YOANA 10:11 - PIPÏLIA

¹¹ “Ochan mösöwon nyo karam. Tötoy mösöwontö nyo karam söpontanyi ompö kechiryechi.

YOANA 10:11 ပူးပေါင်းရင်းမြစ်များ

2 SAMWEL 24:17

Kïsïwa Daudi malaykayan nyo kipöroy pich, kïlenchï ECHOTYON, “Kaghan ngokï akaghan ghöyityö, wölo ne kitö nyo gha nyo kegh pïchï le pörop? Nya kïlïkwï nyinyan site nko katanyan.”

TUMWÖY 23:1

ECHOTYON kï mösöwontenyan, möminye kïgh nyo ochopan.

TUMWÖY 80:1

Terwecha sowutköcho, we Mösöwonto Israel, nyi nyo intöghoghchini monïngo Yosep le kechir, nyi nyo itöpo paraku kerupimtin* ailïwï

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

ESEKEL 34:2

Kïlenchanïn, “Wero chi, nya kïngor möt mösöw cho pö Israel lenchinö chane lentöy Echotyon TORORÖT. Heywey mösöwechï pö Israel, oyongekwa kegh opïn. Melö so kötöngöy mösöwö kyakikwa tya?

ESEKEL 34:23

Atolapay otönön chane mösöwon akonga, mötworintenyan Daudi. Komönöy chane akïlïkwï mösöwontengwa.

ESEKEL 37:24

“Lïku nyu mötworintenyan Daudi pöytoghintengwa löwïr, kinyorï nyu chane löwïr mösöwon akonga. Rïpöy kirurutköchan akïrïp ngalechan lasiny.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

YOANA 10:2

Wölo chi nyo lïtöy kuweröy kukat kï mösöwonto kechir nyinte.

YOANA 15:13

Möminye chomnyogh nyo wow kïsir chomnyogh nyo tötoy chi söpontanyi ompö kongotichi.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

1 PETRO 5:4

Akwato itï Mösöwonte nyini Wow, onyorukwa nyu tenta ororyö nyo mepoytonye.

1 YOANA 3:16

Kinkïtöcha chomnyogh lö ne, ompöwölo kitötö Kristo söpontanyi ompö parakuncha. Kïlenyona, mïchinecha tïkwïl ketötenö söponwecha ompö tupchenyo.

NGONGUT 7:17

Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”