YOANA 16:11 - PIPÏLIA

¹¹ kïkany ompö kirwok, kï ompöwölo kikerwokyï pöytoghinto ngwïnyinï.

YOANA 16:11 ပူးပေါင်းရင်းမြစ်များ

TOWUNÖT 3:15

Otöninan punyontön kwenungu nko kokonï nko kwenuto yiyengu nko yiyenyi. Tïghöy nyinte mötïngu lö körpïs isïrenyi nyinte kowo monion.”

TUMWÖY 68:18

Pusöy nyinte kutïng akumïtöy pich cho chang cho kikïnama lïkos akutöni penyï nyinte ropöw. Möngöy ECHOTYON wöloni.

MATAYO 12:18

“Anyï mötworintenyan nyo kakïlan, nyo le chamanenyan nyo ochömonan kegh nyoman, otöninan Mïkulöwunyu parakunyi atökïmwochï nyinte pipö punton kirwokötenyan.

MATAYO 12:36

“Omwowokwa nyu lö, mwowu pich asispa kirwok ngölyon anka tïkwïl nyo kingalan chane amelö kinonchï.

LUKA 10:18

Kïlenchï Yeso chane, “Kyasïwan Onyöt kichïnï lö chwat le kiryal nyay soröy ngwïny.

YOANA 12:31

Ketïta ye nyu kirwoko ngwïnyinï, kïwirchini ye nyu sany wowïnto ngwïnyinete.

YOANA 14:30

Melö tongölonan nko akwa ngat nyo kogh, ompöwölo mi pöytoghinto ngwïnyinï kungwïnöy, akïmötïngnye nyinte owesyö ompö ani,

YOANA 16:12

“Otïngetan ngal cho chang cho kötötomwowokwa, wölo nïkisöchitu tya ompö akwa.

IGHISYEWUT 10:42

Kimwowecha nyinte keneta pich akesöwintönchï lö, nyinte nyo kitö Tororöt kurwokï pich cho söpsot nko cho kimeghö.

IGHISYEWUT 24:25

Wölo otini kimi Paulö kuletöy tagh kïngölono ngala rangata kegh nko kingwïnata asispa Echotyon ato itu kurwokini pöghisyewut pö pich, kuwöghisyö Peliki kïlö, wïyö nyi nyu. Okurinyi ngat ato osïkön pöroyin.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

RUMI 16:20

Nyoknyoköy atolekït Tororöt, nyo le towunöteto kalya, Onyöt akutö ngwïnyi kelyekwa. Nya kïtöpö pöropcho Echotyontenyo Yeso nko akwa.

RUMI 2:16

Kïlenyona nyu, kïrïp kegh nko Lökoy cho Karamach omtonan lenye nyoni wölo lïku Asisoni rwokyini Tororöt, ompö Yeso Kristo,* pich ompö otöptinekwa cho wïngote.

1 KORINTO 4:5

Kïlenyona, morwokyï chi anka tïkwïl kïtomö kwitïta asistanyi, opïstenö tökïtenö kungwïn Echotyon, nyinte nyo pköngöy tïkwïn cho kikïwïnchï wölo tuw akuporï möchut pö mïkulis pö pich, atökïnyorunö nyu Tororöt chi anka tïkwïl salat nyo mïchini.

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

EPESO 2:2

cho kyaghakwa atakinya kyorïpekwa otöp pö ngwïnyinï nyo gha, aterchini pöytoghinto oy nyo mi wölnö le mïröt, mïkulögh nyo le sïmnyon, nyo pöyu pich cho töghöy Tororöt.

KOLOSAY 2:15

Akwompö kimurtöwontononi, kirïnta Kristo owesyo pöytoghi mïkulis nko wowïn anka tïkwïl akutö chane arasï ompö tawu pich otini kisara kariko lïk akuretö chane le ratan ompö rïntaghtanyi.

EPRANIA 2:14

Akwompöwölo tïng pïchoni kikur lö, monïng, por nko kisön, kïkarkegh nyu Yeso nyinte nko chane kipar otöptöngwa nyo pö ptangengmöt. Kigh lenyoni atökumï ompö areto meghenyi kunyar Onyöt nyo kitïng owesyö ompö paraku meghat,

EPRANIA 6:2

cho pö kinetut pö kipatisanat nko cho pö kikanaghata morïn, nyo pö kitutunöto pich cho kimeghö nko nyo pö kirwok nyo pö kokay.

EPRANIA 9:27

Kïle otino meghöy chi kïnyïl akonga akwoto lapay kïlïkwï kirwoko Tororöt.

2 PETRO 3:7

Wölo kïmi keripöy yïmöy nko ngwïny cho pö osiswechete ompö ngölyonto Tororöt atökewura chane ma. Kïrïpöy lenyoni ntökïtenö kwitï Asis ato kirwokyini akewur pich cho melö wöghöy Tororöt.

1 YOANA 3:8

Kïkany anka tïkwïl nyo ighöy ngokï, kïpö Onyöt, ompöwölo kigh Onyötö ngokï kïngeta otini le towunöt. Kingwïn Wero Tororöt ngwïnyinete atökunyar pöghisyewut pö Onyöt.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.