YOANA 17:24 - PIPÏLIA

²⁴ “Paponyu! Omökan chane choni kekonanïn kïmi nko ani atoni omitan, atökumï chane kïsïwa töroryenyan nyanye kikonaninyi, ompöwölo kichömaninyi kïtomö kegh ngwïny.

YOANA 17:24 ပူးပေါင်းရင်းမြစ်များ

TOWUNÖT 45:13

Amwochï paponyan wölo tenö ororyö nyo otïngetan ompö Misri nko tïkuchini tïkwïl kasïwekwa. Ape nyu lawel amïtuna papo kungwïn wöl.”

MATAYO 25:21

Kïlö echotyontenyi, ‘Karam, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ghyongchinö tïkwïn cho chang. Nyonö kengörekyenö tïkwïl.’

MATAYO 25:23

Kïlenchï, echotyontenyi, ‘Karam nyoman, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ye ghyongchinö tïkwïn cho chang. Nyonö atökengörekyenö tïkwïl.’

MATAYO 25:34

Atolapay kïlenchï pöytoghintö pïchinö mi ewunyi pö tagh, ‘Apkana nyu cho kikusoyönok Paponyan! Apkana atacha pöyunöt nyo kikekïlwekwa kïngeta otini le towunöto ngwïny.

MATAYO 26:29

Omwowokwa lö mogheghanye ngat nko akwa dipay* pö sapipun ntökïtenö asisini ogheghan nko akwa dipay cho relach ompö Pöyunöto Paponyan.”

LUKA 12:37

Ngörechot mötworichoni otini ketï echotyontengwa, kupenï chïkonchot. Nyo pö nyoman ngetöy, echotyon nyo lata nyoni akulach sïrochay pö akuporchï chane wölo kumpuröy atolapay kïpagh chane.

LUKA 23:43

Kïlenchï Yeso, “Omwowunyi nyoman lö, ingwïnenyi nko ani asisete paradiso.”

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 12:26

Akwanka tïkwïl nyo pöghisyewanïn, kïmötïnye kïrïpanïn, atökumï mötworintenyan kïmi nko ani ompö wop anka tïkwïl wölo omitan. Ato pöghisyewanïn chi kutöni Paponyan nyinte konyït.

YOANA 14:3

Ato owan aghwakwa wölo omöngöy, amïlan nyu ngat atamïtakwa wölini omitan atamukakwa nyu omitenö wöloni omitan.

YOANA 15:9

Kachamakwa kïle wölo chömtonanïn Paponyu, otïpinö chomnyenyan ori.

YOANA 17:2

Ompöwölo kitönönyi nyinte kïpayta pich löwïr, atökumï nyinte kutö söpon pö kokay pich lapay cho ketönönyi nyinte.

YOANA 17:22

Kyotönön chane ororyö nyo karkegh nko nyanye kikonaninyi atökumï chane kïlïkwï kïgh akonga, le wölini ichinyi akonga nko ani,

YOANA 17:5

Paponyu! Konante ororyö ompö tawungu ye, ororyö nyo karkegh nko nyanya kyotïngetan nko nyi kïtomö ketowï ngwïny.

YOANA 6:37

Chi anka tïkwïl nyo konanïn Paponyan, kungwïnöy wölo omitan, amoyonchinanye sany chi anka tïkwïl nyo ngwïnchinanïn.

YOANA 6:39

Nyinte nyini kiyokwanïn nyo mököy lö tömopïstan ompö nyo le akonga ompö pïchoni kakïkonanïn nyinte, wölo taghan chane kututu lapay asispa söröm.

YOANA 8:58

Kuyokyï Yeso chane lö, “Omwowokwa nyoman lö, kïtomö keyï Apraam, ‘Omitan.’ ”

1 KORINTO 13:12

Kïgh nyo kïsïwïyecha ye kï kïton nyo mörumunye lasiny ompö kiyö, wölo kisïwïyecha kegh asoni lö. Onkïtön cho ngörï ye pat, wölo onkïtunan asoni lasiny, le wölo nkïtïtanïn Tororöt.

2 KORINTO 3:18

Kïlenyona nyu, kiportocha löwïr cho tomöcha keyenö tokochwecho ororyo Echotyon le ato kïsïwïyegho kiyo, wöghökecha nyu ororyononi ngwïno wölo mi Echotyon (Nyoni kï Mïkulögh) kekara kegh nko nyinte lasiny, ompö ororyö nyo wow tya.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

2 KORINTO 5:8

Kïchicha nyökon akepïrchinecha lö tökïwuwö möngonete akepa ketïpï nko Echotyon.

PILIPI 1:23

Köpiryechanïn ye ngala odeny, opörchinan tya owö otöpö nko Kristo, ompöwölo karam nyoni kïsir tïkwïn löwïr,

1 TESALONIKE 4:17

Atolapay ketuyecha cho kïchï sötote atoni nko chane ompö poltoy atöketarocha Echotyon ompö mïröt atöketïpinö nyu kokay nko Echotyon.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.

1 YOANA 3:2

Chamankachu, kïchicha ye monïngo Tororöt, wölo tömönye kengongwï lasiny lö kïnenöchitucha. Wölo kinkïtöcha lö ato kïngongwï Kristo,* kekörecha kegh nko nyinte, ompöwölo kïsïwïyecha nyinte le wölo lata.

NGONGUT 21:22

Kimosöchanye Kö pö Tororöt kanasyantanoni ompöwölo nyinte Echotyon Tororöt Kimuktoghin nko Wawa Kech nyo le Kö pö Tororöt ompö kanasyantanoni.

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.