14 Ochan mösöwon nyo karam, ankïtön pikachu kunkïtanïn chane
Ompöwölo nkït ECHOTYON wölo riptoy pipö man, wölo rïpöy mwokïyis arengwa ntökwitïta wölini wonyegho chane.
Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.
Lentöy ECHOTYON, “Nyini kewonyö söpon pö kiwongunöt, nyoru nyu mötworintenyan ngat ngörekyö. Nkïtu lö melö kiwir wuw kiwongunötenyi. Ompö ngöghomnyenyi ighöy mötworintenyan nyo ighöy man pich keyityï man. Kösönöy nyinte nyörilwok pö pich cho chang alöstoghchinan chane ngokikwa ompö nyinte.
Karam ECHOTYON, ghetin nyinte ompö osiswo nyarïl, Komönöy pich cho soröy nyinte.
“Ochan mösöwon nyo karam. Tötoy mösöwontö nyo karam söpontanyi ompö kechiryechi.
Pertoy chichoni atökïsugh söpontanyi, ompöwölo kakikir amelö nyinte yongöy kechir.
Teröy kechiryechan kutinyan, ankïtön chane akïrïpanïn chane.
Anyï nyu söpon pö kokay, kenkïtunyi nyo ichï onkït Tororöt pö man, akenkïtï Yeso Kristo* nyo kiyonunyi.
Kyomwochan chane ngalechanye kikonaninyi akakïtach chane akunkïtï nyoman lö, kyangwïnan wölo imitenyi akughan lö nyi nyo kiyokwanïn.
Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.
atömanyïl kïkonokwa Tororöt pö, Echotyontenyo Yeso Kristo, Papo nyo pö ororyö, Mïkulögh nyo Tïlil tonkïtunö ngala yïm akïpköchok nyinte.
Ankïtï chomnyo Kristo nyo molu chïreryö anka tïkwïl, akenyïghitak kipuntowut pö Tororöt löwïr kuwachta.
Koyitön nyoman, tïkwïn löwïr kïlïkwï tïkwïn cho puryö kinyiwut ato kikongityö nko olyot nyo wow nyo pö kinkïtöto Kristo Yeso Echotyontenyan. Kalastan tïkwïn löwïr ompöwölo nyinte, koyitön tïkuchoni le samï, atömanyïl onyorwan Kristo
nka nyoni omitan owonguno ngalechoni. Wölo mosïwïyanye arasï ompöwölo onkïtön chichini kaghanan, ankïtön nyoman lö, muköy kïkomönöy lasiny kïyoni kökonanïn ntökwit asispa mïlaghtanyi.
Wölo metimtimonye kokay kitorötö nyo kitek nyinte Tororöt, akï nyo kikikirchï ngalechï lentöy, “Nkït Echotyon cho le chechi,” akïlö ngat, “Ato mi chi nyo lentöy ochï chi pö Echotyon, kuroko kïpïstö ighisyewut cho ghach.”
Kinkïtöcha lö kikungwïn Wero Tororöt akïkonecha pköchin kenkïtunö Tororöt pö man. Kïmicha orito Tororöt pö man, akemi tïkwïl orito Werïnyi Yeso Kristo. Nyete nyu kï Tororöt pö man, akï nyete nyo le söpon pö kokay.
“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.
“ ‘Onkïtön ighisyewutköku nko chomnyengu nko kighanatengu nko pöghisyengu nko mïkukönötengu. Okïtön lö imitenyi inoghyot kitïl panto tagh.
“ ‘Onkïtön otöptöngu, ankïtön wölo inoghyeghtonyi kïlïkwï nko wölo imïkuköntonyi. Onkïtön lö itöghenyi pich cho le mwokïyis, aityömenyi cho ighöy kegh lö kïchï kiyoktoghï akwachï menkacha, akinkïtunyi lö putï chane!
Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!
“Kirchinö malaykayanta kanisa Sardis lö, ‘Anyï ngölyon nyo ngwïno wölo mi nyinte nyini tïng mïkulis pö Tororöt mut nko odeny nko kokelye mut nko odeny. Onkïtön ighisyewutköku ankïtön lö kïlentöy techinyi satate kite, wölo kïchï kimeghanyi köny.
“ ‘Onkïtön ighisyewutköku, onkïtön lö mechinyinye kaghït anta lalang. Wechï kötökaykay ntökechinyi kaghït anta lalang.
Onkïtön ighisyewutköku, ankïtön lö kïrkegh ketïngetenyi owesyö nyo mïnïng, wölo kekamananyi kinetutköchan amelö ketaghanyi kaynatenyan. Kayatan nyu kukat ompö tawungu nyo memukönye chi kïkar.
