YOANA 12:2 - PIPÏLIA

² Keghchï nyinte omisyo nangat ompö wöloni, kimi Marta kïpöghöy chane. Ki akonga Lasaro ompö pïchoni kyomisyegho mesa nko Yeso.

YOANA 12:2 ပူးပေါင်းရင်းမြစ်များ

TUM PÖ TUMWÖY 4:16

Ngeta, we yomo okumpö ewu löt, nyonö, we yomo okumpö ewu tagh! Kuta parenyan kïmïkul aikany kïyasta ngutoghtanyi nyo anyïn. Nya kungwïn chamanenyan parenyi akwam akwechi cho pïchighöch.

MATAYO 26:6

Otini kitökïmi Yeso Petaniya kö pö Simon nyo kyamate psenkwet.

MARKO 14:3

Otini kimi Yeso Petaniya, kö pö Simon nyo kyamate psenkwet, kungwïn korka wölo mi Yeso nyo kitïng chupa nyo kimi mwagh nyo pö ket nyo kikuro nardo. Kïyat kokononi chupanay akuyin mwaghay möt pö Yeso.

LUKA 12:37

Ngörechot mötworichoni otini ketï echotyontengwa, kupenï chïkonchot. Nyo pö nyoman ngetöy, echotyon nyo lata nyoni akulach sïrochay pö akuporchï chane wölo kumpuröy atolapay kïpagh chane.

LUKA 14:12

Atolapay kïlenchï Yeso chichay kökur nyinte, “Ato ikurchï pich omisyö nyo pö pöghet anta nyo pö nangat, mekur opïn kongotiku anta werkökwo anta cho otupchö tïkwïl anta pörörisköku cho le sïkön, ompöwölo kurinyi chane ato le asïyech, kïlenye ato köghokunyi tïkuku.

LUKA 22:27

Ayo, nyono nyo wow, nyinö töpo mesa kwomisïyi nya anta nyo ipchini pich omisyö? Mö nyinönye töpo kwomisïyi? Wölo omitan kwenunkwa le chi nyo opöghisyechini pich.

LUKA 5:29

Atolapay kikurchï Lawi Yeso omisyö nyo wow, kïtuyechï tuyot nyo wow ompö katanyi kïmi kwoghi surï.

NGONGUT 3:20

Oghyongenan kukat akonykony ato lïm chi anka tïkwïl kutinyan akïyat kukat, olïtan konyi, amisyö nko nyinte akwomisïyi nyinte tïkwïl nko ani.