YOANA 16:13 - PIPÏLIA

¹³ Wölo otini ketï Mïkulöwunoni pö man, kuntöghowokwa wölo mi man kïmïkul, ompöwölo möngölononye ngalechi kegh, wölo mwowokwa ngal löwïr cho lïmöy nyinte akïngongwokwa ngal cho tökïpkonöy.

YOANA 16:13 ပူးပေါင်းရင်းမြစ်များ

ISAYA 11:2

Töpo mïkulöwu ECHOTYON parakunyi mïkulögh nyo pö ngöghomnyö nko nyo pö sïkunöt mïkulögh nyo pö kirwokin nko owesyö. Mïkulögh nyo pö kinkïtöt nko nyo wöghöy ECHOTYON,

YOEL 2:28

“Kïkany ompö osis cho pkonöy, omïlchinan mïkulöwanyan pich löwïr ngorsïyi werkökwa nko tipikwa rwotïtoy poyikwa kirwotïtogh kïngonchini chumwakökwa ngongut.

YOANA 12:49

Ompöwölo mongölonanye ante onkït, wölo kimwowanïn Paponyu nyo kiyokwanïn angalana ngal cho mïchini amwaghan.

YOANA 14:17

Nyinte kï Mïkulöwu man akïmemukönye ngwïnya kïtoköy ompöwölo mösïwïyinye nyinte anta nkïtï. Wölo onkïtökwa nyinte, ompöwölo mi nyinte nko akwa akïmi orinkwa.

YOANA 14:26

wölo ato itï Kingörokintö, nyinte kï Mïkulögh nyo Tïlil nyo yonu Paponyan ompö kaynenyan, kunetakwa kïgh anka tïkwïl akunonwokwa ngalechoni löwïr kökomwowokwa.

YOANA 14:6

Kïlenchï Yeso, “Ochan ore nko man nko söpon, möminye chi nyo wetöy wölo mi Papo kïpoto ato werwanïn.

YOANA 15:26

“Wölo ato itï Kingörokintononi oyonwokwa kungwïna wölo mi Paponyan, nyinte kï Mïkulöwu man akïsöwintönchinanïn nyinte.

YOANA 16:12

“Otïngetan ngal cho chang cho kötötomwowokwa, wölo nïkisöchitu tya ompö akwa.

YOANA 3:32

Söwintönchini nyinte kïgh nyo kakïsïwa akïlïm, wölo möminye chi nyo toköy söwintönenyi.

YOANA 8:38

Omwoghan ngal cho kiporwanïn Paponyu, wölo oghekwa ngal cho kyalïmekwa papongwo.”

IGHISYEWUT 11:28

Kughyö akong ompö chane nyo kikuro Akapus ompö owesyo Mïkulögh nyo Tïlil akïngor lö itu kömöy nyo wow ngwïny kïmïkul. (Kipïnö ngalechoni ato kipöytoghin, Klaudio.)

IGHISYEWUT 20:23

Kïpoto onkït nyo porwanïn Mïkulögh nyo Tïlil lö könyanïn rata nko kömpölelyö ompö kanasyan anka tïkwïl.

IGHISYEWUT 27:24

akïlenchanïn, ‘Mewöghisyö Paulö! Ighyongonenyi tawu Kaisari akikïkoninyi Tororöt ompö kisyonötenyi söponwo pïchï löwïr rutoy nko nyi.’

2 TESALONIKE 2:12

atökurwokyï asïyech Tororöt pich löwïr cho kimeghancha ngala man, ompöwölo kingörekyï chane ngokï.

2 TESALONIKE 2:3

Makany kïlïsak chi anka tïkwïl ompö or anka tïkwïl. Ompöwölo metunye Asisoni ntökïtenö kïnya kwitï Penyata nyo wow akengongwï Mwokïyontonay kikengotyï ngwen.

EPRANIA 1:1

Kingalan Tororöt könyisyok kïnyïl cho chang nko papotïnecha kuwerï ortïn cho chang akïngalan kuwerï werkoy,

1 YOANA 2:20

Wölo kikuyilekwa Nyinte nyo Tïlil, kïlenyona kyonkïtukwa löwïr man.

1 YOANA 2:27

Wölo mi nko akwa Mïkulögh nyo Tïlil nyo kikïmïlwokwa Kristo. Akwato töpö Mïkulögh nyo Tïlil orinkwa kïmelö totïngetenökwa machat nyo pö konetin anka. Ompöwölo netokwa Mïkulöwunoni tïkwïn lapay, akï kïgh anka tïkwïl nyo netöy nyinte kïpö man, melö putintön. Arïpa nyu kinetut pö Mïkulögh nyo Tïlil atïpï orito Kristo.

1 YOANA 4:6

Wölo kïpocha Tororöt. Akwanka tïkwïl nyo nkït Tororöt kïterwecha, kïkany anka tïkwïl nyo möpönye Tororöt kïmelö terwecha. Nka nyoni or nyo kimukecha kenkïtunone sisïn nyo mi kwenu Mïkulögh nyo pö man nko nyo pö putintön.

1 YOANA 5:6

Nyinte Yeso Kristo nyo kingwïn ompö pögh cho pö kipatisanatenyi nko kisön cho pö meghenyi. Melö kingwïn ompö pögh onkït, wölo ompö pögh nko kisön. Akïsöwintön Mïkulögh lö lenye nyoni, ompöwölo pö man Mïkulögh.

NGONGUT 1:1

Achï ngal cho kingongï Yeso Kristo,* cho kitö Tororöt nyinte tökuporchï mötworichi ngal cho ighisyot ato lekït nyo mötïny. Kiyonï Kristo malaykayantenyi atökuporchï mötworintenyi Yoana ngalechoni,

NGONGUT 1:19

Kira nyu tïkwïn cho isïwïyenyi, tïkuchï mi ye nko cho tökïpkonöy ato le löt.