YEREMIA 4:7 - PIPÏLIA

⁷ Köngetunö korenyi kiwurinto Yuda, lenye ngötïny nyo köngetunö wudanyi, ngwïnöy kunyoröy korenkwa, akwigh kanastinekwa kïlïkwï kïratis, cho puryö möngot.

YEREMIA 4:7 ပူးပေါင်းရင်းမြစ်များ

2 PÖYTOGHÏ 24:1

Kipokyï Nepukadnesa pöytoghinto Papilon koro Yuda osiswechoni kipöytoy Yeoyakim. Kïnam Yeoyakim kïlïkwï mötworintenyi ompö könyis sömök, atolapay kïtagh Yeoyakim nyinte.

2 PÖYTOGHÏ 25:1

Kingwïn Nepukadnesa nko pikachi löwïr cho pö lïk atökïporyeghö Yerusalem asis nyo pö taman nyo pö arawa taman nyo pö könyi mut nko angwan nyo pö paytaghpa Sedekia. Kurich kanasyantanay kuwit akïtek nayat nyo kïghïpo.

ISAYA 1:7

Kikepar korenkwa kïlïkwï kïratyan akepel kanastinekwa lömïs. Chengöy pïnotï parenikwa osïwïyekwa akwane akuwur kïgh anka tïkwïl.

ISAYA 5:9

Kalïman ECHOTYON Kimuktoghin ato lentöy, “Lïku kïratis korïn cho chang, cho echön cho pïchighöch.

ISAYA 6:11

Atepan lö, “Akïlïku nyoni nko oyï nya Echotyon?” Kuyokï lö, “Ntökïtenö kepar kanastin lömïs, ntökïtenö kepïstö korïn kïtïryolöchitu, ntökïtenö kïlïkwï kore nyinte kïmïkul surkwen.

YEREMIA 2:15

Köpororchï nyinte ngötunywö, köpororchï ompö kut nyo wow. Kegh korenyi kïlïkwï surkwen, kalïkwï kanastinechi kïratis cho puryö möngot.

YEREMIA 22:6

“Omwoghan paraku kö pö paytaghpa pöytoghinto Yuda lö, Kïrkegh kechï pïchigh le koro Kiliad anta le kutïng pö Lepanon parak, wölo nyo pö nyoman oghinyi lïkuna surkwen, ailïkwï kanasyan nyo le kïratyan.

YEREMIA 22:7

Oyonunan kiwurï cho pkonöy kuwurinyi, nömonu anka tïkwïl oywenyi. Töröy sokot pö kongu cho pïchighöch atolapay kïtora ma lömïs.

YEREMIA 25:38

köpïstö ECHOTYON pikachi le wölo pïstoy ngötïny nyo wetöy sakas köpönenyi. Kalïkwï korö surkwen ompö ngot pö punyon nko nörekyo ECHOTYON nyo ngwan lakat.”

YEREMIA 25:9

okurunan punton kïpkana koros cho mi okumpö löt nko mötworintenyan Nepukadnesa, pöytoghinto Papilon. Okurunan kïpka kïporyeghö pipö Yuda nko pöröriskachi. Owongan chane lömïs, aghan chane kïlïkwï cho mïghyot akwotyö akïroröchï pich kokay cho sïwïyi.

YEREMIA 26:9

Ompö ne temwaghanyi ompö kayna ECHOTYON lö kinyoröy Köyï pö Tororöt le Syilo, akegh kanasyantanï kïlïkwï kïratyan nyo puryö chi nyo möngöy?” Panini lawel kurikanïn pich ompö Kö pö Tororöt.

YEREMIA 27:8

“Wölo omungan kor anta paytagh anka tïkwïl nyo melutönye katïnyi möchokyo Nepukadnesa pöytoghinto Papilon akïpöghisyechï nyinte. Omungenan chane ngot nko kömöy nko sömew ntökïtenö awany lömïs ompö mori Nepukadnesa.

YEREMIA 33:10

Lentöy ECHOTYON, “Mwoghöy pich lö karkegh koronete nko surkwen nyo möminye pich anta tïpö wudïn cho möngöy ori. Mwoghöy pïchoni man ompöwölo puryö chi anta tyony nyo kïsïwïyi kïwestegho ortïna kanastina Yuda nko Yerusalem.

YEREMIA 34:22

Arosa! Kamwaghan ante ECHOTYON lö, oyoktenan kut kuyokwï kegh lïkononi pö pöytoghinto Papilon. Pkonöy kïporyegho kanasyantanete akïnam akïpela ma. Oghan kanastina Yuda kïlïkwï surkwen nyo puryö chi nyo möngöy.” Mwoghöy ECHOTYON.

YEREMIA 4:29

Otini kakïlïm lö ketï pich cho pegho angoletin nko pich cho ipöy möronkit, kïtoyeghö pich kanasyan lötya! Ryöghöy walaka kïlïtöy sïkur, kïpus walaka akïwïnchï kegh ghatoy. Wuwo pich kanastin kïlïkwï kïratis, cho puryö pich cho möngöy.

YEREMIA 44:2

Kilö ECHOTYON Kimuktoghin, Tororöt pö Israel, “Kyasïwekwa akwane kinyarat nyo kyopchan pipö Yerusalem nko kanastina Yuda löwïr. Kïratis kanastinechoni nko ompö nyete le ye, puryö chï möngöy oringwa.

YEREMIA 46:18

Omwoghan ompö kaynenyan nyo satate, ani nyo ochï Pöytoghin akekurenanïn, ECHOTYON Kimuktoghin lö, pkonöy pung kïporyeghenokwa. Pö man ngölyontononi le wölo syolote kutïng pö Tapor akï le wölo rumu kutïng pö Karmel ato mi chi okumpö nanam.

YEREMIA 49:19

Le ngötïny nyo lepuno kegh wuw pö lalwa Yordan akuchumchï kechir cho oketïyi, ochumchinan lenyoni pipö Edom atulan korengwa kïtoyö. Atolapay otönön ante kintöghoghin nyo kachaman kïpayta korononi. Ompöwölo, ngo nyo lentöy okongityo kegh nko ani nya? Akï ngo nyo lentöy orwokyinanïn? Pöytoghin ngo nyo muköy kughyong akïtagh ngalechan nya?

YEREMIA 5:6

Kïlenyona puluno ngötïny wuw akwam chane, pochpochöy chane suyï cho pkono surkwen. Rimöy möril kanastinekwa, nyo atolïtï chi sany, kepochpochöy kïlïkwï tasim, ompöwölo kichangit tya ngokikwa akï ghetï penyatengwa nyo pö kïtenö osis!

YEREMIA 50:17

“Karkegh pipö Israel nko kechir cho sökosöy ngötïny kïtoyö. Kinya kïporyeghö chane pöytoghinto Asirya anyï ye kapar kïrïngarïng chane ko Nepukadnesa pöytoghinto Papilon.

YEREMIA 50:44

“Arosa! Alatan ngötïny nyo kölïtunö wuw pö Yordan akuchumchï lö tursïs kechir cho oketïyi. Otulan lenyoni pipö Papilon kïpegha korengwa atolapay akïlan pöytoghin nyo kachaman ante ECHOTYON kïpayta korononi. Ompöwölo ngo nyo olentöy okongityo kegh nko ani? Anta ngo nyo lentöy omukanïn? Pöytoghin ne nyo ghyongo tawunyan akïtagh ngalechan?

YEREMIA 8:16

Kikwitï pungköcha kanasyanta Dan, kikelïmacha angoletinekwa kïwirtoy kimïny, akikutimtimö kore kïtangogh. Pkonöy kunyoröy korencha nko tïkwïn löwïr cho mi ori, ametukönye kanastin nko pich cho möngöy ori.’

YEREMIA 9:11

Lentöy ECHOTYON, “Oghan Yerusalem kïlïkwï kïratyan nyo tuw, lïku köpönoti chepkonöw. Oghan tïkwïl kanastina Yuda kïlïkwï surkwen nyo puryö chi nyo möngöy.”

ESEKEL 12:20

Akïlïku kïratis kanastina cho kimöngisyote, kïlïkwï kore surkwen. Onkïtukwa nyu lö ochan ECHOTYON.”

ESEKEL 21:31

Omïlwokwa nörekyenyan, akutenekwa kiminy pö nörekyenyan le lyopöto ma. Otönokwa mori pkatis cho nkït kinyarat.

ESEKEL 32:2

Kïlenchanïn, “Wero chi, rirchinö Parao pöytoghinto Misri ailenchï, Ilenchinenyi kegh so ochï awes le ngötïny ompö punton, ilatenyi chemururu nyo mi pögh aiwestegho lalwatïneku itönkwöröy pögh ompö kelyeku aitïntïr lalwatïnekwa kïlïkwï turïl.

DANIEL 5:19

Kiwagh pich löwïr nko pipö punton nko kutïw nyinte ompöwölo kimuköy kïtïgh nyo nyo kömökö kïtïghöy, kusop nyo kömököy kesopöy. Akï nyo kimököy kutotegha anta kuaptegha, kï kimuköy kwigh lenyini kacham.

DANIEL 7:4

Kilenye nyo pö tagh ngötïny wölo kitïng köpepoy pö sich. Otini kitö orosan, kepul köpepoykachi, akesït yïm akekany kughyongö kelyön odeny le chi. Atolapay ketö pköchin le nyo pö chi.

LAWIN 26:31

Onyoran kanastinekwa arultan korikwa pö saghat. Amelö tökïnguchinanïn nyo karam tïkukwa chay onyïn.

LAWIN 26:33

Atolapay otoytoyokwa oghömunö ngwïny atöninan ngot kïrïpekwa, akïlïku korenkwa kïratyan anyaran kanastinekwa.