YEREMIA 9:2 - PIPÏLIA

² Opï konkïtön wölo otöpo ompö surkwen, kowetan wölini atömosïwïyi piköchan. Ompöwölo kalïkwï chane cheporestin löwïr, söpïch pö chelölos.

YEREMIA 9:2 ပူးပေါင်းရင်းမြစ်များ

ISAYA 59:3

Ompöwölo kakesïmnyon ewunekwa ompö kisön akesïmnyon morikwa ompö ghöyityö. Kangalanekwa kutïwekwo putintön akïchamcham ngölyepkökwa ghöyityö.

YEREMIA 12:1

Iponyi man we ECHOTYON, kïrkegh opunyi ngwïrngwïryenyan. Wölo omochan opunyi teputyenyu. Ayo, ompö ne tökïsïköy mwokïyis kel nyo karam? Ompö ne tökuletöy tagh pkatis löwïr?

YEREMIA 12:6

Rose ompö lö ighunyi cho ghach monekwa, chini pö konkwa. Kikuporï lö töghinyi chane. Kïlenyona meghan chane, kïrkegh kuti nyo anyïn.”

YEREMIA 13:22

Itepeyi kegh lö, “Ompö ne tökïnamanïn ngala cho le chï?” Ay, kakïngaghinyi sïro akelölosinyi, ompö ngokiku cho echön nyoman cho keghanyi.

YEREMIA 23:10

Ompöwölo kinyïghï kor pich cho melö ghönote ompö tawu Tororöt, akï cho pöghisyegho owesyö ompö or nyo gha. Kisönön korö ompöwölo köchïp Tororöt, akïmïl suswo kyak.

YEREMIA 4:22

Lentöy ECHOTYON, “Sölwöy piköchan amenkïtanïcha. Monïng chane cho le sölwöy, möpköchinicha kïgh nyonikïny. Wölo köromöch nyoman kwigh kïyï gha, amenkïtcha kwigh kïgh nyo karam.”

YEREMIA 5:1

Ongisngise kanasyanta Yerusalem, okïtö atosöwunö akwane! Okïtö ompö wölo kyoltegho tïkwïn. Einyorunyi chi ompö akonga nyo ighöy man, nyo möchömönye putintönï? Kwato rumu, olöstoghchinan Yerusalem ngokichi.

YEREMIA 5:11

Ompöwölo melö kötökïlïkwï pipö Israel nko Yuda, pich cho ghönote ompö tawunyan.” Mwoghöy ECHOTYON.

YEREMIA 5:2

Kïrkegh kuwolwolsïyi kïlentöy, “Kïle otini söpöy ECHOTYON,” wölo wolwolöy ompö putintön.

OSEA 4:2

Kïpoto mumos cho kinyïghï kor, wölo melö chi nyo rïpöy nko putintön nko pörisyö nko chorsyö, akwigh cheporesnan. Mökïminye rïmö kïgh kïkïröy nko pörchö nyo melö wonyot.

OSEA 5:7

Kilïs chane ECHOTYON, ompöwölo kisïch monïng cho pö sany cho melö tïngö kïgh ECHOTYON kïlenyona wonyot chane lömïs ompö relïn pö arawa.

OSEA 6:7

“Wölo kinyar chane ompö koro Adam kikïniniogh nyo kyaghan nko chane, kïpeny mumenyan.

OSEA 7:4

Cheporestin chane löwïr, kiloyö lata tör nyo mi nökögh nyo möminye chi nyo wïkini ma ntökïtenö kïrïr pan.

MIKA 6:12

Köpïr pikökwa cho le sïkön mey, akï mïröy putï chane pikö löwïr.

SEPANIA 3:4

Putï werkoyichi amöyongönye kïgh amelö pich cho kighönöy. Sïmnyonöy tïsichi tïkwïn cho tïlilöch, akuweng kirurut pö ECHOTYON ompö tösunötengwa kegh.

MALAKI 2:11

Melö tökï pich cho ghönote pipö Yuda ompö tawu Tororöt. Kegh chane tïkwïn cho ghach nyoman ompö kanasyanta Yerusalem nko koro Israel kïmïkul. Kesïmnyon Kö pö Tororöt* nyo pö saghat nyo chömo kegh nyinte, atolapay kwipchï kegh kor cho soghöy tororötino pipö punton.

MALAKI 2:14

Wölo otepokwa lö, “Kölö ne tömakïtokönye ropöwe?” Ompöwölo nkït nyinte lö melö kitekamananyi kiyomisöt nyo kyamanyi nko korkengu nyo kipönyi otini kitechinyi chumwak. Kyoyomisökwa kegh tïkwïl ompö tawu Tororöt lö olïkunekwa pich cho ghönote akwanyï yenyu ketïlanyi kasar.

YAKOPO 4:4

Ne pikö chï meghönote! Monkïtökwanye so lö kenam kongot nko ngwïny, kï kakïlïkwï pung pö Tororöt? Anka tïkwïl nyo mököy kïnömöy kongot nko ngwïny, kï kegh kegh punyonto Tororöt.

KIRWOKÏ 2:10

Kikany nyu kuwonyö pïnoni kïmïkul, kïpusï pïnta anka nyo kimenkïtnye ECHOTYON akimenkïtnye kïgh nyo kighchï nyinte pipö Israel.