïkwïl kïrïp kegh nko wölo kömwowanïn nyinte. “Angeta kepeghena yeteyi.

YOANA 18:26

Kungwïn mötworintö Tïsin Wow akong nyo pö nyo kitïngö kïgh chichanya kisil Petro yit akïlö, “Nyanye kyosöchinyi par mitenö nko nyinte?”

IGHISYEWUT 21:11

Nyini kitï wölini kikïmïtecha, kïcheng angwa Paulö nyo kiröto mu, kïrata kelyechi nko morichi akïlö, “Mwoghöy Mïkulögh nyo Tïlil lö, ‘Rötöy pipö Yaudi chichï pö angwanï pö mu le nyete ompö Yerusalem, akwonkoghchï pipö punton.’ ”