YEREMIA 4:1 - PIPÏLIA

¹ “Ato kemïlo, we Israel, imïla wölo omitan. Mwoghöy ECHOTYON. “Ato inateghenyi körkeyïntin ompö tawunyan ametomtomönönyinye,

YEREMIA 4:1 ပူးပေါင်းရင်းမြစ်များ

TOWUNÖT 35:2

Kïmwochï Yakopo piko konyi nko pich tïkwïl cho kimi nko nyinte lö, “Apakaytena körkeyïntino tororötin cho mi kwenunkwa cho pö pipö puntoni walaka atïlil kegh awaghach sïrokökwo.

2 PÖYTOGHÏ 23:13

Kusïmnyon Yosia wölo kïsogho körkeyïntin cho kitek pöytoghintö Solomon kongasispa Yerusalem, okumpö ewu tagh nyo pö kutïng pö Arol nyo kitekyï Solomon pöytoghinto Israel, Astoret, tororöt nyo le korka nyo pö Sidon nko Kemos tororöt pö Moap nko Molek, tororöt pö pipö Amon.

2 PÖYTOGHÏ 23:24

Kiyon pöytoghintö Yosia kapolok nko ponï nko chemöwostin nko körkeyïntinekwa ompö koro Yuda nko Yerusalem atökumï pich kïrïp kirurut cho kirote kitapï nyo kinyorchï Tïsin nyo Wow Ilkia Kö pö Tororöt.

2 OTÖPTINO OSIS 15:8

Nyini kilïm Asa ngalechoni pö werkoyon Asaria wero Oded kïnyakanit, akuwurta tororötin walak ompö koro Yuda kïmïkul nko Penchamen nko ompö kanastin cho kikikïpörï nyinte ompö kutïngkoti koro Epraim. Kigh akïtek ngat ato kïpelo amöros pö ECHOTYON nyo kimi tawu Kö pö Tororöt.*

2 OTÖPTINO OSIS 33:8

amoyonenanye Israel koronï kyotönön papotïnekwa, ato cham kwigh tïkwïn löwïr cho kyomwochan chane, cho kikïkonï kuwerï Musa.”

2 OTÖPTINO OSIS 34:33

Kunategha nyu Yosia tïkwïn löwïr ompö wölo kimöngöy pipö Israel, akwigh pich löwïr cho kimi Israel kïpöghisyechï ECHOTYON Tororötïngwa. Möpïstönye pich kïrïp ECHOTYON Tororöt pö papotïnekwa ompö osiswo pöytoghin Yoasiya löwïr.

ISAYA 31:6

Akïlö ECHOTYON, “Omïlonchenö wölï omitan, pïchï pö Israel. Kaghwanïkwa ngokï, ataghanïn!

YEREMIA 15:19

Kuyokwanïn nyu ECHOTYON lö, “Ato imïlenyi wölo omitan, otokinyi lïkuna nyinyan ngat aipöghisyewanïn le tagh. Ato ipïstenyi ngal nyo mötïng tösunöt aimwagh cho tïng kinyiwut, oghinyi lïkuna ngölonintenyan ngat. Sorunyi pich wölo melö nyi nyo isoröy chane.

YEREMIA 15:4

Oghan chane kïlïkwï pich ighöy paytaghtina ngwïny kïmïkul kwotyö ompö ngal cho kigh Manase wero Esekia ompö Yerusalem ato ki pöytoghinto Yuda.”

YEREMIA 18:11

Kïlenyona nyu, mwochinö pipö Yuda nko cho möngöy Yerusalem lö kamwaghan ante ECHOTYON lö, ‘Otötwokwa onyorunö nyarïl. Lïku nyoni sitenkwa atomopïstekwanye ortïnekwo cho ghach. Omïlisyenö apïstö ortïnekwa choni ghach. Mïchini asitakwa ortïnekwo nko ighisyewutkökwo kuten.’

YEREMIA 24:9

Oghan chane kïlïkwï cho mïghyegho akwotyeghö pipö koros ompö ngwïny kïmïkul. Mïnöy akïroröchï pich chane. Ripöy chane chïpötö ompö wop tïkwïl wölini otulchinan.

YEREMIA 25:5

Kipkonöy werkoychoni kïmwowokwa lö, ‘Pïstenö chi anka tïkwïl orengu nyo gha nko ighisyewut cho ghach. Ato aghakwa lenyoni, omöngekwa koronï kikonokwa ECHOTYON nko papotïnekwa kingeta kösnyisyok.

YEREMIA 3:1

“Ato tyak chi korkenyi, akïwö kokanay kwip chitö anka, etökuyokyini kegh chichay kokononi nya? Ntötöp kwigh lenyoni, mesïmnyononye korö kwararitï? Kïkany nyi ye Israel, keghanyi cheporesnan nko chamanköku cho chang. Ekechamanyi ye mïleghchanïn ngatï? Mwoghöy ECHOTYON.

YEREMIA 3:12

Kïlenyona wïyö mwochinö Israel lö kamwaghan lö, Mïlena wölo omitan we Israel, nyi nyo mechï ghanate. Mwoghöy ECHOTYON. “Melö nyu torosinyi ngat ompö nörekyö, ompöwölo otïngetan kisyonchin. Mwoghöy ECHOTYON. “Amelö onörekan kokay.

