YEREMIA 4:8 - PIPÏLIA

⁸ Kïlenyona, alaka sarankwachtin asönön ariryö, ompöwölo tomönye kïpïstecha nörekyo ECHOTYON nyo ngwan lakat.”

YEREMIA 4:8 ပူးပေါင်းရင်းမြစ်များ

YEREMIA 6:26

Lentöy ECHOTYON, “Akwa pikachu, alaka nyu sarankwachtin, amelmel aryon. Oriryenö le chi nyo riröy megha werïnyi nyo le akonga kïpoto, ompöwölo chumwokwa lawel kiwurintö!

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

ISAYA 32:11

Komitekwa otïpisot nyo karam akï puryö kïgh nyo kesusokwa, wölo opotonchenö ye ompö mïghöt! Akarera sïrokökwo akörmön sarankwachtin.

ISAYA 10:4

Kïpörokwa otini osetekwa anta kïrangakwa alïkuna mampustin. Akï kïrkegh keghisyö lenyoni, kïmelö wonyot nörekyo ECHOTYON, wölo tökïghïteghote ewunyi nyo nyete le ye.

ISAYA 5:25

Kïnagh nyu nörekyo ECHOTYON ompö pikachi akughïtö ewunyi atö kunyaril kong chane. Potonchot kutïngkotï atökesupchï mïntïruch ortïna kanasyan le samï. Amelö choni opïn, melö wonyot nörekyenyi, wölo tökughïtoy ewunyi kïnömöy sitenyi nyo mungoy pikachi.

AMOS 8:10

Oghan ichontinekwa kïlïkwï rira, kïlïkwï tumwöyikwa löwïr lok. Oghokwa alaka sarankwachtin, angwïl mötöw, le pich cho lokyini megha monïng le akonga kïpoto, akï ngwonitu nyarïl asisoni lakat.

ESEKEL 30:2

kïlenchanïn, “Wero chi, ngorsyenö lö lentöy Echotyon TORORÖT, Oriryenö, alentöy, ‘Heywey nyï asista!’

ESEKEL 21:12

Rira aitegh, we wero chi, ompöwölo pö chokonï piköchan nko kintöghoghi Israel löwïr. Kiketötö chane kepar nko piköchan walaka löwïr. Kïlenyona chala nyu,

YEREMIA 48:20

Kikeryew Moap kïnam arasï Oriryenö akwompö parakunyi Amwatïtena ompö lalwa Arnon lö, kikenyar koro Moap.

ISAYA 13:6

Oteghyenö ompö ngwonïn, ompöwölo kalekïtit asispa ECHOTYON ato ipu Kimuktoghin kiwurat.

ISAYA 9:21

Poryot pipö Manase nko cho pö Epraim, atolapay kutuyö kegh akïporyeghö Yuda. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

ISAYA 9:12

Mito pipö Sirya kongasis, kïmi pipö Pilisti to, kingany chane kutïwekwa atökwam Israel. Wölo kïrkegh kighisyö choni löwïr melö kiwany nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

TUMWÖY 78:49

Kïnörekyï chane kïngwanit lakat le malaykayanta poryot.

KIYITUT 25:4

Kïlenyona kïlenchï ECHOTYON Musa, “Chenga kintöghoghi pïchï lapay aitïgh chane kïmeghö kulïwu asis ompö tawu ECHOTYON atökïweghö nörekyo ECHOTYON pipö Israel.”

LOK 1:12

Akïrirchï chi anka tïkwïl nyo kiwetöy arenyi kïlentöy, “Ayo, moyongekwanye so kïgh? Arosïtene köny! Ngo nyo kikïnyorï nyarïl nyo lata nyï konyorunan ECHOTYON ompö asispa nörekyenyi nyo ngwan?

YOEL 1:13

Ay akwa tïsï, alaka sïro cho poru lö omitekwa lok, oriryenö cho opöghisïyi ompö ato kïtïsisyegho. Olïtö Kö pö Tororöt alaka sarankwachtin kïyech, akwa chona opöghisyechini tororötïnyan. Ompöwölo mömicha ropöwo pagh nko cho kïgheghöy cho töketötoy kïpa Kö pö Tororöt.

YEREMIA 25:34

Akwa mösöw, osönönienö, ariryö! Akwa kintöghoghi okwotïn, omelmelö aryon. Ketïta ato kïyengekwa nko ato kitoytoyonekwa kïmutekwa sïghiny le makal nyo kikekïl lö lïku peny.

MIKA 1:16

Angwïla kegh mötöwöy, amut putekwo ompö monïng cho ichömonyi kegh. Angwïla kegh le sichtin ompöwölo peghonekwa chane kïpetöy pïnotön.