YEREMIA 5:3 - PIPÏLIA

³ Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

YEREMIA 5:3 ပူးပေါင်းရင်းမြစ်များ

TOWUNÖT 19:34

Ato mi ato le asïyech kïlenchï cheptö nyay wow nyay mïnïng, “Korïwön amïna nko papo, kanya ketönö oghonete kumïn atewïyö rïwö tïkwïl nko nyinte, tökesïkenö paponyo monïng.”

1 PÖYTOGHÏ 13:33

Melö kitökïpïstö Yeropoam ortïnechi cho ghach, kitas tagh kïkïl tïsï kïpkana pich kïtïkon atökïpöghisyeghö ato kïsogho körkeyïntin. Kikïl nyinte chi nyo kimököy kïlïku tïsin.

2 PÖYTOGHÏ 1:13

Kïyonta ngat pöytoghintonay yetïntö anka nko askarin tömönut mut. Kïpusta kutïngay akupïtyï tawu Eliya akïsagh nyinte lö, “We, chi pö Tororöt, syonchante nko pikachu wey, sörunö söponwecha!

2 OTÖPTINO OSIS 16:9

Ompöwölo pestoy konyi Tororöt ompö ngwïny kïmïkul, akutöni owesyö chane cho ighöy mïkuliskökwa man ompö tawu Tororöt. Keghanyi kïyoni ompö sölwontön ompöwölo kïngeta ye kutang tagh iporyonyi.”

2 OTÖPTINO OSIS 28:22

Kitas tagh kwigh nyo gha tya pöytoghintö Aas ompö tawu ECHOTYON kïrkegh kitïng nyarïl nyo wow.

TUMWÖY 51:6

Imökenyi man ompö söpontönyan, nyïghita ngöghomnyengu sïkunötenyan.

TUMWÖY 51:8

Nya olïmchan kegh ngörekyö nko turönöt, kïrkegh kökeraprapaninyi.

TUMWÖY 55:20

Köporyeghö kongenyan kongotichi akïpïstö muma nyo kyam tïkwïl.

NGÖTÏNYÖ 21:29

Ighöy kegh mwokïyon lö ochï nyakan, wölo nonchini chi nyo tenote lasin wölo wetïtoy.

NGÖTÏNYÖ 22:12

Komönöy konyi ECHOTYON chïreryö, wölo köpïghöy ngala pich cho puryö kighanat.

NGÖTÏNYÖ 23:35

Ilentenyi, “Kerapakanïn, wölo mamanïnye kïgh, kömunganïn chane, wölo malïmtanye, Ongetan oyï nya? Oyöran kumi walaka.”

NGÖTÏNYÖ 27:22

Kïrkegh ketïgh chi nyo le sölwö ompö könö aketïghotïgh nko pagh, wölo möngetonye chichoni sölwontönenyi.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 42:25

Nka nyoni kimungenecha sïngiryenyi, akwighecha kewongunenö owesyo poryot. Kimïlchï koro Israel kïmïkul nörekyenyi nyo nöghöy le ma, wölo melö kipköchecha lö ne nyo kigha amenetechanye ngölyontononi kïgh nyonikïny.

ISAYA 48:4

Kyonkïtön lö kyochikwa penyï, cho kiyomö kotwonï le karïn, akïkarkegh tokochwekwa nko taghoy.

ISAYA 9:13

Wölo melö kakitö pipö Israel, kïrkegh kichop kong ECHOTYON Kimuktoghin chane.

YEREMIA 15:7

Kakutïtekwa le morïro pagh, ompö kanastin cho mi koronete. Kotïghön monekwa awangakwa pikachu, ompöwölo mopïstekwanye ortïnekwo cho ghach.

YEREMIA 17:23

Wölo melö kiter amelö kiyang papotïnekwa ngalechan. Kilïkwï pich cho oghïghe mötöwö, amakïternye ngalechan, amakïrïpnye le wölo kyomwochan chane.

YEREMIA 19:15

“Lentöy ECHOTYON Kimuktoghin, Tororöt pö Israel, Onyoran kanastinechete nko walaka cho lekïtinö, le wölo kamwaghan, ompöwölo kyoghïghöchitu pich mötöwö, amöterönye ngalechan.”

YEREMIA 2:30

“Kiwö kwïle sitenyan nyo kinyorï pikökwa, ompöwölo kicham lö kikelel. Kiwany chokengu werkoyköku le ngötïny nyo komï.

