YOANA 14:10 - PIPÏLIA

¹⁰ Meghönenyinye so lö omitan orito Paponyu, orinyan? Melö omwoghan ngalechï omwowokwa löwïr ompö owesyenyan kegh, wölo Paponyan nyo mi orinyan nyo ighöy ighisyenyi.

YOANA 14:10 ပူးပေါင်းရင်းမြစ်များ

YOANA 10:30

Ochan akonga nko Paponyu.”

YOANA 10:38

Kwato choni cho oghan akï kïrkegh kömaghananïkwanye, aghan ighisyewutköchan atonkïtunö lö mi Paponyan orinyan, amitan orito Paponyu.”

YOANA 11:26

Akwanka tïkwïl nyo satate akughönanïn kïmömeghönye kokay. Ighönenyi ngalechoni nya?”

YOANA 12:49

Ompöwölo mongölonanye ante onkït, wölo kimwowanïn Paponyu nyo kiyokwanïn angalana ngal cho mïchini amwaghan.

YOANA 14:11

Aghana lö omitan orito Paponyu, kïmi Paponyan orinyan. Anta mölenye nyona, aghan chini le ighisyewutkö oghan.

YOANA 14:20

Otini ketï asisoni, onkïtukwa nyu lö omitan orito Paponyu, omitekwa orinyan, le wölini omitan orinkwa.

YOANA 14:24

Mörïpönye ngalechan chi nyo möchamanïnye. Melö nyinyan ngölyontononi kyalïmakwa, wölo pö Paponyan nyo kiyokwanïn.

YOANA 17:8

Kyomwochan chane ngalechanye kikonaninyi akakïtach chane akunkïtï nyoman lö, kyangwïnan wölo imitenyi akughan lö nyi nyo kiyokwanïn.

YOANA 3:2

Kungwïn chichoni wölo mi Yeso oghö akïlenchï, “Konetin, kinkïtöcha lö ichinyi chi nyo kiyonï Tororöt, ompöwölo möminye chi nyo muköy kwighöy kiporutchï ighenyi ato möminye Tororöt nko nyinte.”

YOANA 5:17

Kïlenchï Yeso chane, “Ighöy Paponyan pöghisyenyi kïtenö osis, apöghisïyan ante tïkwïl.”

YOANA 5:19

Kuyokyï Yeso chane lö, “Omwowokwa nyoman lö meghönye Weri kïgh onkït, poto nyo sïwïyi kwighöy Kwanta. Kïgh nyo ighöy Kwanta, kwighöy Weri tïkwïl.

YOANA 7:16

Kuyokyï Yeso chane lö, “Melö chichan kinetutchï, wölo pkono wölo mi nyo kiyokwanïn.

YOANA 8:28

Kïlenyona, kïlenchï Yeso chane, “Otini kawanyakwa apar Wero Chi, onkïtukwa nyu lö, ‘Ochan nyinte nyo Kochï,’ ankïtukwa nyu lö, moghanye kïgh nyonikïny ante wölo ongölonan ngalechini kinetanïn Paponyu.

YOANA 8:38

Omwoghan ngal cho kiporwanïn Paponyu, wölo oghekwa ngal cho kyalïmekwa papongwo.”

YOANA 8:40

Wölo omökekwa ye otïghanïn otini komwowokwa ngala man cho kyalïman Tororöt akimelö kigh Apraam lenyoni!

IGHISYEWUT 10:38

Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.

2 KORINTO 5:19

Poru nyoni lö kilinyö kegh Tororöt nko pich ompö Kristo amelö kitökuyityï Tororöt chane ngokikwa. Kökonecha kemwatïtena ngölyontononi kilinyot pich nko nyinte.

KOLOSAY 1:19

Ompöwölo kicham Tororöt kïrumunö otöptanyi kïmïkul orito Werïnyi,

KOLOSAY 2:9

Ompöwölo mi asïl pö Tororöt kïmïkul orito por pö Kristo ompö otöptanyi nyo pö ptangengmöt

1 YOANA 5:7

Kïlenyona nyu, mi söwï cho le sömök: