4 Onkïtökwa ore nyo wetöy wölini owetan.”
Kimömïchïnye so Kristo* kuwongwï lenyoni kïtomö kïlït ororyenyi?”
Ochan kukat. Ato lït chi anka tïkwïl kuweranïn kesöru, lïtöy nyinte kö akïwetöy sany akïnyoru aketagh.
Akwanka tïkwïl nyo pöghisyewanïn, kïmötïnye kïrïpanïn, atökumï mötworintenyan kïmi nko ani ompö wop anka tïkwïl wölo omitan. Ato pöghisyewanïn chi kutöni Paponyan nyinte konyït.
Kinkït Yeso lö kikikutö Paponyi tïkwïn löwïr morichi akinkït lö kingwïna nyinte wölo mi Tororöt akïwetöy ngat wölini mi Tororöt.
Mi korïn cho chang kato Paponyan, ntökömökïlenye nyoni kötomwowokwa. Owetan ye oghwokwa wölo omöngöy.
Kyalïmakwa atanya kyomwowokwa lö, ‘Owetan, wölo tomïlonan wöloni omitekwa.’ Ato achamanïkwa, ongörechokwa ompöwölo owetan wölo mi Paponyu, ompöwölo wow nyinte kïsiranïn.
Ato owan aghwakwa wölo omöngöy, amïlan nyu ngat atamïtakwa wölini omitan atamukakwa nyu omitenö wöloni omitan.
Kïlenchï Tomas, “Echotyon, mökinkïtöchanye wölini iwetenyi. Kimukecha lö ne kenkïtune ore?”
Kyangwïnan wölo mi Paponyan angwïn ngwïny apökoktenan ye ngwïnyinete, amïla wölo mi Paponyan.”
Tïngeto söpon pö kokay, chi nyo ghönöy Wero Tororöt wölo mösïwïyinye söpon nyo möterchininye Wero Tororöt ngalechi, poto nörekyo Tororöt nyo töpo parakunyi kokay.”
Ompöwölo mököy Paponyan lö tösïch pich löwïr söpon pö kokay cho sïwïyi Wero Tororöt akughan nyinte ataghan chane kututu asispa söröm.”
