YOANA 13:9 - PIPÏLIA

⁹ Kuyokyï Simon Petro lö, “Echotyon, mwatante amelö kelyön opïn wölo morïn nko mötït tïkwïl!”

YOANA 13:9 ပူးပေါင်းရင်းမြစ်များ

TUMWÖY 26:6

Omwötan morichu, we ECHOTYON, motïngetanye lelut. Oriman ato kïpelo amörostöngu,

TUMWÖY 51:2

Iwunante lasiny ompö ghöyityenyan aitïlilante ompö ngokichan.

TUMWÖY 51:7

Mwata ngokichan atotïlilitwan, wunante atorelitwan löpöt!

YEREMIA 4:14

Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?

MATAYO 27:24

Otini kisïwa Pilato lö mökunyiwunye kïgh ngalechi akirich kwar kegh pich, kïcheng pögh akuwunö morichi tawu söpïchoni akïlö, “Motïngetanye lelut ompö megha chichï pö man! Opöyunö kegh akwane!”

YOANA 13:10

Kïlenchï Yeso, “Chi anka tïkwïl nyo kakuwun kegh, kïmökïmökönye kuwunöy kegh ngat, kïpoto kelyechi, ompöwölo wunote nyinte. Ochikwa tïlilöch, wölo melö akwa löwïr.”

YOANA 13:8

Kïlenchï Petro, “Mewunenyinye kelyechan kokay.” Kuyokyï Yeso nyinte lö, “Kwato mowunönye kelyeku kïmelö telïkunenyi kinetanenyan ngat.”

EPRANIA 10:22

Akanya nyu kerika wölo mi Tororöt ompö mïkulögh nyo pö man nyo tïng kighanat nyo mötïngnye tomtomönöt. Kaketïlilwecha mïkulisköcho kïngetunö sïkunöt nyo gha akemwata porwöyicha pögh cho tïlilöch.

1 PETRO 3:21

Kicheng ngalechoni körkeyïn pö kipatisanat nyo sörwokwa otï le ye ompö owesyo Kristo. Molenchï kegh kipatisanat kï kemwatïta sïmnyonto por, wölo ayomis nyo kïmwochini Tororöt ompö choghïn. Sörwokwa kipatisanata ompö kitutunöto Yeso Kristo,