26 Wölo moghönekwanye, ompöwölo mochikwanye kechiryechan.
Teröy kechiryechan kutinyan, ankïtön chane akïrïpanïn chane.
Otini kayat kechiryechi kïpka sany, kuntöghoghchï, akïrïpöy kechirye nyinte, ompöwölo nkït kutinyi.
Chi anka tïkwïl nyo konanïn Paponyan, kungwïnöy wölo omitan, amoyonchinanye sany chi anka tïkwïl nyo ngwïnchinanïn.
Kïtas kïmwa lö, “Nka nyanya kyomwowokwa lö memuchönye chi kungwïnchanïn kïpoto ato chömchï Paponyan.”
Chi nyo ngwïno wölo mi Tororöt nyo teröy ngala Tororöt. Nka nyï molïmekwanye, ompöwölo melö opokwa Tororöt.”
Wölo kïpocha Tororöt. Akwanka tïkwïl nyo nkït Tororöt kïterwecha, kïkany anka tïkwïl nyo möpönye Tororöt kïmelö terwecha. Nka nyoni or nyo kimukecha kenkïtunone sisïn nyo mi kwenu Mïkulögh nyo pö man nko nyo pö putintön.