YEREMIA 3:3

Nka nyï kipot rop lö weng, amakïminye ropay pö sarngatat. Kïrkegh choni löwïr, kiyomö nyi konyïn le chepores nyinte, metïngönyinye arasï ompö nyo le kite.

YEREMIA 32:19

Itötenyi ngaleku ompö ngöghomnyö aighenyi tïkwïn cho pö töngönchin. Isïwïyenyi lötok ortïn nko ighisyewut pö ptangengmöt airopchinenyi anka tïkwïl kïrïp kegh nko ortïnechi nko ighisyewutkachi.

YEREMIA 44:10

Akwompö nyete le ye tomönye arïngakwa kegh, atomönye oporunökwa otyogh anta arïp kirurutköchan cho kyokonokwa atö papotïnekwa.

YEREMIA 7:26

wölo kimayangakwanye ater ngalechan, alïkukwa pich cho oghïghe mötöwö atolapay aghakwa cho ghach tya kïtïl papotïnekwa.

YEREMIA 7:28

Ilenchinenyi nyu chane, ‘Ochikwa pich cho melö kiter kuti ECHOTYON Tororötïngwa, amachamcha kïpïstö or nyo gha kïrkegh sitöt nyo kyonyorukwa. Melö tochikwa pich cho ghönote, amökengölononye kwenunkwa ngölyontononi.’

YEREMIA 8:5

Kwompö ne nyu tökïpïstö pïchï arenyan, akïtagh kuyokï kegh kïrïp arenyan? Kösïkwïr chane tororötino putintön, akïtagh kuyokï kegh wölo omitan!

ESEKEL 2:4

Oghïghe pïchï mötöwöy amötïnye kilalïyan, kayoktinyi ye wïyö lenchinö chane, lentöy Echotyon TORORÖT

ESEKEL 24:13

Kesïmnyoninyi we Yerusalem ighisyewuköku chï ghach. Kyolan otïlilinyi wölo kimetïlilenyinye. Melö itïlilitunenyi nyonikïny ntökïtenö kuwonyö nörekyenyan ompö nyi.

DANIEL 9:13

Kipkonchecha ngalechini löwïr kikikirchï kirurut pö Musa. Wölo kïrkegh kikenyorucha sitöt, we ECHOTYON Tororötïnyo, kïmelö kikechïstecha akewöghökisyö ompö ngokï akerïp mantangu.

LAWIN 26:23

“Kïnyïl ato malïmakwanye choni löwïr awöghökisyö otöngwï wölo omitan,

AMOS 4:10

Kyotyorwokwa sömewut le chay kimi koro Misri kyaparan monekwa ompö chok arangan angoletinekwa kïpa kor anka. Kyaghan oröryo kanasyantenkwa kïlïtokwa sörun, wölo moyokukwanye kegh wölo omitan. Mwoghöy ECHOTYON.

AMOS 4:11

Kyawanyakwa walaka le wölo kiwangta Tororöt Sodoma nko Komora. Kyalatekwa machey nyo kakïchengunö ma, wölo moyokukwanye kegh wölo omitan. Mwoghöy ECHOTYON.

AMOS 4:6

Kyokonokwa kömöy ompö kanastinekwa wölo moyokukwanye kegh wölo omitan. Mwoghöy ECHOTYON.

AMOS 4:8

Kirwata pich cho kiwonyö nko maral. Ngeto kanasyantanï kïpa nyinö kïyöroto pögh wölo mönyorïcha cho ghömöy, wölo moyokukwanye kegh wölo omitan. Mwoghöy ECHOTYON.

AMOS 4:9

Kyawiran parenikwa chepkïrïri nyo pö pekat lïku parenikwa pö sapipun surkwen, omöy talamnya ketikwa pö makany nko arol, wölo moyokukwanye kegh wölo omitan. Mwoghöy ECHOTYON.

SEPANIA 3:7

Atolapay ononchan kegh lö, ‘Konyïtanïn ye nyu ana piköchan akïcham kirurötenyan, nonöy ana tïkwïn cho kyanetan chane.’ Wölo kipïrchï tya ighisyewut cho ghach.”

RUMI 2:2

Nkït pich lapay lö, otini rwokyini Tororöt pich cho ighöy tïkwïn cho lata choni, kwighöy man.

EPRANIA 12:9

Ompö atoni ketïngetecha papotïnecho cho kiyiyech, otini kömungecha, ketekacha chane. Kïlenyona mïchinecha nyu kekonyïtö tya Paponyo nyo pö ara mïkulögh tökesöpchenö!