YEREMIA 8:9 - PIPÏLIA

⁹ Kirotöy pich cho ngöghomöch ompö kwenunkwa, kwonkwongöy kïgh chane, akïnömisyö lö chïrïm. Katagh chane ngölyonto ECHOTYON. Ayo, ngöghomnyö ne nyu nyoni tïng chane nya?

YEREMIA 8:9 ပူးပေါင်းရင်းမြစ်များ

2 PÖYTOGHÏ 17:15

Kisas chane kirurutkachi löwïr, akïpeny muma* nyo kyam nyinte nko papotïnekwa amelö kiyang ngal cho kirirchï ECHOTYON chane. Kisagh chane körkeyïntin cho puryö kinyiwut, cho kigh chane kïlïkwï pich cho puryö kinyiwut akïrïp otöptino punton cho le pöröriskökwa akïtagh kirurut pö ECHOTYON nyo kitagha chane lö marïp otöptino pïchoni.

AYUPU 5:12

Nyinte nyo nyornyoröy tötut pö pich cho le lïsï atömepuntö tötut kökwa

AYUPU 5:13

akïnama lïsatengwa pich cho lentöy kïchï ngöghomöch, akwighöy akupotyot lawel tötut pö chepölköstin.

TUMWÖY 19:7

Tenote kirurut pö ECHOTYON, lölongöy söpon. Ghanate machata ECHOTYON, töni ngöghomnyö sölwö.

ISAYA 19:11

Wechï sölwöy kintöghoghi kanasyanta Soan! Ruröy pich pipö Misri cho ngöghomöch ompö ngala sölwontön! Muköy chane lö ne kïlenchini pöytoghintengwa, chane cho tïpisot ngöcherwo pipö köny cho ngöghomöch cho kile pöytoghï?

ISAYA 29:14

Kïlenyona nyu, oghan ighisyö nyo kïtöngönchini ompö kwenu pïchï, ighisyö nyo kïtöngönchini akewöghisyö. Lïku cho ngöghomöch ompö chane sölwöy, akïwaghaka chïreryengwa kïlïkwï kwïle.”

ISAYA 43:27

Kinya paponkwa nyo pö tagh kwigh ngokï, akwighwanïn tïkwïl kintöghoghikwa ngokï.

ISAYA 8:20

Oyokyinekwa pïchoni lö, “Atera ngalechï mwowokwa ECHOTYON! Moteröy ngala oy, ompöwölo melö onyorunokwa chane löpoyïn pö kiwasan.”

YEREMIA 15:6

Kataghanïkwa. Mwoghöy ECHOTYON. Kopörchanïkwa patagh. Nka nyoni nyu kosyolön ewunyu, amungokwa, ompöwölo kyaghakan osyonchekwa kïtenö osis.

YEREMIA 19:7

“ ‘Oghan tötut pö Yuda nko Yerusalem kïlïkwï kwïle ompö yete. Opïsinan pungkökwa kïpar akïlot chane ompö poryot. Atolapay owirchan porwöyikwa törit nko tïpö wudïn kwam,

YEREMIA 2:8

Matepnye kegh tïsï lö, ‘Mi onö ECHOTYON nya?’ Melö kitökunkïtwanïn koneti kirurut, kïlïkwï pöytoghi penyï, kïngor werkoyi ngal ompö kayna Paal* akïsagh tororötino putintön cho melö tïng tösunöt.

YEREMIA 49:7

Kilö ECHOTYON Kimuktoghin paraku Edom, “Ayo, tökïmi ngöghomnyö ompö kanasyanta Teman? Kepotö so ngöghomnyö pich cho le kirurï?

YEREMIA 6:15

Ayo, kisïwa chane arasï otini kighöy tïkuchete töghanïn kisön nya? Ewo! Kimanamnye arasï nyonikïny, ameporïnye ompö otyogh. Kïlenyona rulsot chane le walaka cho kirulyö, akuwonsot lömïs otini komungön chane.” Mwoghöy ECHOTYON.

YEREMIA 6:19

Tera nyu ngwïnya kïmïkul! Opchinan kiwurat pïchete kïrïp kegh nko tötutkökwa cho ghach, ompöwölo melö kiyang chane ngalechan, amökïkonyïtcha kirurutköchan.

ESEKEL 7:26

Itu nyörilwok cho toponu kegh. Osorekwa werkoy kïmwowok sïwïyagh. Potyegho tïsï kirurut lö weng, akuwonyeghö poy kirurötö.

AMOS 2:4

Lentöy ECHOTYON, “Melö oyodeghonan Yuda sitöt ompö ghöyitwokachi cho pö kïnomnyö ompöwölo kitagh chane kirurut pö ECHOTYON amelö kitökïrïp ngalechi. Wölo kipot chane tororötino putintön, tororötin cho kipöghisyechï papotïnekwa.

SAKARIA 13:4

Nömöy arasï osiswechoni werkoyon ompö sïwïyaghtinechi otini mwochini pich. Melokönye sampu werkoyon atökïlïs pich lö ochï werkoyon.

KINONO KIRURUT 4:6

Arip nyu kirurutchoni, ompöwölo porchini nyoni pipö punton löwïr ngöghomnyenkwa nko chïreryenkwa nyo otini kalïm chane kirurutchï, kïlö, ‘Wechï ngöghomöch akï chïreröch pïchï pö koronï awes!’

2 TIMOTEO 3:15

Inkïtönyi tïkwïl lö kïngeta otini kichinyi monïng, kinkïtunyi Kikirut cho Tïlilöch cho muköy kwipunyi ngöghomnyö nyo ipu sörunöt ompö chi nyo ghönöy Kristo Yeso.