YOANA 14:6 - PIPÏLIA

⁶ Kïlenchï Yeso, “Ochan ore nko man nko söpon, möminye chi nyo wetöy wölo mi Papo kïpoto ato werwanïn.

YOANA 14:6 ပူးပေါင်းရင်းမြစ်များ

MATAYO 11:27

“Kikïkonanïn Paponyu tïkwïn löwïr. Möminye chi nyo nkït Weri kïpoto Kwanta akï möminye chi nyo nkït Paponyan kïpoto Weri nko anka tïkwïl nyo mököy Weri kïngonchini nyinte.

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 1:17

Kikonï Tororöt kirurut kuwerï Musa, wölo kikonï pöropchö nko man kuwerï Yeso Kristo.*

YOANA 1:4

Kimi söpon nyinte aki löpoyïn pö pich söpononi.

YOANA 10:28

Otönan chane söpon pö kokay amelö meghsot chane kokay akï möminye chi nyo sörenanïn chane.

YOANA 10:7

Kïlenyona kïmwochï Yeso chane ngat lö, “Omwowokwa nyoman lö ochan kuka kechir.

YOANA 10:9

Ochan kukat. Ato lït chi anka tïkwïl kuweranïn kesöru, lïtöy nyinte kö akïwetöy sany akïnyoru aketagh.

YOANA 14:19

Melö tökïsïwïyanïn ngwïnyinï ngat ato lekït, wölo osïwïyanïkwa, akwompöwölo ochan satate, osöpchokwa tïkwïl.

YOANA 15:1

“Ochan ket pö sapipu nyo pö man akï ngorinte Paponyan.

YOANA 18:37

Kïlenchï nyu Pilato, “Nyo ichinyi ye nyu pöytoghin so?” Kuyokyï Yeso lö, “Kemwaghanyi nyinte lö ochan pöytoghin. Kikïyiyanïn, angwïnan ngwïnyinete ompö makatanoni le akonga, atamuk ngalana man. Chi anka tïkwïl nyo pö man, kïteröy ngalechan.”

YOANA 5:21

Kïle wölini ighöy Paponyan cho kimeghö kututu akutö söpon, kïlenyoni tïkwïl, töni Werïnyi söpon pich cho chömöy nyinte.

YOANA 6:33

Ompöwölo makatyan nyo konu Tororöt kï nyinte nyini körökunö yïm atökutö ngwïny söpon.”

YOANA 6:51

Ochan makatyan nyo satate nyo kirökunö yïm. Ato töp chi anka tïkwïl ntökwam makatyantanoni, kïsöpöy kokay. Akï makatyan nyo otöninan nyinte kï portönyan nyo okonunan atökïsöpö ngwïnya.”

YOANA 6:57

Kiyokwanïn Paponyu nyo satate, achan satate ompö nyinte. Kïlenyoni tïkwïl, anka nyo omanïn, kïsöpöy ompö ani.

YOANA 6:68

Kuyokyï Simon Petro lö, “Kïpetecha wölo mi ngo nya Echotyon? Nyini itïngetenyi ngal cho konu söpon pö kokay.

YOANA 8:32

ankïtukwa nyu ngala man, atökwighakwa ngalechoni pö man atalïkuna pich cho tyokote.”

YOANA 8:51

Omwowokwa ngala man lö melö meghöy kokay chi anka tïkwïl nyo terwanïn ngölyontenyu.”

IGHISYEWUT 3:15

Aparakwa kitorinto söpon, wölo kigh Tororöt nyinte kututï akechicha söwi.

IGHISYEWUT 4:12

Amöminye sörunötö nyo kïnyoruno chitö anka, ompöwölo, möminye kaynat anka ngwïny nyo kikitö pich tökïsörwecha.”

IGHISYEWUT 9:2

akïtep nyinte palaltin cho kipöy kïpa kori sowut ompö Damaska, tototöp ntökïnyorï chi anka tïkwïl nyo rïpöy Aranoni pö Echotyon ompö wölini, kumï kïnam chane akïrat, kö kor anta mïrön, akumïtï kïpka Yerusalem.

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

RUMI 5:2

Keghecha Kristo kenkïtunö lö nen pöropcho Tororöt ompöwölo kighönecha nyinte. Nka nyete nyu kïngörokyinecha kikönötencha nyo kïghömöy nyo pö ororyo Tororöt.

RUMI 5:21

Kïlenyona nyu, kïle wölini kipayta ngokï ompö ara meghat, kïpöytoy tïkwïl pöropcho Tororöt ompö ara man atökuntöghoghwecha pöropchononi kelïtö wölo mi söpon pö kokay ompö Yeso Kristo Echotyontenyo.