YEREMIA 3:14

“ ‘Momïlisyö sonye akwa monechï mochï ghönote nya? Mwoghöy ECHOTYON. “Ompöwölo ochan Echotyontenkwa. Ochengan chi akonga ompö kanasyan achengan odeny ompö or anka tïkwïl nyo pö pipö Israel, atolapay amïtan kutïng pö Sayon.*

YEREMIA 3:22

“Omïlisyenö we pïchï mochï ghönote Osopekwa ngat alïkuna pich cho ghönote.” Atoni nyu ato omwoghekwa lö, “Arose, kökïmïlonchecha wölo imitenyi, ompöwölo ichinyi ECHOTYON Tororötïncha.

YEREMIA 35:15

Kyoyokwokwa mötworichan werkoy kïnyïl cho chang cho kipka kïmwowokwa lö opïstenö ortïnekwo cho ghach atolapay owöghökisyö agh man. Kimwowokwa lö orip kegh masagh amopöghisyechï tororötin walaka. Nyo ntökyarïpakwa ngalechoni kitomöngekwa kokay koronete kokonokwa atö tïkwïl papotïnekwa. Wölo nyu melö kyateranïkwa amelö kyayangakwa kïgh nyo kyamwaghan.

YEREMIA 36:3

Töptoy ana, atolïm pipö Yuda ngala kiwurat nyo kyamwaghan lö opchini chane kïwöghökisyö akïpïstö ortïnekwa cho ghach atolöstoghchï nko ngokikwa.”

YEREMIA 4:4

Akwa pipö Yuda nko Yerusalem, otïlilö kegh ompö tawu ECHOTYON, achïrtena sïmnyon ompö mïkuliskökwo, tömanarekan ompö nörekyö nyo ngwan lakat, nyo nöghöy amemukönye chi kumis. Onörekan lenyoni akwompö ighisyewutkökwa cho ghach.”

YEREMIA 7:5

“Oghïtenö ortïnekwo awaghach otöptinekwa. Agha man ompö kwenungwo kïtenö osis.

YEREMIA 7:7

Ato owöghökisyökwa löwïr lenyoni, opïswokwa amanga koronete kyotönön könyisyok papotïnekwa.

ESEKEL 11:18

Nyini kapka yi kunotegho tïkuchï ghach löwïr nko sïmnyontönengwa.

ESEKEL 18:13

Pösöntoy ropïyen tökighach nko yiyöwechi. Söpöy nya wey chi nyo lenye nyoni? Mösöpönye kokay ompö tïkuchï löwïr kikwigh le sïmnyon, meghöy nyo mötïny akwomöy nyinte ngokichi.

ESEKEL 43:9

Nya kïpïstö ye nyu saghata körkeyïntin nko muntïruch pö pöytoghikwa tamangan nyu nko chane kokay.

OSEA 14:1

Omïlisyenö we Israel, omïlechinö ECHOTYON Tororötïngwo ompöwölo kichïntenyi ompö ngokiku.

OSEA 2:2

Monechu, ogheghchinö yongwo ogheghchinö yongwo ompöwölo melö tökïkorkenyan nyinte amelö tochan santenyi. Ogheghchinö tökïpïstö kilomatanyi nko cheporesnanenyi.

OSEA 7:16

Tökïpechini Paal* nyo melö kïgh. Lenye chane kïwang nyo kitwolö. Meghsot kintöghoghikwa ompö chok ompöwölo ngölonöy ompö menotön. Kïlenyona sösöy chane pipö Misri.”

YOEL 2:12

Akwompö nyete le ye kïmwoghöy ECHOTYON lö, “Omïlisyenö wölo omitan ompö mïkuliskökwo löwïr, ompö kïrurat nko lok nko sönönöt.

SAKARIA 1:4

Makarkegh nko papotïnekwa cho kïrkegh kirirchï werkoy lö, lentöy ECHOTYON Kimuktoghin, opïstenö ortïn nko ighisyewutkökwo cho ghach, melö kilïm amelö kirïp ngalechan.

KINONO KIRURUT 27:15

“ ‘Chïpote chi anka tïkwïl nyo ighöy körkeyïn nyo kipötöy anta nyo kitongöy, akïsagh ompö wïnyat. Ghöchini ECHOTYON saghata körkeyïntin.’ Kuyokwï pich löwïr lö, ‘Amen!’*

KINONO KIRURUT 4:30

Kïkany ato omitekwa nyarïl akïpkonchokwa tïkuchoni löwïr, oyokyï kegh ECHOTYON Tororötïngwo ompö osisweku cho pö löt ater ngalechi.

YOSWÖ 24:14

Kïlenyona kïtas tagh Yoswö kïlö, “Okonyïtö ECHOTYON, apöghisyechï nyinte ompö mïkulögh nyo melö pö lïs nko ompö man, opïstenö tororötinechay kipöghisyechini papotïnekwa ompö koro Mesopotamiya nko ompö Misri, apöghisyechï ECHOTYON.

KIRWOKÏ 10:16

Atolapay kïlasta pïchay pö Israel tororötinechay pö tontön akïsagh ECHOTYON. Kusus nyinte nyarïl nyo kitïng pipö Israel.

1 SAMWEL 7:3

Kïlenchï Samwel pipö Israel löwïr, “Ato komïlonchekwa wölo mi ECHOTYON ompö mïkulögh akonga, anategha nyu tororötinechay le to nko Astarot* ompö kwenunkwa atang wölo mi ECHOTYON apöghisyechï nyinte onkït. Atökïsörunenok mori Pilisti.”