9 Lelate chane ompö ngala ngokï, ompöwölo meghananïcha,
Chichona ghönöy akepatisan kesöru akï nyo meghönönye kerwokyini.
Kïkany otini ketï, kukïniniechï nyinte pipö ngwïny lö lelate chane ompö ngala ngokï nko ompö ngala man nko ompö kirwoko Tororöt.
Kyomitan ante osöpöy ato le tagh kipuryö kirurut, wölo otini kitï kirurut, kututï ngokï, ameghan.
kïrkegh ato le tagh kyochïpön nyinte achop kong amwagh. Wölo kisyonchanïn Tororöt ompöwölo kitomönye osïkön kighanat, nyo kimonkïtönye kïgh nyo kyoghöy.
Orip kegh tupchenichu, tömötöp ntökïrumunö chi kwenunkwa nyo tïng mïkulögh nyo gha nyo puryö kighanat nyo ighöy nyinte ntökïpïstö Tororöt nyo söpöy.
