YEREMIA 7:9 - PIPÏLIA

⁹ Kochorsyekwa arïmisyö agh cheporesnan awolwolisyö ompö putintön apelchï Paal* amöros asagh tororötine walaka cho monkïtökwanye.

YEREMIA 7:9 ပူးပေါင်းရင်းမြစ်များ

1 PÖYTOGHÏ 18:21

Kïwö Eliya wölini akïlenchï, “Otomtomönekwa nko oyï? Ato ECHOTYON kï Tororöt, asagh nyinte kïnyïl ato kö Paal arïp!” Wölo kïsisyö pïchay lapay.

WUWÖT 20:3

“Mesagh tororötin walaka kïpoto ani.

ISAYA 1:13

Kopukwa kwïle tïsöwekwo. Kikïghöchachïn ngutogh pö tïkuchoni opelekwa. Melö tomukan omïkukönchini Ichontinekwa cho pö Relïn pö Arawa nko Sapatotinekwa* nko tuyotïnekwa cho oryomokwa ompö sowut. Kewur ngokikwa choni lömïs.

ISAYA 58:2

Soghanïn chane kïtenö osis, akïmi kïlentöy kïtïng machat nyo wow kunkïtï ortïnechan akïrïp kirurutköchan. Mököy otönön chane kirurut cho tenote, akïmwoghöy lö kïngörokyini kïsoghanïn.”

YEREMIA 1:16

Ongwïnan nyu orwokyini pipö Israel ompö ghöyin nyo kigh otini kipïstanïn akïpechï kïpelchï tïkwïn cho ngutoy cho onyïn tororötine walaka akïsagh körkeyïntin cho kigha morikwa.

YEREMIA 11:13

Wechï chang tororötineku we Yuda! Teno kanastineku, akikïtekyï pipö Yerusalem wölo kïpelchini amörostin körkeyïnay töghanïn kisön kïkuro Paal* ompö or anka tïkwïl.

YEREMIA 11:17

“Kyapintitan ante ECHOTYON Kimuktoghin Israel nko Yuda, wölo ye owonyan chane lökïr akwompö ngokichï kegh. Keghanïn anarek nyoman otï kanget kïpelchï amörostin Paal.”

YEREMIA 13:10

Kighachitu chane amökïterwanïnye. Köpïrchï tya kïrïp ngala mïkuliskökwa kegh. Kasagh akïpöghisyechï tororötin walaka. Lïku nyu pïchoni kwïle le anankanay kiwïr kimötö, amötïng tösunöt.

YEREMIA 18:15

Kwompö ne nyu tökïwutyeghanïn piköchan akïpelchï amöros tororötino putintön. Kikupotyö amökunkïtcha or nyo rïpöy. Mökïrïpöcha ortïnechay pö könyisyok. Kesam ortïn cho mörumucha, mökuwerönye ortïnechay pelote.

YEREMIA 19:4

Oghan lenyoni ompöwölo kataghanïn piköchan akusïmnyon yete otï pelöy amörostin kïsoghöy tororötino putintön cho kimenkïtcha papotïnekwa nko pöytoghi Yuda akupïrirö yete kisön pö pich cho mötïng lelut

YEREMIA 32:29

Pkonöy pipö Papilonia cho poryegho kanasyantanï akïpela ma. Metukönye mayoni korichay kipetöy piköchan pörkö tökïpelchi amöros akïsagh tororötïngwa Paal* akï pighchï dipay* tororötinekwa walaka, tïkwïn cho kighanïn anarek.

YEREMIA 44:3

Kilïkwï choni akwompö ngokï cho kigh chane ntökwighanïn anarek. Kipelchï amörostin akïpöghisyechï tororötin walaka cho melö kinkït chane amelö onkïtökwa amelö kinkït ompö papotïnekwa.

