YOANA 10:1 - PIPÏLIA

¹ “Omwowokwa nyoman lö chi anka tïkwïl nyo mölïtönye kwegho kechir kuweröy kukat, wölo longöy are anka kï chorin chichoni akï mosin.

YOANA 10:1 ပူးပေါင်းရင်းမြစ်များ

YEREMIA 14:15

Kïlenyona omwowunyi ante ECHOTYON kïgh ompö werkoy cho ngoröy ngal ompö kaynenyan kïrkegh melö kyoyonwan chane kïmwochï pich lö metwokwanye ngot nko kömöy ompö korenkwa. Owongan chane ompö ngot nko kömöy.

YEREMIA 23:21

Lentöy ECHOTYON, “Melö kyoyokwan werkoychoni, wölo kisïngsungwï chane opïn. Melö kyongölonchan chane, wölo kipka kïngalan ompö kaynenyan.

YEREMIA 23:32

Osïwïyekwa! Kataghan ante ECHOTYON werkoychoni pkonöy kïmwowokwa kirwotïtoghtinekwa cho pö putintön akwigh piköchan kupotyö. Melö kyoyokwan, amomwochanye chane kïgh. Kïlenyona, melö pö chane tösunöt ompö pich nyonikïny.” Mwoghöy ECHOTYON.

YOEL 2:9

Nyökorchini kupokyï kanasyan, ryoghotegh nïyet, longotoy korïn pörko, akï lïtöy wölo pönkosöch le chorï.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

YOANA 10:7

Kïlenyona kïmwochï Yeso chane ngat lö, “Omwowokwa nyoman lö ochan kuka kechir.

YOANA 3:3

Kuyokyï Yeso lö, “Omwowunyi nyoman lö möminye chi nyo muköy kïsïwa Pöyunöto Tororöt kïpoto ato kïyï nyinte ngat.”

RUMI 10:15

Akumuköy pich kwomtoy lö, ne ato mökiyoktö? Kïle wölo mwoytoy Kikirut lö, “Pïchighöch kïtya kelyo pich cho omtoy Lökoy cho Karamach!”

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

TITO 1:11

Mïchini ketagha chane kïngalan, ompöwölo köpechï kïwaghach pipö keston kïmïkul ompö tïkwïn cho melö kömïchini kunetöy atökïsïch ropïyeni arasï.

EPRANIA 5:4

Möminye chi nyo ighöy kegh nyinte kïlïkwï Tïsin nyo Wow,* kïpoto kuröto Tororöt nyo ighöy chi kïlïkwï Tïsin nyo Wow le Aron.

1 PETRO 1:10

Kisem werkoy akïkït ngala sörunötononi, akïngor paraku ropöwonto pöropcho kikikïtat Tororöt kïkonokwa.

2 PETRO 2:1

Kïle wölo kichumuna kwenu pich werkoyi putintön ompö osis cho kikuwer, kuchumu lenyoni tïkwïl koneti putintön kwenunkwa. Lepu chane kinetut cho wuröy pich, akï pö putintön, akïtagh Echotyon nyo kisörï chane. Akwompö aranoni kwipchï kegh kiwurat nyo chumchini lö tursïs.

2 PETRO 2:3

Ompö pïrchintöngwa nyo pö tïkwïn sïkenokwa chane kïgh otini mi kwomwokwa kikorön pö putintön. Wölo kikïtöpö kïpsach nyo kogh Mutinteto ngalekwa akïchïkönöy Kiwurintengwa.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.