1 KORINTO 15:45

Ompöwölo lentöy Kikirut, “Kilïkwï Adam nyo pö tagh chi nyo söpote,” wölo kïlïkwï Adamto söröm Mïkulögh nyo töni pich söpon.

EPESO 2:18

Kimukecha ye nyu ompö ara Kristo kepete tawu Tororöt kuwerï Mïkulöwunoni le akonga, kïrkegh kechicha pipö Yaudi anta pipö punton.

KOLOSAY 2:17

Tontögh pat ngala cho lata choni nyo pö ngal cho tökïpkonöy, wölo ompö choni löwïr Kristo onkït nyo le man.

KOLOSAY 2:9

Ompöwölo mi asïl pö Tororöt kïmïkul orito por pö Kristo ompö otöptanyi nyo pö ptangengmöt

KOLOSAY 3:4

Akwotini kechumï Kristo nyini le söpontönkwa nyo pö nyoman ochumunekwa tïkwïl nko nyinte ompö ororyö.

EPRANIA 7:25

Kïlenyona, muköy nyinte kïsöru pich kokay cho petöy wölo mi Tororöt kuweröy nyinte ompöwölo söpöy nyinte kokay akïsoghchini chane.

EPRANIA 9:8

Netöy Mïkulögh nyo Tïlil lasiny kïngetunö tötutchoni löwïr lö kitomönye keyat or nyo lïtöy Wölo Tïlil Tya* otini kitökughyongöy emanay pö sany.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.

1 PETRO 2:4

Opkonchinö Echotyon, kogh nyinte nyo satate nyo kitagh pich, wölo kikïl Tororöt nyinte akï pö tösunöt nyo wow ompö tawunyi.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

1 YOANA 1:8

Ato kïmwaghacha lö mökïtïngetechanye ngokï, kïkakïlïsacha kegh achane, akï möminye man orincha.

1 YOANA 2:23

Ompöwölo anka tïkwïl nyo töghöy Weri, kïtöghöy Papo tïkwïl akwanka tïkwïl nyo mwogho kutinyi lö ochömöy Weri kï kikïtach Papo tïkwïl.

1 YOANA 5:20

Kinkïtöcha lö kikungwïn Wero Tororöt akïkonecha pköchin kenkïtunö Tororöt pö man. Kïmicha orito Tororöt pö man, akemi tïkwïl orito Werïnyi Yeso Kristo. Nyete nyu kï Tororöt pö man, akï nyete nyo le söpon pö kokay.

1 YOANA 5:6

Nyinte Yeso Kristo nyo kingwïn ompö pögh cho pö kipatisanatenyi nko kisön cho pö meghenyi. Melö kingwïn ompö pögh onkït, wölo ompö pögh nko kisön. Akïsöwintön Mïkulögh lö lenye nyoni, ompöwölo pö man Mïkulögh.

2 YOANA 1:9

Chi anka tïkwïl nyo mïröy sany, amörïpöy kinetut pö Kristo, kïmötïngnye Tororöt. Kïkany nyo rïpöy kinetutchoni kïtïng chane kwodeny, Papo nko Weri.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

NGONGUT 19:11

Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.

NGONGUT 22:1

Atolapay kuporwanïn malaykayantanay lalwa pögho söpon, nyo kilïwï le kiyo, nyo kirotuno ngacharu paytaghpa Tororöt nko Wawa Kech.

NGONGUT 22:17

Kölenchï Mïkulögh nko Mïrara kensyö Yeso, “Nyonö!” Akï anka tïkwïl nyo kalïm ngölyontonete, kïmwa tïkwïl lö, “Nyonö!” Anka tïkwïl nyo amate maral akömököy, kumuköy tach kungwïn akï pögho söpon, cho pö kwïle.

NGONGUT 3:14

“Kirchinö malaykayan nyo mi kanisa Laodikea ilenchï, ‘Anyï ngölyon nyo ngwïno wölo mi nyinte nyo le Amen, nyo ghanate akï söwinto man akï nyinte nyo pöytoy tïkwïn löwïr cho kigh Tororöt.

NGONGUT 3:7

“Kirchinö malaykayanta kanisa Piladelpia lö, ‘Anyï ngölyon nyo ngwïno wölo mi nyinte nyo tïlil akï pö man, akïtïng yotöwonto Daudi nyo ato kakïyat kukat, kïmöminye chi nyo köröy ato kar nyinte kukat, kïmöminye chi nyo yotöy.