YEREMIA 44:8

Ompö ne toghanikwa anarek otinö osoghekwa körkeyïntin cho kyaghekwa morikwo atolapay opelchï amörostin tororötine walaka ompö koronï pö Misri kapkanakwa amang nya? Ayo, kaghakwa so lenyoni towonyenö akïmïnakwa pipö ngwïny kïmïkul, akepöghisyeghö kaynenkwa ompö chïpö?

YEREMIA 44:9

Kowutyeghökwa so ngokï cho kigh papotïnekwa nko pöytoghi Yuda nko korukwa ompö koro Yuda nko kanasyanta Yerusalem?

YEREMIA 48:35

Amelö tochöman, ante ECHOTYON, chi anka tïkwïl ompö koro Moap nyo pusöy kutïngkot akïwö kïpelchï amöros tororötïnyi.

YEREMIA 5:2

Kïrkegh kuwolwolsïyi kïlentöy, “Kïle otini söpöy ECHOTYON,” wölo wolwolöy ompö putintön.

YEREMIA 5:7

Tepöy ECHOTYON lö, “Olöstowunyi lö ne nya we Yerusalem? Isïwïyenyi lö kapeny piköku ngalechan, akuwalwala kegh tororötin cho möle. Atanya kyapaghakwa ntopïghyö, opïstanïkwa apa aghata cheporesnan, osupchïkwa kegh kori chepkarten.

YEREMIA 7:6

Mopïr to nko pönon nko mïsïktin, amamïlta kisön pö pich cho mötïng lelut ompö koronete. Okïr masagh tororötin walaka tömopchï kegh nyarïl.

ESEKEL 18:18

Wölo meghöy kwanta, nyona ompö ngokichi ompöwölo kilïsisyö akïchor werïngwa, akwigh kïgh nyo melö karam ompö pikachi.

ESEKEL 20:30

Kïlenyona, lenchinö pipö Israel lentöy Echotyon TORORÖT, osïmnyonekwa kegh ye so le papotïnekwa, amostoy arïp tïkwïn cho kïkïröy?

ESEKEL 23:39

Ompöwölo karopta monekwa kïlïkwï amörostin kusïmnyon, nkanyu choni tïkwïn cho kighwanïn chane ompö Konyan.

ESEKEL 5:11

“Kïle ato ochan Echotyon TORORÖT nyo satate owonyokwa lömïs nyo puryö kisyonöt ompöwölo kosïmnyonökwa Konyan ompö tïkukwa cho ghach nko sïmnyontönenkwa.

OSEA 2:13

Ochopan kong nyinte ompö osis cho ropchini Paal amörostin akïmina kegh karïn yitïn cho pïchighöch akïwö kïrïpata chamankachi, akïwutyeghenanïn, mwoghöy ECHOTYON.

OSEA 6:9

Lata Tïsï chelölös cho syepo pich or. Tïgho pich ompö or nyo wetöy Syekem akwigh ghöyityö ompö kwötin.

AMOS 4:5

Aroptena ropöwo sörö cho pö makatin cho kakitö mumar, akwol kegh amwatïta kelïm lö, karoptekwa ompö konunöto kegh, ompöwölo ochömekwa oghe lenyoni, akwa pipö Israel! Mwoghöy Echotyon TORORÖT.

SEPANIA 1:5

Onyoran chi anka tïkwïl nyo pusöy pörkö akïsagh asis nko arawa nko kokel. Onyoran tïkwïl pich cho soghanïn akuwolwolsyö ompö kaynenyan, atolapay kuwolwolsyö ngat ompö kayna Molek.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

RUMI 2:2

Nkït pich lapay lö, otini rwokyini Tororöt pich cho ighöy tïkwïn cho lata choni, kwighöy man.

KINONO KIRURUT 32:17

Kipelchï chane amörostin tororötin cho möle, tororötin cho kimenkïtcha chane tororötin cho sis cho kimökonyïtcha kukötinekwa.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

KIRWOKÏ 5:8

Otini kikïl Israel tororötin walaka, kutor poryot korengwa. Wölo kimöminye chi nyo kitïng longa anta ngot ompö Israel ompö kwenu pich elpun tömönut angwan?